Tveir flokkar sem vilja lækkun skulda Grikklands - mynda ríkisstjórn

Já, Alexis Tsipras er þegar búinn að mynda ríkisstjórn, það áhugaverða er - - að hann myndar hana með "hægri flokknum" -Sjálfstæðir Grikkir.- Þ.e. áhugavert val, því "Sjálfstæðir Grikkir" eins og nafnið bendir til - - er þjóðernissinnaður flokkur.

En á sama tíma -og það er örugglega límið í stjórninni- hefur formaður þess flokks, eins og Alexis Tsipras, þá kröfu efst á stefnuskrá síns flokks - - > Að krefjast lækkunar skulda Grikklands.

Sjálfsagt er flokkurinn -Sjálfstæðir Grikkir- um margt líkur Framsóknarflokknum íslenska.

Þetta er hópur, sem klauf sig á sl. kjörtímabili frá megin hægri flokk Grikklands, vegna ósættis við stefnu "Nýs Lýðræðis" eins og sá flokkur heitir - - hvað skuldamál Grikklands varðar, og ekki síður þá stefnu - að skera niður, í stað þess að stefna að minnkun atvinnuleysis og fókusa á að auka hagvöxt sem fyrst.

After Victory at Greek Polls, Alexis Tsipras Is Sworn In and Forms Coalition Government

Panos Kammenos -til vinstri- og Alexis Tsipras -til hægri-

Þessi stjórnarmyndun gerir bersýnilega að engu vonir Evrópuríkja, að hugsanlega væri Alexis Tsipras ekki alvara með kröfurnar um lækkun skulda Grikklands

En hafandi í huga, að fyrir utan þessa megin stefnu - - á róttækur vinstri flokkur Tsipras, og hægri flokkur Kammenos - - > Sennilega nánast ekki neitt sameiginlegt.

Þá er það algerlega ljóst, að lækkun skulda Grikklands - verður megin áhersla ríkisstjórnarinnar næstu mánuði.

1. Þ.e. alveg rökrétt að ætla, að skuldir Grikkland séu það háar, að þær muni næstu ár að óbreyttu - hafa hagvaxtar lamandi áhrif á landið. Þannig að þær geti þróast yfir í að vera skulda ánauð fyrir land og þjóð.
2. En að öllu óbreyttu, þá þarf landið a.m.k. 4,5% að þjóðarframleiðslu afgang af ríkisútgjöldum - - þrátt fyrir að vextir hafi verið lækkaðir mikið á sínum tíma, og skuldir lengdar.
3. Þetta mundi þurfa að vera viðvarandi ástand, er halda mundi aftur af getu ríkisins til þess að standa undir félagslegum útgjöldum - nk. áratugi.
4. Þ.s. afgangur er í dag ekki meiri en ca. 1,5% af þjóðarframleiðslu, þá felur það í sér þörf fyrir verulegar viðbótar útgjalda lækkanir - - ef hagvöxtur sem spáð er næstu ár, birtist ekki. En það verður að teljast ástæða að ætla að sú forsenda að hagvöxtur á Grikklandi nk. ár verði sá mesti í ESB - - sé bjartsýn forsenda.
5. Þ.e. ástæða að ætla, að fyrir bragðið - - skorti möguleika á pólit. samstöðu í Grikklandi, til þess - - að standa við skuldaprógrammið.

Og auðvitað niðurstaða kosninganna - - ber þess öll merki.

Kjósendur hafa gert uppreisn.

 

Á sama tíma, er augljóst gríðarleg tregða meðal annarra aðildarríkja ESB, til þess að lækka skuldir Grikklands

Eins og Gideon Rachman bendi á: Europe cannot agree to write off Greece’s debt.

En hann bendir á, að það séu sterkar vísbendingar uppi - að pólitískt ómögulegt sé fyrir mörg aðildarríkjanna - að samþykkja einhverja umtalsverða lækkun skulda Grikklands.

