Viðræður ESB og Bandaríkjanna um fríverslun gætu farið út um þúfur áður en þær formlega hefjast!

Þarna er um að ræða tvær kröfur sem fljótt á litið virðast útiloka hvora aðra. Annars vegar afstöðu Frakka - sem þeir hafa líst yfir að sé "ófrávíkjanlegt skilyrði." Og afstaða Bandaríkjanna, sem virðist fljótt á litið - jafn stíf. Annar hvor aðilinn þarf að gefa eftir. Annars líklega verður hætt við viðræður áður en Þær eiga möguleika á að hefjast með formlegum hætti.

Ég kaupi það gersamlega, að Frökkum sé alvara með að vilja frekar - drepa þennan samning, en gefa eftir sitt.

Meðan að Obama forseti, mun þurfa að hafa Bandaríkjaþing í huga, sem hefur sögulega í nokkur skipti fyrir sitt leiti, hafnað því að staðfesta milliríkjasamninga sem þingmenn sjálfir meta að komi ekki nægilega til móts við þarfir Bandaríkjanna.

T.d. Hafréttarsáttmálinn, sáttmálinn um "International Criminal Court - I.T.C." og a.m.k. einu sinni felldi Bandaríkjaþing fríverslunarsamning, rámar mig við Chile.

 

Paris threatens EU-US talks as China trade war looms

• "France has mounted a fierce campaign to defend “l’exception culturelle” – an internationally-agreed system that allows subsidies, tax breaks and quotas to protect local film, television and music industries from being swamped by mainly American, English-language products."
• "President François Hollande has made preserving the system a “red line” for agreeing to talks."
• "A senior French official said: “Our position is clear. If audio-visual is not excluded there will be no mandate to start the talks.””.

• “To accomplish an ambitious and comprehensive agreement, we should not be carving out issues before the negotiation even begins,” said a senior US official involved in the talks.

Vandamálið er að tollar milli ESB og Bandar. á iðnaðarvörur eru þegar lágir, þ.e. skv. Framkvæmdastjórn ESB einungis 4% að meðaltali.

Þannig að fríverslunarsamningurinn mun þá snúast um önnur svið, þar sem ekki hefur enn verið opnað á frjálsa verslun eða tiltölulega frjálsa verslun.

Ég er alveg viss um að Frakkar gefa ekki eftir vernd fyrir franskan kvikmyndaiðnað, útvarpsstöðvar, blöð - - meira að segja vilja Frakkar að verndin nái yfir "netmiðla."

Innan Frakklands er lítill stuðningur fyrir þessum samningum, svo að fyrir Hollande er lítil pólitísk áhætta af því, að drepa fríverslunarviðræður Bandar. og ESB í fæðingu.

Þannig að hótun Frakka skortir í engu trúverðugleika.

--------------------------------------

Þetta getur orðið forvitnilegt drama, og áhugavert að sjá - - hvort Kanar ef til vill ná inn eftirgjöf á einhverju öðru sviði í staðinn. 

En vitað er að bandarískir landbúnaðarhagsmunir vilja opnun á "erfðabreitt" matvæli, sérstaklega korn - innan Evrópu. Með öðrum orðum, að mjög verulega verði slakað á takmarkandi reglum, sem séu hindrun í aðgangi að evr. markaði fyrir erfðabreitt matvæli.

Það getur orðið mjög erfitt að fá Bandaríkjaþing að auki til að staðfesta samning, fyrir rest. Ef sá inniheldur ekki slíkar umtalsverðar tilslakanir.

Enda eftir allt saman, landbúnaðarlobbíið á Bandaríkjaþingi öflugt.

En á sama tíma, er til staðar innan Evrópu - mjög einbeitt andstaða einmitt gegn erfðabreittum matvælum.

En í dag er megnið af bandar. landbúnaðarframleiðslu, erfðabreitt. 

--------------------------------------

Eins og ég sagði, þ.s. nær full opnun er þegar á iðnaðarvörur - - munu samningarnir fókusa á önnur svið viðskipta. 

Þetta geta því orðið mjög torsóttar viðræður - - þ.e. ef þær á annað borð hefjast!

 

Niðurstaða

Það verður forvitnilegt að fylgjast með tilraunum ESB og ríkisstjórnar Bandaríkjanna, til að standa fyrir fríverslunarsamningi milli Bandaríkjanna og ESB. Sannarlega væri slíkur samningur gagnlegur bæði fyrir Bandaríkin og Evrópu. En á sama tíma, ber verulega mikið á milli Bandaríkjanna og Evrópu á sviðum. Sem verða væntanlega undir smásjánni í þessum viðræðum.

Alls ekki unnt að gefa sér fyrirfram - að af slíkum samningi verði. 

Né er það meira að segja öruggt, að viðræður komist af stað!

 

Kv.