Úkraínsk stjórnvöld halda málþing um framtíð landsins, án þess að bjóða fulltrúum uppreisnarhópa

Ég hef hingað til ekki verið "stuðningsmaður" rússn.mælandi þjóðernissinnuðu hópanna, sem hafa hafið "vopnaða" uppreisn gegn stjórnvöldum í Kíev. T.d. á þriðjudag, létu a.m.k. 7 úkraínskir stjórnarhermenn lífið, þegar uppreisnarmenn veittu bílalest hersins fyrirsát. Uppreisnarmenn héldu því fram að allt að 30 hermenn hefðu látist. Að mikið beri milli yfirlýsinga, er ekki óalgengt í slíkum átökum. Á miðvikudag, var aftur á móti - - kyrrt yfir tiltölulega.

En þ.e. þ.s. þetta er - vopnuð uppreisn. 

Ekki friðsöm mótmæli, kannski í upphafi, en bersýnilega alls ekki lengur.

Ukraine holds talks to end crisis, rebels not invited

Ukraine 'Close to Civil War,' Says Russian Foreign Minister

 

Punkturinn er sá, að stjórnvöld Úkraínu virðast víðs fjarri því að vera fær um að sigrast á sveitum uppreisnarmanna

Þannig séð, er það fullkomlega nægjanleg ástæða. Þú þarft ekki að hafa "nokkra samúð" með málsstað uppreisnarmanna. Þú getur verið fullkomlega andvígur þeirra málstað, ef út í þ.e. farið. 

En ef stjórnarherinn eins og virðist vera reyndin, er gersamlega ófær um það verk, að hrifsa til baka fulla stjórn á héruðum að mestu undir stjórn uppreisnarmanna.

• Þá er það einfaldlega "fullkomin heimska" þegar mál eru komin á þetta stig, að bjóða ekki fulltrúum uppreisnarmanna á slíkt "óformlegt málþing" þ.s. leitast er til við að þreifa á málinu, og kanna hvort þ.e. hugsanlega til staðar grundvöllur fyrir "sameinaða Úkraínu."

Menn verða auðvitað að "lifa í raunheimum" - - núverandi nálgun stjórnvalda í Kíev, að geta ekki nálgast umræður um andstæðinga sína með öðrum hætti en "þessir andskotans hryðjuverkamenn" er í besta falli ákaflega óskynsöm, þ.s. það færir þeirra andstæðingum þar með það vopn í hönd, að stjórnvöld virðast "órökrétt" eða "irrational." 

Augljóslega er það ekki snjöll nálgun, þegar báðir aðilar eru að leitast til við að "höfða til fjöldans" þ.e. landsmanna.

Síðan má ekki gleyma því, að nýleg óháð skoðanakönnun - - bendir til þess, að almenningur í Úkraínu vilji í reynd enn, að Úkraína haldist sameinuð - könnun PewReseach:

Despite Concerns about Governance, Ukrainians Want to Remain One Country

Á Úkraína að "vera sameinuð" eða "á að heimila einstökum héröðum að fara?

.......................................Vera sameinuð.....Heimila klofning.....Veit ekki.

Vestur Úkraína..........................93%......................4%................2%

Austur Úkraína..........................70%.....................18%...............13%

Rússn.mælandi.........................58%.....................27%...............15%

Krím Skagi...............................12%.....................54%...............34%

Það þíðir að - - með skynsamri nálgun, væri það langt í frá endilega augljóslega vonlaust verk fyrir ríkisstjórn í Kíev, að efla andstöðu við aðgerðir sem bersýnilega er ætlað að stuðla að sundrung landsins.

Það hvernig settur forseti talar um uppreisnarmenn, og settur forsætisráðherra - - einfaldlega vinnur með áróðri uppreisnarmanna; sem er sá að stjórnin sé skipuð hættulegum þjóðernisöfgamönnum.

Einhver verður að bakka - - ef það virkilega á ekki að verða stríð.

Ef stjórnin, mundi bjóða fulltrúum uppreisnarmanna á slíka fundi, ásamt öðrum fylkingum og fulltrúum hagsmunasamtaka úr samfélaginu - - og virkilega bjóða þ.s. mundi virðast fremur sanngjarna tillögu um aukið sjálfforræði héraða eins og Luhansk og Donetsk.

• Gæti stjórnin hugsanlega að stórum hluta, umturnað spilinu. 
• En ef uppreisnarmenn, mundu hafna slíkri sátt, á sama tíma og stjórnin virtist sáttfús með slíkum hætti, þá mundi í staðinn - - halla á uppreisnarmenn, er þá virtust í staðinn "ósanngjarnir."

Það getur meira að segja verið snjall leikur - - jafnvel þó að ríkisstj. eigi ekki von á öðrum viðbrögðum frá uppreisnarmönnum, en að þeir hafni slíkri tilraun til sátta.

• Því þá mundi stjórnin vinna töluverðan "áróðurssigur."

En með því að halda "hringborðsumræður" án uppreisnarmanna, þá er hún að gefa þeim ókeypis "áróðursprik." 

 

Niðurstaða

Ef stjórnin í Kíev á að eiga nokkurn möguleika á að vinna hug og hjörtu landsmanna, þarf hún að algeru lágmarki. Að nálgast innanlandsdeilur með sæmilega "gáfulegum" hætti. Það verður einfaldlega að segjast, að hennar nálgun virðist gersamlega heimsk. Ef hún heldur áfram að nálgast mál með þeim hætti, þá heldur hún áfram að gefa uppreisnarmönnum ókeypis áróðursprik. Og þeir halda áfram að eflast að stuðningi meðal íbúa landsins, sem ef marka má niðurstöður nýlegrar skoðanakönnunar. Vilja í reynd ekki að landið sundrist í stríðandi héröð.

 

Kv.