Leiftursókn "ISIS" heldur áfram í Írak - her Íraks að gufa upp, heilu byggðalögin falla án bardaga

Krísan í Írak virðist magnast á ótrúlegum hraða. En á miðvikudag féllu að því er best verður séð - stór svæði. Þar á meðal borgin Tikrit þ.s. Saddam Hussain fæddist, skv. nýjustu fréttum stefnir í að borgin Samarra falli þá og þegar. Auk þess náðu ISIS liðar bænum Baji þ.s. mikilvæg orkuver eru staðsett, þ.s. meðal annars Bagdad fær orku.

Iraq insurgents take Saddam's home town in lightning advance

1. Miðað við þessar upplýsingar - - er 3-héraðið innan Íraks, að falla í hendur ISIS þ.e. Salhaddin, sjá kort.
2. ISIS virðist nú ráða alfarið Ninawa héraði, en skv. fréttum hafi hersveitir ISIS klárað töku héraðsins á miðvikudag. 
3. Auk þessa, ráði ISIS Anbar héraði - sem er strjálbýlt mestu auðn.

Þ.s. kannski er mikilvægast - - er sennilega að "ISIS" hefur náð mikilvægu olíusvæði í N-Írak. Að vísu hefur engin olíuframleiðsla verið þar í nokkurn tíma, en þ.e. ekkert ómögulegt við það, að hefja hana að nýju - ef ISIS liðar ráða yfir fólki sem kann til verka.

En ISIS kvá ráða yfir olíusvæði innan Sýrlands, þaðan sem þeir fá sína eigin olíu, og hafi þegar af tekjur af sölu olíu á svörtum markaði. Kannski er þar að finna fólk, sem kann til verka.

Ef þeir geta ræst brunnana í N-Írak, geta þeir aukið mjög mikið innkomu sína, og þar með getu til að afla sér frekari vopna, á svörtum.

Þetta getur hafa verið lykilatriðið í framrás hersveita ISIS, en stjórnandi ISIS hefur metnað til þess, að stofna ríki - - og þá þarf að sjálfsögðu, að huga að grundvelli þess.

Iraqi insurgent commander is jihad's rising leader

Skv. þessari umfjöllun heitir hann, Abu Bakr al-Baghdadi.

Lítið er vitað um hann.

ISIS er þekkt fyrir ótrúlegt "brutality" þ.s. andstæðingar séu yfirleitt hálshöggnir, ef þeir gefast upp.

Þetta getur verið "taktík" en skv. fréttum, virðist að ISIS liðar hafi leyft hermönnum og lögreglu í Tikrit, að gefast upp án bardaga, og yfirgefa staðinn fótgangandi án vopna - en lifandi.

Með öðrum orðum, að berjast sé sama og dauðadómur, að gefast upp sé leiðin til að lifa af.

Militants Sweeping Toward Baghdad

Í mannkynssögunni er að finna sambærilegt dæmi, en Mongólar voru þekktir fyrir svipaðar aðferðir. Oft leiddi það til þess, að þeir unnu sigra - - án bardaga. Þegar andstæðingar kusu frekar uppgjöf.

Skv. fréttum, þá viðhafa "ISIS" liðar mjög stranga túlkun á "Sharia" þ.s. þeir ráða, sem sjálfsagt kemur ekki á óvart. Sjálfsagt er að búa á þeirra umráðasvæði, um margt svipað og var að búa í Afganistan meðan að Talibanar réðu þar ríkjum.

• Skv. fréttinni að ofan, hefur leiftursókn "ISIS" skapað nokkurn ugg íbúa í Bagdad, og berast fréttir af að íbúar í borginni, séu farnir að "vopnast."
• Þeir treysti ekki lengur hernum, sem virðist nánast vera að gufa upp á heilu svæðunum.

Þ.s. "ISIS" eru strangtrúar súnní múslímar - - þá blasir við að þeir sjálfsagt að þeir álíta shia islam, villutrú.

Það má því fastlega gera ráð fyrir því, að þeir séu ekki sérlega velkomnir, á svæðum þ.s. meirihluti íbúa er shia.

• Það virðist hugsanlegt, að súnní íslam hluti Íraks, sé við það að "klofna frá" stjórninni í Bagdad, sem lýtur stjórn meirihluta landsmanna, sem eru shia islam.

-----------------------------

Áhuga vekur að "ISIS" liðar hafa nú á sínu valdi nokkurn fjölda tyrkneskra borgara, þ.e. konsúlatið í Mosúl, konsúllinn og starfsfólk, og nokkur hópur tyrkneskra vörubílstjóra.

Militants Seize Turkish Consulate Staff in Iraqi City

Skv. frétt, hefur ekki verið skert hár á höfði þeirra, en líkur virðast sterkar á því að "ISIS" muni heimta lausnargjald.

Þetta getur þróast yfir í áhugavert drama, því Tyrkir eru pottþétt mjög ókátir yfir þeirri þróun.