1. En hann bendir á annað sem a.m.k. er tæknilega mögulegt - - að greiðslum af skuldum Grikkland sé unnt að fresta frekar.
2. Að tæknilega sé unnt, að miða síðan greiðslur Grikkland við það - - þegar sjálfbær hagvöxtur raunverulega birtist í Grikklandi.

• Þá erum við að tala um - - greiðslufrystingu.

Þetta hef ég sjálfur nefnt - - t.d. 8.11.2012 Grikkland gjaldþrota þann 16/11 nk?

1. Þá lagði ég einmitt til - frystingu greiðsla Grikklands.
2. Að eftir að sjálfbær hagvöxtur hefst - væri tekin ákvörðun um það, að hvaða leiti Grikkland mundi raunverulega greiða af sínum skuldum.
3. En það geti ekki legið fyrir - - fyrr en hagvöxtur er hafinn. Hver greiðslugeta Grikklands raunverulega er.

En þetta gæti verið tæknilega möguleg lausn - - þ.e. að fresta þeirri formlegu ákvörðun að skera af eða lækka frekar skuldir Grikklands.

Setja Grikkland í greiðslufrystingu í óákveðinn tíma, sem mundi ákvarðast af - - hagvaxtarstöðu landsins, og því að hvaða marki það væri að rétta við sér.

Lán væru þá "in effect" víkjandi.

Tæknilega þyrfti ekki að ákveða strax - hvað er skorið mikið niður. Né hvaða lán.

 

Niðurstaða

Þetta sagði ég 8.11.2012 - "Réttast væri, að setja landið í algera frystingu skulda eða greiðslustöðvun. Láta þá stöðvun eða frystingu vara einhver ár.

Gefa landinu, þjóðinni, hagkerfinu - tíma til að ná andanum. Og endurskipuleggja sig.

Einungis eftir að sú endurskipulagning væri komin á rekspöl, væri hugsanlega unnt að sjá út líklega framtíðar greiðslugetu Grikklands."

Ég held enn, að þetta sem ég lagði til þá - geti verið skársta lausnin á málinu, því þá þurfi ekki að ákveða strax að formlega skera skuldir landsins niður.

Sennilega hafi Gideon Rachman rétt fyrir sér, að slík formleg ákvörðun sé ómöguleg fyrir margar aðildarþjóðir - vegna innan lands pólitískrar afstöðu flokka.

En kannski væri unnt að taka þá ákvörðun, að setja Grikkland í formlegt greiðslustöðvnar ferli - síðan sé ákvörðun tekin síðar um greiðlur Grikklands, þegar raunveruleg greiðslugeta Grikklands birtist - - er sjálfbær hagvöxtur kemur fram.

En einungis þegar hver sá verði - - er komið í ljós. Verði mögulegt að raunverulega vita, hver framtíðar greiðslugeta Grikklands raunverulega er.

Þ.e. raunveruleg reynsluþekking - - ekki getgátur!

 

Kv.

Alexis Tsipras leiðtogi Syriza flokksins virðist hafa unnið stóran kosningasigur í þingkosningunum í Grikklandi

Eftir að 76% atkvæða höfðu verið talin, er Syriza flokkurinn kominn með 149 þingsæti af 300, vantar einungis 2-þingmenn til að ná meirihluta. Þeir gætu enn birst þegar talning verður kláruð. Eða að Syriza fær með sér einhvern þeirra smáflokka er náðu inn á þing.

Greek leftist leader Tsipras claims victory over austerity

Anti-Austerity Party Wins Decisive Victory in Greece

Syriza win issues challenge to Europe

1. Syriza 36,2%
2. New Democracy 28%
3. Golden Dawn 6,3%

Innanríkisráðuneytið á Grikklandi, telur líklegt að Tsiprast nái 150 þingmönnum.

• "The Interior Ministry said that its projections show Syriza gaining 150 of the 300 seats in parliament — one short of the majority it needs to govern alone."

Tsipras - "Greece leaves behinds catastrophic austerity, it leaves behind fear and authoritarianism, it leaves behind five years of humiliation and anguish," - “Greece will now move ahead with hope, and reach out to Europe, and Europe is going to change,” - “The verdict is clear: We will bring an end to the vicious circle of austerity.”

