Flokkur Theresu May kemur óvænt illa út úr þingkosningunum í Bretlandi - úrslit er munu flækja BREXIT viðræðurnar fyrir May

Íhaldsflokkurinn tapaði meirihluta sínum, þvert á skoðanakannanir fyrir kosningar er höfðu gefið vísbendingar um - aukinn meirihluta sem líklegri útkomu.
Á sama tíma, eru úrslit Verkamannaflokksins, ekki nærri eins slæm og útlit var fyrir mánuðum fyrir kosningar ef marka mátti kannanir -- þannig að Jeremy Corbyn líklega heldur velli

Jeremy Corbyn og Theresa May

Úrslit: May to try to form government after UK election debacle, uncertainty over Brexit talks

1. Íhaldsflokkurinn...............318 þingsæti eða 48,9% heildaratkvæða.
2. Verkamannaflokkurinn...........261 þingsæti eða 40,2% heildaratkvæða.
3. Skoskir sjálfstæðissinnar.......35 þingsæti eða 5,4% heildaratkvæða
4. Frjálslyndir....................12 þingsæti, eða 1,8% heildaratkvæða.
5. Norður-írski Sambandsflokkurinn 10 þingsæti, eða 1,5% heildaratkvæða.

Skv. frétt ætlar Norður-írski Sambandsflokkurinn, að styðja minnihlutastjórn Theresu May.
Þar sem að Íhaldsflokkinn vantar 8 þingsæti upp á meirihluta.
Duga þá 10 þingsæti Norður-írska Sambandsflokksins til að May getur myndað stjórn.

Hinn bóginn er þetta augljóslega veikur meirihluti, með aðstoð annars flokks.
Sem þíði, að May getur lent í vandræðum með afgreiðslu BREXIT málsins á þingi.

En með svo lítinn meirihluta, geti litlir þingmannahópar í Íhaldsflokknum, hlaupið út undan sér - ef þeim líkar ekki útkoman!

--Einmitt áhætta sem May ætlaði sér að losna við.

1. Þetta væntanlega geri viðræðurnar við ESB um BREXIT erfiðari en ella.
2. Þar sem að úrslitin væntanlega minnka samningssvigrúm May - þ.e. þrengja möguleika hennar til að sýna sveigjanleika í viðræðum gagnvart öðrum aðildarþjóðum ESB.

• Úrslitin líklega valda því, að viðræðurnar sennilega ganga erfiðar fyrir sig - verða tafsamari, og auk þess væntanlega auka líkur þess að þær endi illa -- þ.e. Bretland endi utan sambandsins án eiginlegs samkomulags!
  --Sem mundi flokkast undir mjög hart BREXIT.

En ef May er ófær um að sýna nokkra samningslipurð.
Gætu aðildarlöndin fyrir utan Bretland - einfaldlega tekið sameiginlega afstöðu.
--Þ.s. BREXIT tekur gildi eftir 2-ár, sjálfkrafa skv. lögum sambandsins sem lúta að því ferli er land vill yfirgefa sambandið; nema aðildarlöndin hin öll samþykki að framlengja það ferli.

• Þá geti það verið raunhæfur möguleiki á slíkri útkomu - þ.e. BREXIT án nokkurs mildandi samkomulags Bretlands við aðildarríkin.

--Önnur aðildarlönd taki ákvörðun fullkomlega einhliða, án þess að gefa Bretum nokkurt svigrúm.
Og BREXIT taki gildi án nokkurs slíks samkomulags.

1. Það væri að sjálfsögðu versta mögulega útkoma.
2. Og mundi án vafa skapa langvarandi sárindi í samskiptum í kjölfarið.
3. Sem mundi geta skaðað önnur samskipti, t.d. innan NATO.

--Þannig að slíkt, "hard BREXIT" gæti reynst mjög varasöm tíðindi fyrir NATO.
--Einnig fyrir Ísland, en Bretland er mikilvægt NATO land vegna þátttöku Bretland í því að viðhalda öryggi á Norður-Atlantshafi, með sínum flota og flugher.

Auk þess, að efnahagslegur skellur fyrir Bretland - mundi skaða útflutnings Íslands til Bretlands.
Til viðbótar, án vafa fækka breskum ferðamönnum til Íslands - á móti gæti Bretland orðið ódýrt ferðamannaland fyrir Íslendinga!

 

Niðurstaða

Fyrir Íslendinga eru kosningaúrslitin í Bretlandi líklega ótíðindi, vegna þess að þau valda því að Theresa May fari inn í BREXIT viðræður við önnur aðildarríki ESB - með mun veikari samningsstöðu en áður. Í stað þess að vonast var eftir sterkari samningsstöðu, séu hún í staðinn mun veikari.
Það sé vegna þess, að svo tæpur sé líklegur meirihluti May með aðstoð Noður-írskra Sambandssinna, að litlir hópar þingmanna innan Íhaldsflokksins, geta hlaupið út undan sér og neitað að samykkja atriði í BREXIT samkomulagi er geta orkað tvímælis - innan Bretlands.
Sem skapi May mun þrengri samningsstöðu en hún stefndi að, auk þess veikari samningsstöðu en hún hafði fyrir - sem auki augljóslega líkur á "hard BREXIT."
En skv. lögum ESB tekur BREXIT gildi eftir 2-ár, nema allar aðrar aðildarþjóðir samþykki að framlengja viðræður -- ef May hefur mjög lítið samningssvigrúm í bresku pólitísku samhengi.

Sé það mun líklegra en ella, að aðildarþjóðirnar einfaldlega ákveði allt - einhliða.
Sem þeim er fullkomlega heimilt skv. lögum sambandsins er lúta að brotthvarfi aðildarríkis.
Þá gæti lending Bretlands orðið mjög harkaleg - þ.e. lending án samkomulags af nokkru hinu minnsta tagi, til að liðka fyrir framtíðar viðskiptum Bretlands við ESB aðildarríki eða fyrir bresk fyrirtæki svo þau geti áfram starfað óhindrað innan ESB eins og þau gera í dag.

1. Bendi auk þess á - að í slíku samhengi er "WTO" aðild Bretlands langt í frá öruggur hlutur -- þ.s. að Bretland gekk í "WTO" sem ESB meðlimur; sem þíði að það sé háð samkomulagi við ESB aðildarríkin - að Bretland fái áfram að notast við samkomulag aðildarþjóða ESB við önnur aðildarríki "WTO."
2. M.ö.o. "hard BREXIT" geti auk þess þítt - að Bretland þarf að hefja það flókna ferli, að óska eftir sjálfstæðri aðild að "WTO." Er mundu vera margra ára flóknar viðræður.

--M.ö.o. ef viðræður far algerlega út um þúfur, getur Bretland lent í þeim tollum sem til staðar voru í alþjóða kerfinu -- fyrir "WTO" og fyrir "GATT."
Þeir voru háir!
A.m.k. 20% + rámar mig í.

Það væri töluvert duglegur kjaraskellur fyrir breskan almenning, ef hlutir fara á allra versta veg.

1. Til viðbótar öllu þessu, gæti slík allra versta mögulega útkoman - eitrað samskipti Bretlands við meginlandsþjóðir -- í samhengi NATO.
2. Bretland, gæti neitað að taka þátt í vörnum meginlandsþjóða NATO.
   --Það gæti alveg skapast NATO krísa í slíku samhengi.

Rússland væri þá það land sem græddi á slíku "super hard BREXIT."
--Atriði sem væri gott að meginlandslöndin í ESB hefðu í huga!

 

Kv.