Innistæðueigendur tapa öllu á Kýpur!

Ég er að tala um innistæður ofan við 100þ.€. Ekki þær sem eru innan við eða upp að 100.€. En skv. frétt Reuters er tap innistæðna umfram 100þ.€ mjög mikið. Mér sýnist að skv. lýsingu Reuters séu líklega innistæðueigendur að tapa öllu fé umfram 100þ.€ í tveim stærstu bönkum Kýpur.

Big depositors in Cyprus to lose far more than feared

"Under conditions expected to be announced on Saturday, depositors in Bank of Cyprus will get shares in the bank worth 37.5 percent of their deposits over 100,000 euros, the source told Reuters, while the rest of their deposits may never be paid back."

Þeir fá með öðrum orðum - ekkert greitt út af því fé sem er umfram 100þ.€.

En skv. frétt fá þeir hlutafé í endurreistum bönkum á Kýpur skv. skráðu virði þeirra bréfa, sem fræðilega væri 37,5% af andvirði þeirra innistæðna umfram 100þ.€.

Ég þarf vart að taka fram, að þessi bréf verða í reynd "sára lítils virði."

Svo við erum að tala um nærri því algert afhroð.

"The toughening of the terms will send a clear signal that the bailout means the end of Cyprus as a hub for offshore finance and could accelerate economic decline on the island and bring steeper job losses."

Mér finnst áhugavert hve ákveðnar stofnanir ESB og aðildarríki ESB virðast í því að tryggja það, að bankabissness Kýpverja - sé virkilega særður banvænu sári.

  • En það að sjálfsögðu þíðir gríðarlegt efnahagslegt afhroð!
  • En höfum í huga að Kýpur hefur ekki eins og við:
  1. Gjöful fiskimið.
  2. Orkuauðlindir sem veita störf.
  • Heldur eingöngu ferðamennsku. Sem við höfum að auki.

Þannig að efnahagsáfall þeirra verður líklegra hlutfallslega - dýpra.

Þetta er af hverju ég held að Kýpur sé mjög líkleg til að enda í ástandi greiðsluþrots, því við skuldastöðu 150% sem er ca. núverandi ástand, þá þíðir 25% hagkerfishrun - sem er varlega áætlað og verður örugglega verra en það; að skuldirnar fara þá í 225%. Án þess að gera ráð fyrir kostnaði t.d. v. samfélagsvanda sem kreppan mun valda, viðskiptahalla og halla á ríkinu.

  • Þarna er þó gasauðlind innan efnahagslögsögu - en sem ekki er enn farið að vinna.
  • Og til þess að nýta hana, þarf að semja um sameiginlega nýtingu við Kýpur Tyrki.
  • Sem líklega þíðir, að fyrst þarf að ljúka friðarsamkomulagi á eynni.

Sem þíðir það, að mörg ár geta enn liðið, áður en unnt verður að fara í það verk, að hefja vinnslu.

Þó líklega nú, eftir hrun bankabissnessins, þá hafi grískumælandi Kýpurbúar mjög öfluga hvatningu, til að leysa þau mál eins skjótt og mögulegt er.

Sem væru þá - jákvæð hliðaráhrif kreppunnar.

----------------------------------------

En þarna á milli og þess ástand sem ríkir nú - blasir við að Kýpur kemst vart hjá því, að lenda mjög djúpt í því. Dýpra að líkindum en við Íslendingar.

Mér sýnist blasa við að þarna verður verulega verri kreppa en á Grikklandi. Eins slæmt og ástand Grikklands hefur verið. Þá bendi ég á að Grikkir hafa tvisvar nú fengið afskrift skulda að hluta.

Og án þess að Kýpur fái það sama, sé ég enga eða nær enga möguleika Kýpur að forðast greiðsluþrot.

 

Áhugaverðar ábendingar Krugman!

Bendi á áhugaverða grein Krugman: Pessimal Currency Area Theory

Hann bendir alveg réttilega á, að Kýpur er nú búin að tapa öllum meintum kostum þess að tilheyra sameinuðu gjaldmiðlasvæði. Sé við það að lenda í hyldýpiskreppu, og samtímis með alltof mikinn launakostnað - sé því ósamkeppnisfært t.d. við Grikkland, þegar kemur að ferðaþjónustu.

Þeirra ástand sé því versta mögulega útkoma þ.s. hann kallar "Pessimal Currency Area."