Það virðist afar líklegt - að Tsipras finni þann eina þingmann eða þá 2 - sem hann vantar upp á hreinan meirihluta.

• "Negotiations are likely to begin immediately and both Panos Kammenos, the leader of the small Independent Greeks party and Stavros Theodorakis, head of the centrist To Potami party, said they would be willing to support an anti-bailout government."

Tsipras hefur lofað því að - - meira fé verði varið til velferðarmála, til að milda þá gríðarlegu fátækt sem aukist hefur á Grikklandi - síðan kreppan þar hófst.

Og hann hefur lofað því, svo hann geti aukið fé til velferðarmála, að geta atlögu að því að - fá skuldir Grikklands lækkaðar.

1. Ég er handviss um að mjög margir muni fylgjast mjög náið með því, hvernig atlögu Tsipras að því, að endursemja um skuldir Grikklands verður tekið.
2. Eftir allt saman er Grikkland ekki eina ríkið í skuldavanda, en hann er þó verstur í tilviki Grikklands, þ.e. ca. 177% af þjóðarframleiðslu.
3. Á sama tíma að gríska hagkerfið, er eitt það veikasta í Evrópu. Sérstaklega, er útflutningshluti hagkerfis Grikkja - - lítiðfjörlegt. Og það þarf að standa undir því að greiða af þessum skuldum.
4. Það hefur fj. hagfræðinga mælt með því, að lækka skuldir Grikklands. Enda eru þær eins háar í dag hlutfallslega, og þær voru er síðast var skorið af skuldum Grikklands.

Það þarf líka að hafa í huga, að fylgi við jaðarflokka fer vaxandi í Evrópu.

Einmitt vegna óánægju kjósenda með stöðu mála, þ.e. velferðarniðurskurð, vaxandi launabil, og atvinnuleysi.

Vandinn er einungis einna verstur á Grikklandi, ekki það að hann sé ekki til staðar víðar.

• Ég sá t.d. nýlega þá skýringu, að svo mikið væri gagnkvæmt hatur stuðningsmanna megin vinstri flokks Frakklands, og megin hægri flokks Frakklands. Að ef Sarkozy nær í gegnum fyrstu umferð forsetakosninga, en Hollande ekki. Þá væri líklegar að vinstri menn kjósi Marine Le Pen. Og öfugt að ef Hollande nær inn í 2-umferð, en Sarkozy ekki. Þá væri líklegar að stuðningsmenn Sarkozy kjósi Marine Le Pen heldur en Hollande.

Ég veit ekki hvort þetta er rétt - - en vegna þess að það eru Sarkozy og Hollande, sem eru hennar megin keppinautar - - þá virðist allt í einu mjög raunhæfur möguleiki að Marine Le Pen verði forseti Frakklands 2017.

Punkturinn er sá, að leiðtogar Evrópu þurfa að skoða sinn gang, ef ekki er unnt að milda óánægju kjósenda - - þá getur stefnt í það að hugsanlega hættuleg öfgastefna nái völdum, og það hugsanlega í fleira en einu aðildarríkja ESB.

Þeir hafa nú ef til vill visst tækifæri til þess - nú þegar Tsipras hefur náð kjöri í Grikklandi, að endurhugsa málin.

 

Niðurstaða

Það virðist algerlega öruggt að Alexis Tsipras sé næsti forsætisráðherra Grikklands. Tsiprast ætlar að halda Grikklandi í evrunni. En spurning hvort hann fær það? En hann hefur vonir grískra kjósenda nú á sínum herðum. Og ef hann getur ekki staðið við stóru orðin - - gætu grískir kjósendur virkilega snúið sér næst að, ný nasistum í Gullinni Dögun.

Þ.e. einnig atriði sem leiðtogar Evrópu þurfa að íhuga.

Evrópa hefur ekki þann valkost að búa ekki með Grikklandi sem nágranna.

En þeir geta ef til vill valið hvernig granni Grikkland verður.

 

Kv.