Mér virðist Rússland stefna í að verða "dóminerað" af Kína

En ég hef veitt því athygli, að eina landið sem virðist græða á deilu Vesturvelda og Rússlands, virðist vera Kína. Það finnst mér afskplega athyglisvert.

En áður en deilur Vesturvelda og Rússlands hófust um Úkraínu, þá stóð fyrir dyrum að dýpka til muna viðskiptasamskipti Vesturvelda og Rússlands, í gegnum fyrirhugaðar viðræður ESB og Rússlands um aukin viðskipti. Er áttu að fara fram, eftir að samningum við Úkraínu milli ESB og Úkraínu væri lokið.

1. Takið eftir, að samningar milli Rússlands og Kína, um framtíðar sölu á gasi - voru kláraðir eftir að krísan i samskiptum við Vesturveldi hófst.
2. Verð til Kína skv. fréttum virðast mjög hagstæð - sem þíðir óhagstæð fyrir Rússa.

• Kostnaður við nýjar gasleiðslur sem leggja þarf - er áætlaður milli 50-60ma.$.

Refsiaðgerðir Vesturvelda, munu hindra þann möguleika að fjármögnun komi frá fjármálafyrirtækjum á Vesturlöndum.

Það virðist vart annað koma til greina, en að Kínverjar fjármagni þær framkvæmdir - en hafandi í huga að valdaflokkurinn í Kína á alla banka í Kína. Og það má slá því föstu þar af leiðandi, að valdaflokkurinn muni ákveða kjör á þeim lánum, og til hvers er lánað.

Að með því að fjármagna þær framkvæmdir, muni valdaflokkur Kína þar af leiðandi, öðlast umtalsverð efnahagsleg áhrif innan Rússlands.

Mér finnst áhugavert að íhuga þetta - í ljósi ásakana Pútíns!

Putin says Russia economy will be cured, offers no remedy

Vladimir Putin Says Russian Economy Will Rebound

Defiant Vladimir Putin blames west for Russia’s economic woes

"The West wants the bear to sit around eating honey and berries, not chasing around the forest after piglets..." - “They won’t leave it alone, because they will always seek to chain it,” - “Once they manage to chain it, they will rip out the teeth and claws.”

Þó þetta sé ekki krystalskýrt endilega - þá liggur þarna að baki ásökun þess efnis að "Vesturlönd séu að umkringja Rússland" sbr. að hlekkja Rússland - síðan að Vesturlönd vilji svipta Rússland kjarnavopnum sínum sbr. að "rífa af birninum klærnar" og síðan að ræna Rússland auðlyndum þess sbr. að "björninn fái bara að éta ber en ekki grísi."

 

Þessi áhugaverða mynd sýnir mannfjöldadreifingu innan Rússlands

Takið eftir því að héröðin næst Kína eru mjög strjálbýl

Mér finnst þessi ásökun afskaplega kaldhæðin, því ég sé ekki betur en að Pútín sé sjálfur að tryggja að - útlendingar muni ráða yfir auðlyndum Rússlands

Það verði ekki - Vesturlönd, heldur Kína. Ég hef rætt um þetta áður:

Að halla sér að Kína getur verið leikur að eldinum fyrir Rússland

Ég tel þrátt fyrir allt að vesturlönd og Rússland, ættu eigin hagsmuna vegna að vera bandamenn

Megnið af orkuauðlyndum Rússlands - er að finna á strjálbýlu landi Síberíu.

Til þess að fjármagna lagningu gasleiðsla til Kína, þarf -skilst mér- milli 50-60ma.$.

Refsiaðgerðir Vesturvelda, hafa þá hliðarverkan - að hindra að bankar á Vesturlöndum geti tekið þátt í fjármögnun þeirra gasleiðsla.

1. Það virðist því blasa við - - að þær verði fjármagnaðar af Kínverjum.
2. En, valdaflokkur Kína á alla bankana í Kína, og það mun því vera aðilar innan hans, er munu taka ákvarðanir um þær lánveitingar, vexti o.s.frv.
3. Sem þíði, að valdaflokkur Kína eignast þá umtalsverð bein efnahags ítök innan Rússlands.

• Ef eins og líklegt virðist, að rússn. orkufyrirtæki, leiti eftir kínv. fjármögnun fyrir frekari þróun nýtingar auðlynda Rússlands.
• Þá mun það sama eiga við, að í gegnum slíkar lánveitingar muni valdaflokkur Kína, eignast þá enn frekari ítök innan Rússlands.

Slík ítök, mundu þá veita kínv. valdaflokknum, umtalsverð áhrif á ákvarðanatöku innan stjórnkerfis Rússlands.

Í reynd, takmarka sjálfstæði Rússlands, gagnvart Kína.

Gera Rússland - háð Kína.

Ef bætist við að auki, að kínv. verktakafyrirtæki taka að sér að reisa leiðslurnar - jafnvel frekari framkvæmdir við uppbyggingu auðlyndanýtingar innan Rússlands.

Þá mundu brátt fjölmennir hópar kínv. verkamanna starfa á strjálbýlum svæðum Síberíu.

• Ef kínv. aðilar mundu eiga og reka mikið af þeirri starfsemi sem þar fer fram.
• Þá mundi Kína, sennilega, ráða að auki flestu um stjórnun þeirra svæða.