Svo er þarna áhugaverð ábending frá honum, að Evrópa sé að standa sig lakar í þessari kreppu en í heimskreppunni á 4. áratugnum: Europe’s Second Depression: A Correction

---------------------------------

Það er verðugur punktur að íhuga, sem Krugman bendir einnig á blogginu sínu, að Kýpur er eiginlega mjög vel statt, til þess að skipta um gjaldmiðil.

  1. Þegar með höft.
  2. Þegar með mjög strangar reglur um hvað hver og einn má draga sér af fé út úr bönkunum.
  3. Þeir þyrftu þó að vera lokaðir rétt á meðan skiptin eiga sér stað, t.d. yfir helgi. En þá strax gætu stjv. heimilað rafrænar færslur t.d. í gegnum debit kort. Seðlar væru að sjálfsögðu ekki til staðar strax.
  4. Þó fræðilega væri unnt að prenta fljótlega lággæða seðla í takmörkuðu magni, til að tryggja einhverja seðla í umferð, meðan verið er að undirbúa prentun framtíðar gjaldmiðilsins.

En rétt er að árétta, að mjög ólíklegt er hvort sem er, að höftin á eynni verði tekin af í nokkurri nálægri framtíð. 

Það virðist vera að hver seðlabanki starfandi innan evru hafi tiltekið prentvald en þó skv. heimild höfuðstöðva Seðlabanka Evrópu, seðlar prentaðir í hverju landi fá auðkenni einn bókstaf í númeri seðils sbr. "serial number"; sem gerir að verkum að almenningur í Evrópu veit hvaðan útgefnir evruseðlar eru.

Fyrir bragðið er ekki ólíklegt að kýpv. evrur séu þegar farnar að gengisfalla, þannig að þær verði ekki teknar jafngildar ef og þegar þær eru í umferð á meginlandi Evrópu. Og eftir sem frá lýður væri slíkt ástand líklegt að ágerast frekar.

þannig að meira að segja sú fullyrðing að evran sé vörn gegn gengisfalli á Kýpur, getur bilað smám saman á næstu vikum og mánuðum. En þó munu stjv. ekki getað prentað fé til að mæta útstreymi - svo smám saman hlýtur fé í umferð dragast saman. Nema að Seðlabanki Evrópu veiti ótakmarkaðar heimildir til stuðnings við bankana á Kýpur. Sem hann hefur hingað til ekki viljað gera.

 

Niðurstaða

Ég held reyndar varðandi tryggingar innistæðna á Kýpur. Að það muni í ljós koma, að meira að segja innistæður upp að 100þ.€ séu ekki fulltryggðar. Slíkt verður þó örugglega ekki viðurkennt alveg á næstunni. Heldur, verði það frekar þannig að takmarkanir við úttekt verði ekki afnumdar á næstu vikum, eins og nú er talað um.

En nú þegar klárt er að innistæður umfram 100þ.€ eru eiginlega fullkomlega glataðar í tveim stærstu bönkum Kýpur. Hlýtur hver sá sem á innistæður umfram 100þ.€. Í bankastofnun á Kýpur sem enn er uppistandandi. Að leita sér allra leiða til að koma því fé þaðan.

Að auki, sú útkoma er einnig mjög sannfærandi rök gegn því fyrir nokkurn sem á fé í þriðja landi, að koma með það til Kýpur. Þannig að þau meginþjónustuviðskipti sem þeirra bankar stunduðu, eru þá algerlega fyrir bý. Erfitt að sjá hvað þeir bankar geta gert í staðinn. En klárt þarf Kýpur þá ekki bankakerfi sem er margfalt umfang hagkerfis Kýpur. Það kerfi hlýtur þá að skreppa mikið saman, mun meir en nemur þeirri smækkun að umfangi sem nú er verið að framkvæma.

 

Kv.


« Síðasta færsla | Næsta færsla »

Athugasemdir

1 Smámynd: Ómar Gíslason

Þau lönd og eyjar sem þekkt er fyrir að taka við fé til geymslu án þess að skattayfirvöld sjái þessa peninga. Það fjármagn sem lagt er þar inn er ekki til staðar þar heldur er þetta yfirleitt eða eingöngu bókhaldsleg skráning. Hinir raunverulegir peningar eru inni í þeim banka (fjárfestingadeild/alþjóðadeild) sem heldur utan um slíka gjörninga.

Þannig að ég efast stórlega að þessir sem hafa lagt þar inn fjármagn sitt erlendis frá munu tapa miklu, mesta tapið verður hjá venjulegum fyrirtækjum á Kýpur sem samkvæmt þess er öll gjaldþrota.

Það væri gaman að fylgjast með því hvort bankar í Suður-Ameríku muni ekki eða hafa stækkað?

Ómar Gíslason, 30.3.2013 kl. 03:12

2 Smámynd: Einar Björn Bjarnason

Nú ef það fé var ekki til staðar, þá er minna af háum innstæðum en talið var og þá stórfellt eykst tap innlendra innistæðueigenda. En það er með afskrift innistæðna umfram 100þ.€, sem það á að vera til staðar einhver eign. Til þess að greiða út lágmarksinnistæður.

Kv

Einar Björn Bjarnason, 30.3.2013 kl. 04:33

3 Smámynd: Jóhann Kristinsson

Eru þetta ekki bara einhverjir electrónískir penigar sem aldrei voru til og voru búnir til af bönkunum.

Það var einhver sem sagði mér ekki alls fyrir löngu að electrónízkir peningar skipta engu máli, ég bara man ekki hver það var sem fullyrti þetta?

Hér í BNA ef banki verður gjaldþrota þá eru þeir sem eiga fjármuni í bankanum undir $300,000 að bíða þangað tl skilanefnd hefur gengið frá gjaldþrotinu, og fá sennilega örfá cent á hvern dollar ef þeir fá þá eitthvað.

Hvernig væri að setja upp veðpott og hver maður setur inn Kr. 10,000 og getur til um hvenær evran gufar upp í skítalykt.

Ég gizka á May 1, 2016.

Sá sem verður næstur dagsettningu falls evrunar, fær pottinn.

Kveðja frá Houston

Jóhann Kristinsson, 30.3.2013 kl. 05:15

4 Smámynd: Ómar Gíslason

Hvenær fara þjóðir fyrir utan evruna að setja um sérstaka áhættuþóknun til að taka við henni af ótta við að hún falli?

Ómar Gíslason, 30.3.2013 kl. 07:06

5 Smámynd: Einar Björn Bjarnason

Tja, þegar kemur á daginn að innistæður innan eða upp að 100þ.€ fá ekki allt sitt. T.d. jafnvel minna en 50%.

Þá grunar mig að innistæðueigendur víðar í löndum sem eru með ofblásin bankakerfi í Evrópu eða í kreppu, eða hvorttveggja samtímis.

Fari að fillast óróa.

Það verður örugglega á næstu mánuðum jafnvel vikum sem þetta fer að koma í ljós á Kýpur. Bendi á að Frakkland er bersýnilega í kreppu skv. öllum hagtölum, og ekki grunnri.

Með ca. 440% að umfangi bankakerfi.

Frakkland virðist hugsanlega vera hættulegasta landið innan evru.

Með ofblásið bankakerfi samtímis að sýna meiri samdrátt atvinnulífs en á Ítalíu og Spáni a.m.k. sl. 6 mánuði.

Kv.

Einar Björn Bjarnason, 30.3.2013 kl. 12:08

6 identicon

Sǽll Einar Björn, er það ekki frekar skrýtið að þessi órói sem þú minnist á sé ekki þegar farinn að koma fram með áþreifanlegum hætti?

Kristján B Kristinsson (IP-tala skráð) 30.3.2013 kl. 17:43

7 Smámynd: Einar Björn Bjarnason

Ekki endilega, fólk er vant því að kerfin séu sæmilega traust - eftir allt saman hefur ekkert líkt þessu gerst í marga áratugi. Er vant því að kreppur séu skammvinnar - en það hafa þær vanalega verið eftir Seinna Stríð, og mál leysist. Því fellur það auðveldlega í það far að treysta næsta loforði um að lausn sé á næsta leiti.

Ekki alveg enn farið að kaupa það að þessi kreppa sé öðruvísi vandinn ekki eins auðleystur.

Kv.

Einar Björn Bjarnason, 30.3.2013 kl. 19:00

Bæta við athugasemd

Nauðsynlegt er að skrá sig inn til að setja inn athugasemd.

Um bloggið

Einar Björn Bjarnason

Höfundur

Einar Björn Bjarnason
Einar Björn Bjarnason
Stjórnmála- og Evrópufræðingur. Áhugi á stjórnmálum, Evrópumálum, alþjóðamálum, málefnum Miðausturlanda, trúmálum, vísindum og tækni, og margt fleira.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Eldri færslur

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

Nýjustu myndir

  • Mynd Trump Fylgi
  • Kína mynd 2
  • Kína mynd 1

Heimsóknir

Flettingar

  • Í dag (28.3.): 3
  • Sl. sólarhring: 6
  • Sl. viku: 36
  • Frá upphafi: 845414

Annað

  • Innlit í dag: 3
  • Innlit sl. viku: 33
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband