Opinber stefnumótun valdaflokks Kína - að siglingaleið um Norður Íshaf framhjá Norðurpól, sé angi af svokölluðum - framtíðar silkileiðum Kína

Um stefnumótandi gagn er að ræða, sbr. "white paper" eins og þ.e. nefnt á ensku máli, en skv. Financial Times leggur plaggið áherslu á eftirfarandi:

China reveals Arctic ambitions with plan for ‘Polar Silk Road’

1. Kína virði rétt þjóða á norðurslóðum.
2. En áskilur sér, jafnan rétt á við þær.
   --Sem getur hugsanlega einnig átt við kröfu til aðgengi að auðlyndum.
3. Þetta væntanlega þíðir, að hið opinbera mun áfram styðja við tilraunir - Cosco skipafélagsins, að sigla um Íshafið.
4. Þetta þíðir væntanlega, eða er líklega - staðfesting með formlegum hætti, á áhuga Kína á siglingum um Norðuríshaf framhjá Norðurpól.

Gömul færsla um siglingu kínversks kaupskips framhjá pólnum: Kínverska flutningaskipið Yong Sheng mun klára pólsiglingu sína nk. mánudag!

Ímynduð höfn í Finnafirði!

Íslenskir áhugamenn hafa verið að rannsaka möguleika á höfn í Finnafirði

Gömul færsla: Hvað mundi risahöfn í Finnafirði gera fyrir Ísland?

2013 var greint frá samstarfi við "Bremenports" rekstrarfélag Brimarhafnar. Ég hef ekki fylgst með málinu síðan - en einhverjar grunnrannsóknir fóru fram á því hvort eitthvert tæknilega væri því til fyrirstöðu að reisa risahöfn við Finnafjör.
--Mér skilst að grunnrannsóknir hafi a.m.k. ekki bent til nokkurs ómöguleika.

Frétt frá 2016: Aukin trú á höfn í Finnafirði.

 

Kenningin um umskipunarhöfn virðist á þá leið, að sérsmíðuð skip yrðu líklega notuð til pólsiglinga!

Rétt að benda á að skipið Yong Sheng er sigldi 2013 var held ég ekki sérútbúið - en þurfti í staðinn stöðuga meira eða minna fylgd ísbrjóts. Tæknilega er það hugsanlega fær leið að nota ekki sérsmíðuð skip - en spurning hvað Rússar rukka fyrir fylgd með ísbrjót, og einnig hve marga ísbrjóta til slíks Rússar eiga.

Hin hugmyndin væri að nota sérstyrkt skip sem gætu siglt í gegnum eitthvert íshrafl án aðstoðar -- mér skilst að á grunni slíkra væntinga séu hugmyndir um umskipunarhafnir byggðar.

1. Að sérsmíðuðu skipin væru ekki hagkvæm nema á leiðinni yfir pólinn.
2. Væntanlega í bland lægri tryggingakostnaður í stað eitthvað meiri eldsneytiskostnaðar og það að þurfa síður ísbrjót til meðfarar.
3. Sérsmíðuðu skipin væru stöðugt á pólrútunni.

 

Þá er auðvitað spurning hvaða hafnir væru notaðar

1. N-Noregur hefur tæknilega forskot, vegna þess að vera nær, þannig siglingatími skemmri.
2. En manni grunar að járnbrautir í N-Noregi mundu ekki hafa næga flutningsgetu, og mjög dýrt væri að auka við hana -- vegna landslags í Noregi.
3. Skip geta auðvitað siglt á umskipunarhöfnina annars staðar frá í Evrópu.

• N-Noregur væri auðvitað einungis hentugur staður fyrir fókus á siglingar til Evrópu.

1. Kanada - jafnvel Grænland, kemur einnig auk þessa til greina.
2. Vandamál við Grænland auðvitað að lítið er um starfsfólk einhvers staðar norðan við Ísland, t.d. við Scoresby-sund.
   --Þyrfti líklega mikið til að flytja inn -- Kína mundi líklega bjóða sína eigin starfsmenn.
   --Þá auðvitað vakna spurning - hver réði höfninni?
   --Mundu dönsk og grænlensk yfirvöld treysta Kína?
3. Hvort tveggja Grænland sem Kanada, mundi auðvitað fókusa á N-Ameríku.

