Leiðtogi frestar formlegri yfirlýsingu um sjálfstæði - í von um viðræður! Spönsk stjórnvöld fyrirfram hafna viðræðum, nema Katalónía falli fyrst frá áformum um sjálfstæði

Sannast sagna sé ég ekki mikinn tilgang í þessari frestan, Carles Puigdemont, leiðtoga Katalóníu -- en hann undirritaði plagg sem virðist ekki hafa verið formleg yfirlýsing um sjálfstæði - heldur einungis árétting þess að Katalónía hefði rétt á sjálfstæði.

https://s4.reutersmedia.net/resources/r/?m=02&d=20171010&t=2&i=1204944715&r=LYNXMPED991W9&w=1280

En það sé algerlega fyrirfram ljóst, að Mariano Rajoy forsætisráðherra Spánar - ætlar ekkert að ræða við Puigdemont -- nema, eins og sagt er af hálfu stjórnvalda í Madríd, að héraðsstjórn Katalóníu, fari eftir lögum Spánar.

  1. Þá er átt við, að fallið sé frá "ólöglegum áformum um sjálfstæði."
  2. Og að almenn atkvæðagreiðsla um sjálfstæði - verði líst ógild. En sú atkvæðagreiðsla var úrskurðuð áður ólögleg af Stjórnarskrár-dómstól Spánar.

M.ö.o. sé algerlega ljóst að Madríd ræðir ekki við Barcelóna, nema að héraðsstjórnin gefist fyrst að fullu upp.

Catalonia baulks at formal independence declaration to allow talks

Catalan leader steps back from immediate independence declaration

 

Málið er að sjálfstæðissinnarnir eru komnir á endastöð - annaðhvort gefast þeir upp, eða klára málið!

Það er algerlega ljóst hvað gerist ef formleg yfirlýsing um sjálfstæði berst frá Barcelona -- að þá án mikils vafa lísir Mariano Rajoy yfir neyðarástandi, og nýtir ákvæði í stjórnarskrár Spánar frá 1978 til að -- setja héraðsstjórnina án tafar af.
--Líklega yrði þá héraðsstjórnin einnig þá snarlega handtekin, og látin sæta í kjölfarið fullum refsiramma spænskra laga.
--Þing héraðsins yrði þá örugglega einnig leyst upp, hugsanlega þingmenn einnig handteknir þ.e. þeir sem hafa staðið fyrir sjálfstæðismálinu.

Madríd einfaldlega ætlar ekkert að heimila Katalóníu að slíta sig frá Spáni.
Svo einfalt sé það!

  1. Carles Puigdemont gæti hafa hikað, því honum hefur verið orðið ljóst að hann yrði handtekinn.
  2. Síðan hafa aðilar frá stofnunum ESB - hringt í hann, og sagt honum skilmerkilega að Katalónía fengi enga aðstoð frá stofnunum ESB, auk þess að ekkert aðildarland ESB mundi viðurkenna sjálfstæði Katalóníu.
  3. Því má bæta við, að tveir stórir bankar í Katalóníu hafa ákveðið að færa höfuðstöðvar sínar - til annars héraðs á Spáni. Héraðsstjórnin var undir miklum þrýstingi frá atvinnulífi héraðsins - um að falla frá áformum um sjálfstæði.

--Því má sannarlega velta upp, hvort að Carles Puigdemont hafi blikkað.
--Og að Mariano Rajoy sé þegar búinn að vinna.

Hinn bóginn, þá viðhelst á meðan -- þessi frestun Puigdemonts er í gangi, óvissuástand um það hvort af sjálfstæðisyfirlýsingunni verður fyrir rest.

Skv. fréttum ætlar spönsk stjórnvöld formlega að veita sitt svar á miðvikudag 11/10.

 

Niðurstaða

Ég sé ekki nema 2 kosti fyrir Charles Puigdemont, að standa við sjálfstæðisyfirlýsinguna eða gefast að fullu upp. En hann mun fara fullkomlega bónleiður varðandi hugsanlegar viðræður. Þar sem enginn ætlar sér að ræða við hann.

Stofnanir ESB ætlar sér ekki að skipta sér af málinu. Önnur aðildarríki ESB - ætlar sér það ekki heldur. Og ríkisstjórn Spánar segist ekkert hafa að ræða við sjálfstæðissinna í Katalóníu - nema þeir fyrst hætti við öll áform um sjálfstæði.

Ef Charles Puigdemont stendur við yfirlýsinguna - fer hann í fangelsi. Svo einfalt er það, án mikils vafa - ásamt samstarfsfólki sínu innan héraðsstjórnar Katalóníu. Það gæti hugsanlega leitt til átaka innan Katalóníu.