Tök stjórnvalda í Moskvu - á fjarlægum svæðum í A-Síberíu. Gætu þá fjarað út, og "de facto" Kínverjar smám saman - farið að ráða meiru innan þeirra en Rússar.

Ég er algerlega viss um, að hættan fyrir Rússland, er í háu margfeldi af Kína - samanborið við þá hugsanlegu hættu, sem Rússlandi geti stafað frá Vesturveldum.

Ég velti því fyrir mér, þ.s. mér virðist ákvarðanir Rússa síðan Úkraínu krísan hófst, spila inn á hagsmuni Kína - - hvort að Kínverjar séu þegar farnir að hafa mikil áhrif á ákvarðanatöku í Kreml.

 

Niðurstaða

Pútín hélt því fram í ræðu sinni, að kreppan í Rússlandi mundi standa í 2-ár. Hann kenndi lækkun olíuverðs og refsiaðgerðum Vesturvelda - um þá kreppu. Með öðrum orðum, að stefnu Pútíns væri ekku þar um að kenna. Hann ásakaði Vesturvöld fyrir að standa fyrir árás á Rússland.

Skv. þessu, einnig líkingu Pútíns sem ég vitna í að ofan, þá virðist mér Pútín vera að - - höfða til þjóðerniskenndar Rússa. En einnig að hann sé að leitast við að efla andúð á Vesturveldum.

Á meðan hafa fjölmiðlar í Rússlandi, rætt mjög vinsamlega um Kína í seinni tíð. Þar er tiðrætt um möguleika á samstarfi Rússlands og Kína.

Eitt er ég þó viss um, að "samstarf" er ekki "rétta orðið" heldur sé annað - allt annað í gangi. Nefnilega það, að Rússland sé að færast yfir á umráðasvæði Kína.

Mér finnst það ekki síður merkilegt, að fjölmiðlar í Rússlandi - virðast "þjónka hagsmunum Kínverja" eins og mér virðist "ákvarðanir Kremlverja þegar þjónka hagsmunum Kínverja."

Þess vegna er ég virkilega farinn að gruna, að Kína hafi þegar gert samkomulag við elítuna sem stjórnar Rússlandi - - þ.e. keypt hana.

Hún sé ekki sérlega fjölmenn, því geti það verið praktískt af Kína. Að kaupa þá tiltölulega fáu einstaklinga - til þess að það komist í framkvæmd að Kína nái yfirráðum yfir auðlyndum Rússlands.

 

Kv.

Athugasemdir

[Borgþór Jónsson, 18.12.2014 kl. 23:20]

Það er ekki heil brú í þessu hjá þér.

Það sem ég held að sé að hjá þér er að þú sérð heiminn gegnum gleraugu Neo conanna.

Hjá þeim eru engin tvíhliða samskifti til nema mútur,undirokun eða stríð.Það er fullt af fólki í heiminum sem stundar samskifti með öðrum hætti,eins og ég hef bent þér á áður.

Þess vegna verða greiningarnar svona ruglingslegar hjá þé

[Einar Björn Bjarnason, 19.12.2014 kl. 07:40]

Þannig tíðkast samskipti meðal Vesturlanda innbyrðis, friðsöm samskipti frjálsra ríkja á jafnræðisgrundvelli - m.a. þess vegna vill Úkraína ganga í hóp Vesturlanda, Vesturlönd þurfa yfirleitt ekki að hafa mikið fyrir því að fá lönd til sín, þau óska eftir því sjálf, Vesturlönd geta meira að segja sett "inngönguskilyrði." En þannig munu samskipti Kína og Rússlands ekki ganga fyrir sig. Þ.e. mjög næívt að halda annað. Rússland sjálft hefur t.d. hagað sér þannig við nágrannalönd að þeirra nágrannalönd, vilja yfirleitt öryggistryggingar úr 3-átt, til að tryggja sig gagnvrt Rússlandi. Kína er með vaxandi yfirgang gagnvart grönnum fyrir Sunnan varðandi hagsmuni við S-Kínahaf. 

--------------

Ekkert land hefur valdið Rússlandi meira tjóni en Kína síðan 2000, þ.e. yfirtaka á gas- og olíu frá Kaspíahafssvæðinu, sem í dag streymir í gegnum kínv. leiðslur, en áður Rússar fluttu til markaða, stunduðu að kaupa fyrir lítið af Mið-Asíulöndunum á því svæði. 

Og Kína ætlar að fara eins að með Rússland, að dóminera Rússland - taka við rússn. olíu og gasi, á verði -eins og Rússar hegðuðu sér áður við Mið-Asíulönd- skv. verði sem hentar Kína, þ.e. lágu verði. Rússar séu á leið inn í sambærilegt efnahagslegt drottnunarástand, og þeir stunduðu sjálfir gagnvart löndum Mið-Asíu til ca. 2000.

Þannig séð "Poetic justice" að Kínverjar taki þá sambærilegt bakarý. Þ.e. ég gersamlega viss um, að verði útkoman - eins og ég segi frá að ofan.

Að Rússland sé á leið inn í drottnunar ástand. Kína muni drottna yfir Rússlandi. Að þetta verði samskipti jafningja þjóða  - sé alls ekki möguleiki. Þú munt sjá þetta sjálfur - - en ekki fyrr en mörgum áður en eftir að þetta er orðið.

Kv.