Enn eina ferðina ætla stjórnvöld í Ísrael að refsa Hamas með sprengjuherferð á Gaza

Það eru vangaveltur hvort verður að innrás inn á Gazasvæðið, en flestir fréttaskýrendur virðast telja að svo verði ekki. En samskipti Ísraels og Hamas hreyfingarinnar, hafa verið um fjölda ára, föst í því fari - að báðir aðilar hata hinn eins og pestina sjálfa.

En á sama tíma, þó sérkennilegt virðist, má hvorugur af hinum sjá.

Með hvaða hætti hefur Ísrael "þörf fyrir Hamas?"

Þetta getur virst einhverjum sérkennilegt, en Ísrael mjög sennilega - getur gert út af við Hamas.

En hingað til, virðist það í reynd henta Ísrael betur, að núverandi ástand viðhaldist.

Israel Steps Up Airstrikes in Gaza

Hamas rockets land deep in Israel as it bombards Gaza Strip

Israel and Hamas Trade Attacks as Tension Rises

Israel Warns Gaza Targets by Phone and Leaflet

Eins og einhver ef til vill veit, hófst núverandi lota á ráni og morði á 3-ísraelskum unglingum.

Stjórnvöld í Ísrael, hafa ásakað Hamas um að bera ábyrgð á þeim morðum. Öfugt við Fatah hreyfinguna, sem fordæmdi verknaðinn. Lofaði Hamas hreyfingin þá sem frömdu hann - gagnrýndi Fatah þ.e. heimastjórnina á Vesturbakkanum, fyrir linkind gagnvart Ísrael - er hún aðstoðaði við leit að ungmennunum.

Sjálfsagt mundi einhver segja, að það sé um að gera fyrir Ísrael, að þurrka út Hamas hreyfinguna - fyrst að Ísrael líklega getur.

En vandinn er þá, hvað tekur síðan við.

Ótti virðist til staðar, að enn róttækari hreyfingar en Hamas - mundu taka yfir Gaza svæðið, sem ísraelsk stjv. væri algerlega ómögulegt að semja við.

En þó síðasta vopnahlé Ísraels og Hamas sé bara 20-mánaða gamalt eða svo. Þá virðast þau halda nokkurn veginn - um hríð, þó þau endist ekki neitt ákaflega lengi.

Haft er eftir ísraelskum öryggissérfræðingum - líkingin um að "slá blettinn eða slá grasið, við og við."

Þ.e. að þess á milli að Ísrael ræðst að Hamas, endurnýi Hamas vopnabirgðir sínar á Gaza, sem Ísrael síðan eyðileggi stórum hluta í næstu hrinu.

• Af hverju Ísrael þarf á Hamas að halda, skýrist þá af því - að án Hamas, mundi Ísrael líklega telja sig þurfa, að viðhalda stöðugri hersetu á Gaza ströndinni.
• En með Hamas við völd, þá sé þess ekki þörf.

Þannig í ákveðinni kaldhæðni - má segja að Hamas spari Ísrael umtalsverð fjárútlát.

Og hins vegar sennilega þau dauðsföll sem herseta mundi óhjákvæmilega kosta.

Fyrir Hamas, þá auðvitað er tilvist Ísraels sjálf ástæða tilveru þeirrar hreyfingar, án Ísraels væri ósennilegt að það væri til staðar slík hreyfing.

 

Niðurstaða

Vegna þess að Ísrael vill í raun og veru ekki þurrka Hamas út, þá virðast árásir Ísraela á Hamas hreyfinguna, miða við það - að halda henni nægilega sterkri svo hún missi ekki stjórn á Gaza svæðinu, og við taki hugsanlega "enn hættulegra fyrir Ísrael ástand þar." En samtímis, að halda hernaðararmi Hamas nægilega veikum, til þess að hernaðararmur Hamas sé í reynd - engin umtalsverð hernaðarógn.

Sennilega mun Ísrael varpa sprengjum í nokkra daga.

Síðan mun væntanlega taka gildi - enn eitt vopnahléið.

Eftir að báðar fylkingar telja sig hafa náð fram sínum "áróðurs-sigri."

Hamas er auðvitað einnig í sínum eigin jafnvægisleik, þ.e. þarf halda róttækari hreyfingum í skefjum svo þær taki ekki völdin af Hamas, en á sama tíma þarf að sýna fram á öðru hvoru að Hamas sé mikilvægasta róttæka andstöðuhreyfing Palestínumanna gagnvart Ísrael.

Þannig getur meira en verið, að það henti einnig Hamas - að þessar skærur með hléum eigi sér stað.

 

Kv.

Athugasemdir

[Ásgrímur Hartmannsson, 9.7.2014 kl. 08:31]

Hamas heldur aðeins aftur af Hizbollah. Sem eru aftur samtök sem hata hvor önnur. Af trúarlegum ástæðum: sko; Hamas er Sunni, Hizbollah er Shia.

Ekki veit ég nákvæmlega (eða nokkurnvegin, ef út í það er farið) hvað hizbollah er að gera núna, en seinast er ég vissi voru þeir eitthvað að þvælast í Líbanon. Voru þá talsvert öflugri hópur en Hamas.

[Einar Björn Bjarnason, 9.7.2014 kl. 12:41]

Ekki Hesbollah, ég held menn séu frekar að velta fyrir sér hvort ISIS geti hreyðrað sér þarna fyrir. Mun ólíklegra að Shíta hreyfing komi sér þarna fyrir. Það virðist vera hindrun á flæði milli öfgahópa Shíta og Súnníta, þ.s. þeir gjarnan hata hvorn annan. Þó að í þessu tilviki hafi verið í gegnum árin eitthvert samstarf milli Hamas og Hesbollah. Sé afar ólíklegt að róttæk Shíta hreyfing geti komið sér fyrir á Gaza. En annað gildi um róttækar Súnníta hreyfingar.

Kv.