1. Menn hafa ætíð bent á að höfn í Finnafirði mundi geta þjónað Ameríku- sem og Evrópusiglingum, vegna legu Íslands ca. miðsvæðis á milli Ameríku og Evrópu.
2. Ísland líklega hefur betri möguleika en Grænland til að útvega nægilegan starfsmannafjölda, til að þjónusta risahöfn en a.m.k. Grænland.
3. Það að siglingaleiðin til Íslands er lengri en annars vegar til Scoresby-sunds eða N-Noregs, er ákveðinn ókostur.
4. En á móti komi, tæknilegt hagræði af því að reka einungis -- eina uppskipunarhöfn ásamt öllu tilheyrandi, er eðlilega þyrfti mjög mikið landrými.
   --Hvort tveggja rekstrarsparnaður og sparnaður við að reisa einungis eina.

Enginn vafi að áhrif á Ísland yrðu óskapleg, af slíkri höfn - sbr. umfjöllin mína frá 2013: Hvað mundi risahöfn í Finnafirði gera fyrir Ísland?.

1. Ekki síst, að NA-land yrði þá líklega raunverulegt mótvægi við SA-land.
2. Rétt að nefna einnig, að líklega græddi Ísl. á stóraukinni skipa-umferð við landið, í formi aukinnar samkeppni í siglingum hingað -- sömu áhrif og við sjáum nú í því að aukin flug-umferð hingað er að lækka flugfargjöld hingað.
   --Vöruverð á Íslandi gæti þá lækkað a.m.k. eitthvað, vegna lægri flutningsgjalda.
   --Þetta virkar einnig á hinn veginn, að útflytjendur græddu líklega á hagstæðari flutningum.

Ég ætla ekki að spá nokkurt í líkindi þess að af þessu verði.
En Kínverjar séu þó líklegir til að ætla að etja löndunum saman á Norðurslóðum.
Láta þau keppa um þeirra athygli, til þess að prútta niður skilyrði er væru sett og verð.

1. Varðandi öryggi, þá tel ég að varnarsamningurinn og NATO aðild, dragi verulega úr líkum á því að Kína geri tilraun til að seilast hér til valda.
2. Hinn bóginn yrðu mjög umtalsverð kínversk áhrif óhjákvæmileg.

--Ég hef velt því fyrir mér, hvort Bandaríkin mundu bregðast við með því að koma aftur upp herstöð.
--En þau mundu án vafa gefa umsvifum Kína hér, nánar gætur.

 

Niðurstaða

Stefnumótunarplagg kínverskra stjórnvalda virðist staðfesta áhuga kínverskra stjórnvalda á svokallaðri Norðurpóls-leið. Kannski eykur það líkur á því að hugsanlega verði af höfn í Finnafirði. En rétt að benda á að Kína mundi líklega etja okkur saman við Noreg - Grænland - jafnvel Kanada. Til að sjá hver býður best. Það þurfa ekki endilega einungis að vera kostnaðarlegir þættir sem ráða mestu - allt eins spurning að hvaða marki Kína fengi að hafa eigin starfsmenn, og að hvaða marki Kína hefði yfirráð yfir höfn.

Þar um þarf auðvitað að auðsýna fyllstu gætni ef samið væri við Kínverja.

 

Kv.

Athugasemdir

[Jónas Gunnlaugsson, 29.1.2018 kl. 02:34]

29.1.2018 | 01:26

Við Ísland eru einhverjar mestu orkulindi heimsins, Crystal Methane. Setlögin eru á milli Íslands, Grænlands, Rússlands og Noregs. Kínverjar vilja staðsetja sig við þessar orkulindir.

Hér eru Kínverjar að koma sér upp höfnum umkverfis heiminn.

 

Þar sjáum við áætlaða höfn á Norður Íslandi. Skoða mynd nr 5

Það er ekki amalegt að hafa fríverslunarsamning við Ísland.

Kínverjar geta keypt allt á Íslandi á viku.