En þeir ráða yfir fjölmennasta hernum í Mið-Austurlöndum, að auki eiga vel þjálfaðar sérsveitir.

 

Niðurstaða

Hafandi í huga að stjórnarher Íraks, virðist hafa verulegu leiti gufað upp í loftið. Í kjölfar ósigurs þriðjudagsins, sem virðist hafa gert "ISIS" liðum það mögulegt - að taka heilu svæðin á miðvikudag nánast alfarið án mótspyrnu. Þá getur það reynst torvelt fyrir stjórnina í Bagdad, að bregðast snöggt við.

En hrun stjórnarhersins, væntanlega þíðir að "ISIS" liðar hafi náð á sitt vald verulegum vopnabirgðum, svo má ekki gleyma að þeir ráða nú olíuhéraði innan Ninawa. Sem gæti verið lykilatriðið sem "ISIS" var að sækjast eftir. Með því að halda samt áfram að víkka út yfirráðasvæði sitt, þá verður staða þeirra tryggari í Ninawa héraði. En þá eru hugsanlegir bardagar síður nærri því olíusvæði.

En menn mega ekki gleyma því, að al Bagdadi leiðtogi hreyfingarinnar, virkilega ætlar sér að skapa íslamískt ríki á svæðum sem hann ræður yfir í Sýrlandi og Írak.

Að tryggja ríkinu "olíutekjur" er því ekki neitt smáatriði, þegar kemur að því að skapa því raunverulegan grundvöll. En það getur skapað getu, til að viðhalda fjölmennum fastaher, og afla enn betri vopna.

Við verðum að gera ráð fyrir því að "al Bagdadi" viti hvað hann er að gera.

Ef Bagdad stjórnin, getur ekki endurskipulagt herinn, og hafið öfluga gagnsókn. Þá getur það áhugaverða ástand hafa skapast, að súnní íslam svæðin innan Írak, séu mestu komin undir yfirráð "ISIS - fyrir utan Kúrdasvæðin sem lúta stjórn þeirra sjálfra. Þau svæði innan Íraks ásamt svæðum sem ISIS ræður innan Sýrlands - - tja, þá er íslamista ríkið komið til sögunnar.

Þ.e. dálítið síðan, heimurinn hefur orðið vitni að því, að nýtt ríki sé skapað með hernaði.

-----------------------------

Eitt tvist í þessari sögu, er líklega að Obama forseti mun að líkindum vera gagnrýndur fyrir "meinta linkind" af bandarískum hægri mönnum.

En Bandaríkin hvöttu allt sitt lið frá Írak. Hafa engan her þar í seinni tíð. Það eru sannarlega til þeir, sem töldu það mistök - - það er sennilega sama fólkið, sem einnig vill að bandar. her verði áfram í Afganistan. En Obama hefur gefið upp, að herinn verði kvaddur þaðan fyrir árslok 2016.

• Mín skoðun er að Bandaríkin hafi gert rétt með því að yfirgefa Írak, þeir hafi reyndar aldrei átt að fara þar inn, en þ.e. önnur saga.
• Þeir hafi einungis haft 2-valkosti. Að vera þar alltaf, eða fara. Sömu valkostir gildi í Afganistan. Endalaus stríðsþátttaka með öðrum orðum.
• Þ.e. auðvitað galli við þá röksemd bandar. hægri manna, að þá verður þetta algerlega "open ended" - - en þ.e. ekkert sérstakt sem bendir til þess að önnur 10 ár mundu duga í Afganistan. Eða að nokkur ár til viðbótar í Írak, hefði skilað landi líklegra að hanga saman.

Þ.e. kannski best að þessi 2-lönd þ.e. Sýrland og Írak. Flosni upp, en þau voru aldrei "náttúruleg" lönd í þeim skilningi, að þau væru þjóðríki eða líkleg að verða að slíkum. Það hafi einungis verið unnt að halda þeim saman, með ógnarstjórn - - það hafi Saddam séð um í Írak, og Assadarnir í Sýrlandi.

Þegar ógnarstjórnin fer frá eða fólk rís upp gegn henni, eins og í Sýrlandi. Komi upp á yfirborðið, innrii ósamkvæmni þessara landa. Og þau sennilega "hlutu að klofna." 

------------------------------------

PS: Eins og fram hefur komið í fréttum virðist að sveitir Kúrda innan Írak, hafi tekið borgina Kirkuk. Sem er áhugaverð þróun, því í grennd við þá borg er olíusvæði, hafa Kúrdar lengi viljað fá þá borg. Ef þessar fréttir eru réttar. Getur það þítt að Kúrdar séu þar með komnir með olíu. Sem getur þítt, að styttist óðfluga í að Kúrdar stefni að eigin formlegu sjálfstæði. En þeir örugglega sleppa ekki haldi á Kirkuk síðar - ef rétt er að þeir hafi þá borg núna. 

 

Kv.