Trump rekur McMaster herforingja úr stöðu þjóðaröryggisráðgjafa - ræður í staðinn John Bolton, sem varði innrás George Bush inn í Írak á sínum tíma, og WMD fullyrðingar Bush að auki!

Ráðning Boltons eru mjög áhugaverð skilaboð til umheimsins, vegna þeirrar forsögu að Bolton var í tíð Bush yngra sendiherra Bandaríkjanna hjá Sameinuðu Þjóðunum. Sem slíkur, varði hann ákvörðun Bush að hefja árásarstríð gegn Saddam Hussain. Og auðvitað, hann varði fullyrðingar Bush stjórnarinnar gagnvart Írak og Saddam Hussain - sem reyndust algert kjaftæði!

Trump replaces McMaster, taps Bolton as national security adviser

Harðlínumaðurinn John Bolton og General McMaster!

Ég hugsa að best sé að líkja Bolton - við Cheney sem margir litu valdameiri en Bush sjálfan á sínum tíma, hið minnsta var hann gríðarlega augljóslega áhrifamikill þegar kom að mikilvægum ákvörðunum er tengdust Íraks stríðinu.

1. Eins og ég nefndi um daginn, er Trump skipaði Mike Pompeo í stað Tillersons í stöðu utanríkisráðherra Bandaríkjanna!
2. Þá sagði ég, að mér virtist sú ráðning auka líkur á stríði milli Bandaríkjanna og Írans.

• En nú bætir enn í -- því Bolton er í engu síður Íran haukur, en Pompeo og Trump sjálfur.

Bolton hefur lagt til - hernaðarárásir á Norður-Kóreu í forvarnarskyni, eins og Trump sjálfur hótaði á sl. ári.

Bolton - hefur fordæmt 6-velda kjarnorkusamkomulagið við Íran, sagt það mistök - alveg með sama hætti og Pompeo, ásamt Trump sjálfum.

Rétt að ryfja upp, að Bush á sínum tíma íhugaði stríð gegn Íran -- en er á reyndi, tók ekki slíka ákvörðun. Þetta kom fram í endurmynningum hans er komu út eftir að Obama tók við sem forseti. Skv. þeirri frásögn, hafði Pentagon búið til áætlun, sem kvað á um - snögga innrás, að herliðið mundi dveljast einungis nægilega lengi til að eyðileggja tiltekin mannvirki tengd kjarnorkuáætlun Íran; og síðan hverfa úr landi.
--Hinn bóginn, hafi sú áætlun þagað þunni hljóði um, hvað svo mundi gerast.

1. En eins og ég hef áður á bent, sé ég ekki að sú ákvörðun að segja upp kjarnorkusamkomulaginu - skilaði nokkurri annari útkomu en þeirri, að Íran mundi aftur ræsa þá kjarnorkuáætlun.
2. Pentagon lagði til innrás í tíð Bush, ef Bush tæki ákvörðun um stríð - vegna þess að Íran hafði þá komið mikilvægustu mannvirkjum fyrir í neðanjarðarbyrgjum grafin undir fjöll, þ.s. þau mannvirki eru algerlega örugg gagnvart öllum tegundum lofthernaðar.

--Ég sé enga ástæðu til að efast um mat Pentagon frá tíð Bush, að eina leiðin ef eyðileggja ætti kjarnorkuáætlun Írans, væri innrás.

Nú þegar Bolton hefur bæst við -- er ríkisstjórn Bandaríkjanna orðin að sannkölluðu, harðlínuteymi.

Einungis varnarmálaráðherrann er eftir meðal aðila -- sem varað hafa við ákvörðunum um hernaðarárásir, en rétt er að ryfja upp að James Mattis sagði á sl. ári, að stríð gegn Norður-Kóreu yrði "catastrophic."

• Hafandi það í huga, gæti maður allt eins reiknað með því, að Trump -- skipti Mattis út fljótlega, fyrir varnarmálaráðherra -- sem fylgi línu Trumps.

 

Niðurstaða

Trump virðist hreyfa sig hratt undanfarið - en sama dag og Trumps setti fram yfirlýsingu um stórfelldar tolla-aðgerðir gegn Kína, sem eiga taka gildi eftir 60 daga eða 2 mánuði. Og einungis viku eftir að Trump skipaði Pompeo í stað Tillersons sem utanríkisráðherra. Ræður Trump annan harðlínumann í ríkisstjórn sína, John Bolton.

Hafandi í huga að Bolton var einn af hvatamönnum innrásarinnar í Írak þegar ríkisstjórn George Bush sat á sínum tíma, og varði ásakanir um "Weapons of Mass Destruction" sem reyndust kjaftæði. Þá virðist mér í ljósi haturs Trumps á Íran, að Pompeo er einnig Íran hatari - að ráðning Írans hatarans Bolton greinilega auki stríðshættu milli Bandaríkjanna og Írans.

Eins og ég sagði um daginn: Skipan Mike Pompeo nýs utanríkisráðherra Bandaríkjanna, gæti aukið líkur á stríði Bandaríkjanna við Íran. Er ég taldi ráðningu Pompeo auka á stríðshættu gagnvart Íran. Þá er ég á því að ráðning Boltons auki enn á þá stríðshættu.

En viðbrögð Írans við uppsögn 6-velda samkomulagsins eru augljós, að ræsa að nýju kjarnorkuáætlun sína. Trump - Pompeo og Bolton, geta þá ryfjað upp innrásaráætlun þá er George Bush lét Pentagon vinna í sinni tíð. Áætlun sem Bush lét ekki fylgja fram er á reyndi.

Í ljósi sameiginlegs haturs þessara manna á Íran, sérstaklega í því ljósi að Bolton var "cheerleader" fyrir Íraks innrásina - þá verð ég að meta þá stríðshættu verulega.

--Það skildi ekki verða svo fyrir rest, að Trump sem í kosningabaráttunni þóttist hafa verið á móti Íraks stríðinu - þó sannanir séu raunverulega til um að það hafi ekki verið rétt - muni hefja enn stærra og skaðlegra stríð en Bush?

--Það á sama tíma, og hann mun einnig hafa hafið viðskiptastríð við Kína.

 

Kv.