En mér virðist algerlega öruggt, að sjálfstæði eða verulega aukið sjálfsforræði vinnur Katalónía ekki fyrr en eftir langvarandi átök við Madríd - átök sem yrðu þá líklega blóðug. Það kostaði Baska töluverðar mannfórnir að ná því fram sem þeir á endanum náðu og tók þá langan tíma, þ.e. auknu sjálfsforræði sinna svæða, auk réttinda til að halda eftir hlutfalli af skattfé héraðsins til eigin nota.
--Spænsk stjórnvöld hafa ekki ljáð máls á sambærilegu samkomulagi fyrir Katalóníu.
--Það getur því vel farið svo, að Spánn lendi aftur í skærustríði innanlands, og að það geti staðið eins lengi og skærur baska við Madríd.

 

Kv.


« Síðasta færsla | Næsta færsla »

Athugasemdir

1 Smámynd: Borgþór Jónsson

Carles Puigdemont er að sjálfsögðu í mjög þröngri stöðu í málinu.

Það er að  rétt hjá þér að afstaða hans hlýtur að einhverju marki að stafa af því að hann gæti jafnvel átt á hættu að vera hnepptur í fangelsi.

Annað atriði er að atkvæðagreiðslan er afar vafasöm þar sem þeir sem voru andvígir sjálfstæði fóru að sjálfsögðu ekki á kjörstað, enda hefði það verið lögbrot.

Þetta væri kannski ekki áhyggjuefni ef það væri yfirgnæfandi samstaða um sjálfstæðiskröfuna í landinu. 

Svo virðist hins vegar ekki vera af því samkvæmt skoðanakönnunum eru hóparnir nokkurnveginn jafn stórir ,andstæðingar sjálfstæðis þó ívið fjölmennari.

Þetta var allavega staðan fyrir kosningarnar.

Í ljósi þessa er staða Carles Puigdemont mjög veik.

Nýtt Kataloniskt ríki yrði afar veikt ,af því að það gæti jafnvel gerst að ríkið sameinaðist Spáni aftur eftir næstu kosningar þar.

Þetta er vægast sagt einkennileg staða á svæðinu.

.

Hvort það kemur til skæruhernaðar er ekki gott að segja,en til að það geti gerst í einhverjum mæli þurfa verðandi skæruliðar að hafa verulegt stuðningsnet í landinu.

Öðruvísi er ekki hægt að halda úti hryðjuverkastarfsemi eins og það heitir í dag.

Ég efast um að það net sé til staðar af því að megin ástæðan fyrir þessum klofningi virðist vera efnahagsleg ,en ekki pólitísk að öðru leiti eða þjóðernisleg.

Mér finnst ekki líklegt að efnahagslegur ágreiningur leiði til skæruhernaðar,nema það takist einhvern veginn að klæða hann í þjóðernislegann eða trúarlegann búning.

Mér finnst hvorugt vera fyrir hendi ,allavega ekki eins og stendur. 

Borgþór Jónsson, 11.10.2017 kl. 10:24

2 Smámynd: Einar Björn Bjarnason

Það þarf ekki öll þjóðin að styðja skæruhópa - einungis mundi þurfa að stuðningur við skæruhópa væri meirihluti íbúa á sumum svæðum innan lands, til þess að skæruhópar gætu nýtt sér stuðning íbúa til að halda velli - á þeim tilteknu svæðum.

Þ.e. þá spurning einnig hvernig stuðningur við sjálfstæði dreifist innan héraðsins, hvort að til staðar eru svæði þ.s. stuðningur við sjálfstæði er skýr meirihluti íbúa á því svæði eða þeim svæðum.

Það gætu þá verið önnur svæði þ.s. stuðningur íbúa væri í aðra átt.

Kv.

Einar Björn Bjarnason, 11.10.2017 kl. 13:41

3 Smámynd: Borgþór Jónsson

Það er rétt hjá þér ,og ef ég skil rétt er staðan einmitt þannig að stuðningurinn er mjög mismunandi eftir svæðum.

Borgþór Jónsson, 11.10.2017 kl. 18:58

Bæta við athugasemd

Nauðsynlegt er að skrá sig inn til að setja inn athugasemd.

Um bloggið

Einar Björn Bjarnason

Höfundur

Einar Björn Bjarnason
Einar Björn Bjarnason
Stjórnmála- og Evrópufræðingur. Áhugi á stjórnmálum, Evrópumálum, alþjóðamálum, málefnum Miðausturlanda, trúmálum, vísindum og tækni, og margt fleira.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Eldri færslur

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

Nýjustu myndir

  • Mynd Trump Fylgi
  • Kína mynd 2
  • Kína mynd 1

Heimsóknir

Flettingar

  • Í dag (19.3.): 0
  • Sl. sólarhring: 7
  • Sl. viku: 40
  • Frá upphafi: 0

Annað

  • Innlit í dag: 0
  • Innlit sl. viku: 33
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband