Ný ríkisstjórn stendur frammi fyrir mjög krefjandi verkefnum!

Eins og fram er komið í fréttum, er ráðherralisti stjórnarinnar fram kominn, þ.e.:

Framsóknarflokkur:

• Sigmundur Davíð - Forsætisráðherra.
• Gunnar Bragi - Utanríkisráðherra.
• Sigurður Ingi - Sjávarútvegs-, landbúnaðar, og umhverfisráðherra.
• Eygló Harðardóttir - Félagsmálaráðherra.

Sjálfstæðisflokkur:

• Bjarni Ben - Fjármála- og efnahagsráðherra.
• Hanna Birna - Innanríkisráðherra.
• Illugi Gunnarsson - Mennta-  og menningarmálaráðherra.
• Ragnheiður Elín - Iðnaðar- og viðskiptaráðherra.
• Kristján Þór - Heilbrigðisráðherra.

• Einar K. verði Forseti Alþingis. 

Stjórnarsáttmálinn hefur einnig verið kynntur fjölmiðlum!

 

Verða sennilega fáir hveitibrauðsdagar!

Ástandið er eiginlega þannig að það kallar á skjótar aðgerðir. En þ.e. ekki bara vegna loforðsins um "leiðréttingu" skulda heimila. Heldur hefur komið fram nýverið að fram yfir 2018, sé fyrirsjáanlega skortur á gjaldeyri á Íslandi.

Það kemur til að skv. áætlun kosta skuldir þjóðarbúsins 5,5% af þjóðarframleiðslu yfir þau ár - þ.e. mjög þung greiðslubyrði. Á sama tíma og afgangur af gjaldeyristekjum, var 3% sl. ár.

Þetta þíðir, að öllu óbreyttu - - stefnir í lífskjaralækkun á Íslandi.

Síðan er það einnig gjaldeyrislán sem tæknilega er á ábyrgð Landsbanka Íslands hf, en Seðlabankinn hefur varað við, að óvissa er um að Landsbankinn geti útvegað nægan gjaldeyri fyrir. 

En það kemur vegna fyrri aðvörunarinnar, að ekki sé nægur gjaldeyrir næstu árin, Landsbankinn er ekki með erlend viðskipti í dag eins og fyrir hrun. Því ekki sjálfstæða gjaldeyristekju-uppsprettu. 

Skv. Seðlabanka þarf að semja um það lán einnig - - þetta er fyrir utan, að semja við kröfuhafa um 800ma.kr. í lausafé, sem þeir eiga hérlendis bundið á reikningum, og vilja losa út.

------------------------------------

Áður en þetta allt hefur verið gert - - er ljóst að engar forsendur eru fyrir lífskjarahækkun.

En ríkisstjórnin ég ítreka, mun þurfa að fara í neyðaraðgerðir til að bjarga þeim núverandi, sem þíðir ekki að stéttafélögin muni samt sem áður ekki krefjast hækkana.

• Það blasir við - - að mikið verður að gera frá fyrsta degi!

• Því líklega fáir eða jafnvel engir "hveitibrauðsdagar."

Auk þess, eru ofangreindar neyðaraðgerðir allar í senn, forsenda losun hafta!

 

Eitt forvitnilegt varðandi ráðherralistann!

Það er eiginlega þetta "Sjávarútveg-Landbúnaðar-og-Umhverfisráðuneyti." Áhugavert það risaráðuneyti sem hefur verið búið til.

Það sem verður spennandi er að sjá, hvaða afstöðu Sigurður Ingi mun taka til umhverfismála, en eitt af því sem sannarlega er mikilvægt á Íslandi.

Er að nýta auðlindir í sátt við náttúruna - - að hafa auðlindamál og umhverfismál tengd með þessum hætti, er ekki endilega slæmt. 

En þarna getur um miklu ráðið sá einstaklingur sem ræður yfir þeim ráðuneytum, þó skv. Sigmundi Davíð, sé þessi skipan einungis til bráðabirgða.

Meðan að endurskoðun á skipan ráðuneyta og verkefnaskipan þeirra fer fram.

------------------------------

Enn eitt risaverkefnið - - en ekki er á þeim skortur, þ.e. klárt :)

En skv. Sigurði Inga, sem kom fram á RÚV, er ekki Umhverfisráðuneytið lagt niður, eins og fjöldi "netverja" hélt fram, sem stjórnsýsluleg eining sé það enn það sama og áður.

Breyting á því, fari fram sem þáttur í hinni boðuðu allsherjar endurskoðun!

------------------------------ 

En spurningin er hver fókus hins nýja "umhverfisráðherra" verður?

Alltaf spurning um jafnvægið milli áherslunnar á nýtingu - og áherslunnar á verndun!

• Mín skoðun er að nýting skuli vera "varfærin."
• Með virðingu fyrir náttúrunni!

• Rétt sé að leita leiða til að fara bil beggja, milli ítrustu verndarsjónarmiða og ítrustu nýtingarsjónarmiða.

 

 

Niðurstaða

Bjóðum nýja ríkisstjórn velkomna. Að sjálfsögðu er ekki fyrirfram gefið að vel muni ganga. Rétt er að árétta, að ríkisstjórnin stendur ekki einungis frammi fyrir andstreymi vegna erfiðra aðstæðna hér heima. Heldur stafar köldum andvara frá Evrópu vegna kreppunnar þar - sem því miður virðist ekki lát á. Og hún getur skaðað tilraunir ríkisstjórnarinnar til að bæta lífskjör Íslendinga næstu misserin.

Þetta undirstrika enn rækilegra, mikilvægi þess að ríkisstjórninni takist vel upp. 

En þ.e. ljóst að þegar kaldi andvarinn frá Evrópu er tekinn með í reikninginn, þá verður hörð barátta öll næstu 4 ár að ná fram þeirri efnahagslegu uppbyggingu, sem þörf verður á.

Ef takast á að verja lífskjör landsmanna, en ekki síst - að lyfta þeim.

Að auki má reikna með hatrammri gagnrýni andstæðinga! Sérstaklega þeirra, sem eru sannfærðir að einungis aðild að ESB geti veitt Íslandi góða framtíð.

• Það sannarlega veitir ekki af því að óska stjórninni velfarnaðar.
• Því ef dæmið gengur ekki upp, mun sú lífskjaraskerðing sem hún mun berjast við að hindra, líklega dynja yfir landsmenn! 

Glansmyndin sem fyrri stjórnarflokkar héldu á lofti, er svo sannarlega rækilega hrunin!

 

Kv.

Magnað fyrirbæri skýstrokkar!

Eins og við höfum öll heyrt, þá hefur eina ferðina enn orðið stórtjón á bandarískum bæ, ef völdum skýstrokks. Athygli vakir ótrúleg stærð þess skýstrokks sem gekk yfir, þ.e. milli 1,5-2km. í þvermál.

Þetta virðist vera mynd af skrímslinu sem fór yfir bæinn!

Erfitt að gera sér í hugarlund, hvernig þ.e. að búa við þá hættu - - að skýstrokkar geti stungið sér niður úr skýjunum þá og þegar. 

Er þrumuveður gengur yfir.

En íbúar Moore í Oklahoma fengu sannarlega að kynnast þeirri hættu!

Samkvæmt Financial Times: Oklahoma tornado kills dozens and flattens town

Er vindhraðinn í strokknum áætlaður um 320km/klst. 

Hann hafi verið af styrkleika 4, þ.e. næst öflugasta styrkleika flokki.

Skv. FT er fjöldi staðfestra látinna kominn í 51.

En yfirvöld í bænum óttast að alls 90 manns hafi farist.

Eitt af því sem er erfitt við þetta, skilst mér að sé það - hve brátt fyrirbærið bregður að.

Menn verða að vita hvar "byrgið" er staðsett, eða besta herbergið í húsinu - - ef það hefur sérstyrkt herbergi.

Þannig séð minnir þetta á aðstæður í London t.d. í Seinna Stríði, að fólk þurfti að vita hvar byrgin voru staðsett, það voru æfingar reglulega.

Miðað við þetta, þá er ekki svo íkja slæmt - að búa við Suðurlandsskjálfta á ca. 100 ára fresti!

 

Magnað að sjá eyðilegginguna!

Það hafa komið fram samlíkingar við loftárás - - en það sést vel á næstu mynd, hvernig hlutir kurlast í sundur, bílar hafa þeyttst um eins og leikföng.

Ekki er þessi að neðan síðri, bara spýtna og járnarusl eftir þ.s. áður stóð húsalengja.

Ég bæti síðan þessari mynd við, þarna er eins og húsin hafi kurlast í smátt!

Og önnur loftmynd!

Áhugaverð Wiki síða: Tornado

• Rauðu svæðin á kortinu er svokallaður "Tornado allay."

Rosaleg myndasería er sýnir fæðingu skýstrokks!

 

Niðurstaða

Náttúran minnir okkur alltaf öðru hvoru á það, hve lítil mannanna verk eru - - þegar hún virkilega kemst í ham. En skýstrokkar eru ekki hættulegustu náttúrufyrirbærin sem um getur. Sennilega eru flóðbylgjur af völdum jarðskjálfta sem eiga sér stað neðansjávar, það allra hættulegasta.

Eins og við höfum tvisvar séð á síðustu árum þ.e. skjálftinn á Indlandshafi sem olli miklu manntjóni af völdum flóðbylgju á Indónesíu og löndunum í kring, eins og Malasíu, Tælandi.

Síðan aftur í Japan. Það sem kemst næst þessu hér á landi eru hamfaraflóðin úr Mýrdalsjökli. Og stöku allra stærstu eldgos, sem betur fer verða með nokkurra alda millibili.

 

Kv.