Íslendingar geta keypt örsmátt smábrot af Kína.

Kínverjar hafa nú þegar tekið lögsögu langt inn í lögsögu annarra þjóða,

upp í 800 kílómetra ( vegalengdin frá Íslandi til Skotlands, er 1000 Kílómetrar )

suður að Filipseyjum, Malasyu, Brunei og vestur til Vietnam. sem eru miklu stærri og fjölmennari en Ísland.

Kínverjar fara þarna ekki eftir alþjóðlegum hafréttar reglum.

Við á Íslandi verðum að læra að skoða samhengið í samskiptum okkar við þjóðirnar.

Einkum samskiptunum við Stórþjóðirnar.

Norðaustur af Íslandi eru einhverjar mestu orkulindi heimsins, Crystal Methane.

Þessi setlög eru á milli Íslands, Grænlands, Rússlands og Noregs. Skoða mynd nr 3

Í Indlandshafi hafa fundist Crystal Methane setlög, 132 metra á þykkt.

Kínverjar eru að reyna að staðsetja sig við þessar orkulindir. Skoða myndir.

meira: klikka á linkinn efst.

Egilsstaðir, 28.01.2018  Jónas Gunnlaugsson

[Einar Björn Bjarnason, 29.1.2018 kl. 02:57]

Jónas Gunnlaugsson, veit ekki til þess að nokkur efnahagslega fær leið hafi verið fundin til að nýta slík lög. Setlög sem ekki er til efnahagslega sjálfbær leið til að nýta í eðli sínu einskis virði á meðan það ástand viðhelst.
Kv.

[Jónas Gunnlaugsson, 29.1.2018 kl. 17:01]

Við spyrjum ekki nústaðreyndatrúarmanninn í okkur um lausnina, heldur kvetjum skaparann. þann sem leitar lausna, til dáða og bingó, lausnin er fundin.

Munum að nústaðreyndatrúarmaðurinn í okkur, vinnur alltaf með gamla vitneskju, og fer því alltaf aftur á bak.

Jafn vel leitar hann ekki að nýjustu vitneskjunni, hvað þá að hugsa nýjar hugsanir, leiðir.

Sá sem ekki leitar, getur varla fundið, hann verður að vera opin fyrir nýjum lausnum.

Getur ekki verið einfaldara.

Egilsstaðir, 29.01.2018  Jónas Gunnlaugsson

[Einar Björn Bjarnason, 29.1.2018 kl. 18:06]

Jónas Gunnlaugsson, hafðu í huga að ef þetta væri auðvelt - væri einhver löngu byrjaður á þessu.
Ef vinnsla er dýrari per kílógramm en söluverð, þá borgar vinnsla sig ekki.
--Á landi er auðvelt að taka jarðlög með stórvirkum moksturstækjum.
--En undir sjó á verulegu dýpi verður það miklu flóknara.
Hvernig t.d. er hægt að hindra vatnið í að komast að efninu og því að efnið blandist við hafið? Krystallað efni er ekki vöki, þá er vart unnt að beita borun og dælingu.
-----------
Ég held að það enginn hafi hafið slíka vinnslu fyrir löngu bendi sterklega til þess að þetta sé vart gerlegt.
Kv.

[Jónas Gunnlaugsson, 29.1.2018 kl. 20:01]

Ég held að þetta sé allt rétt hjá þér,  Einar Björn Bjarnason.

Þarna skiptir máli, hvaða leiðir eru færar, efnahagslegar og tæknilegar á hverjum tíma.

Það eru mikil skrif um hina ýmsu orkumöguleika, og gott að við berum þá vel saman.

Bestu kveðjur.

Egilsstaðir, 29.01.2018  Jónas Gunnlaugsson

[Borgþór Jónsson, 29.1.2018 kl. 23:44]

Nýlega komu fréttir af skipi sem var snúið við í tvígang á Atlandshafi með farm af LNG. Eftir því sem ég kemst næst var þetta ísbrjótur sem var að koma frá Yamal stöðinni,með viðkomu í Bretlandi ,sem var upphaflegi áfangastaðurinn.

Það virðist því vera að ´menn álíti ódýrara að sigla með  LNG milli heimsálfa á ísbrjótnum ,heldur en að umskipa.

Annað gæti að sjálfsögðu átt við um gámaflutninga.

[Einar Björn Bjarnason, 30.1.2018 kl. 00:25]

Borgþór Jónsson, ísbrjótar eru ekki fraktskip.
Kv.

[Borgþór Jónsson, 30.1.2018 kl. 11:26]

Þetta er að mestu rétt hjá þér Einar,en það eru alltaf undantekningar.

Undantekningin er skip sem heitir Christophe de Margerie. Skipið er skýrt eftir forstjóra Total olíufélagsins sem fórst í flugslysi í Moskvu fyrir nokkrum árum.

Þetta skip er LNG tanker, Ice class ,eina sinnar tegundar, en fyrsta af 16 slíkum skipum sem er ætlað að flytja fljótandi gas frá Yamal stöðinni.

Skipið siglir bæði vesturleiðina til Evrópu og austurleiðina til Asíu,án aðstoðar Ísbrjóts.

Það getur siglt í gegnum lagnaðar ís ,allt að 1,5 metrar og gegnum einstaka írastir sem eru þykkari.Í þeim tilfellum er skipinu snúið við og það brýtur niður ísrastirnarr með afturendanum.

Skipið telst því vera ísbrjótur ,enda notar það sömu tækni til að komast áfram í ís og er meðal annars með sérhannaðann skrúfubúnað til slíkra ferðalaga.

Það hóf siglingar í ágúst 2017.

Skipinu er ætlað að sigla án aðstoðar allt árið vesturleiðina,en þarf væntanlega einhverja aðstoð yfir vetrarmánuðina á austurleiðinni.

Eftir því sem ég veit best er þetta skipið sem var að ranglast um á Atlantshafinu með gasfarminn.

.

Í ágúst síðastliðnum var fyrsta ferð skipsins mikið í fjölmiðlum og var nefnt sem dæmi um hvað norðurleiðin væri orðin íslítil.

Þess var í engu getið að skipið er í raun ísbrjótur. Venjulegt tankskip hefði enga möguleika haft til að sigla þessa leið.

Þetta er ágætt dæmi um hvað við búum við hörmulega fréttaþjónustu.

Í stað þess að segja okkur frá þessari athyglisverðu nýjung í flutningatækni ,var fréttinnii snúið upp í áróðursmyndband um loftslagsbreytingar af mannavöldum

Það er gaman að geta þess að Bandaríkin,sem undanfarið hafa verið að reyna að knýja Evrópuþjóðir til að kaupa LNG frá Bandaríkjunum ,eru í dag ekki sjálfum sé næg um LNG.

Þetta var því óvæntur skemmtilegur glaðningur fyrir hina glænýju og glæsilegu LNG stöð í Yamal.  

.

Spurningin er hvort þetta sé leiðin til að koma vörum norðurleiðina. Að skipin sem sigla þá leið ,verði einfaldlega ísbrjótar.

Önnur spurning er hvort þessi dýru skip verði látin sigla áfram til Evrópu, Ameríku og Kína,eða hvort það borgar sig að umskipa farminum.

Í Oktober var hleyft af stokkunum stærsta ísbrjót heims og hlaut hann nafnið Sibr. hann er fyrsti af þremur slíkum. Hann er rúmlega 33.000 tonn og á að geta siglt í gegnum 3 metra ís á 12-14 mílna ferð.

Þeim er ætlað að halda norðurleiðinni opinni,þangað til næsta kynslóð ísbrjóta verða sjósett.

Þeir eru helmingi stærri en Sibr og meiningin er að þeir geti ferðast um hvaða ís sem er. 

[Jónas Gunnlaugsson, 1.2.2018 kl. 14:11]

Þakka fyrir alla þessa fræðslu.

Ég var að skoða fleiri kort af þessum orku efnum á hafsbotninum, og eru upplýsingarnar í allar áttir, sem trúlrga er vegna þess að þessar rannsóknir eru á byrjunar reit.

Egilsstaðir, 01.02.2018  Jónas Gunnlaugsson 

www.herad.is