Noregur að setja upp mannhelda girðingu á landamærum við Rússland!

Mér finnst eiginlega stórmerkilegt að 5.500 sýrlenskir flóttamenn hafi ferðast í gegnum Rússland alla leið til landamæra Noregs við Rússland! Þar sem að þetta er virkilega ekki lítiðfjörlegt ferðalag! Síðan er ekki síður merkilegt, að ferðalag Sýrlendinganna - geti vart hafa farið fram án vitneskju eða vilja rússneskra stjórnvalda!

Norway Will Build a Fence at Its Arctic Border With Russia

Maður velti fyrir sér hvað Pútín gangi til að heimila þetta langa ferðalag Sýrlendinganna í gegnum Rússland!

1. "The government says a new gate and a fence, about 660 feet long and 11 feet high and stretching from the Storskog border point..."
2. "The fence will be built in the coming weeks, before winter frosts set in, to make it harder to slip into Norway via a forest."
3. "Deputy Justice Minister Ove Vanebo defended the decision, calling the gate and fence “responsible measures.”"

Eins og fram kemur í fréttinni - gerðist þetta 2015.
Engir Sýrlendingar hafi ferðast þessa leið í gegnum Rússland það sem af er þessu ári.

Þannig að ríkisstjórn Noregs er þá greinilega að loka á þennan möguleika!
Frekar en að hún sé að fást við einhverja - krísu sem sé bersýnilega viðvarandi.

 

Það sem þetta ef til vill segir okkur!

Að mögulegar ferðaleiðir flóttamanna séu ef til vill töluvert fleiri en margir halda. En við vitum að sumarið 2014 komu margir yfir Miðjarðarhaf yfir til Ítalíu frá Lýbýu.

2015, var megin straumurinn í gegnum Tyrkland síðan yfir Eyjahaf til Grikklands.

• Þó 5.500 sé einungis brotabrot af heildarstraumnum 2015.

Þá sýni þetta ef til vill okkur - að flóttamenn geti farið lengri leiðir, ef auðveldum fljótfærari leiðum er lokað.

En þ.e. t.d. alveg tæknilega mögulegt fyrir þá, að fara yfir Miðjarðarhaf þar sem hafið mjókkar móts við Spán.

Auðvitað að auki, geta flóttamenn siglt frá Tyrklandi út á Svartahaf -- síðan leitað til lands t.d. í Rúmeníu eða Búlgaríu.

• Menn mega ekki halda að það eitt að loka landamærum norðan við Grikkland -- augljóslega loki á alla möguleika flóttamanna til Evrópu.

 

Niðurstaða

Flóttaleið alla leið Norður til Noregs í gegnum Rússland virðist manni við fyrstu sýn svo afskaplega ólíkleg. En samt komu 5.500 flóttamenn þá leið til Noregs 2015. Sem eins og ég benti á, geti vart annað verið en að rússnesk stjórnvöld hafi vitað af.

Þetta sýni ef til vill fram á, að flóttamenn muni leita nýrra leiða til Evrópu - þegar leitast verði við að loka þeim leiðum sem einna mest hafa verið notaðar fram að þessu.

Örugglega til nokkrar auðveldari leiðir, en langa leiðin til Noregs í gegnum Rússland.

 

Kv.

Athugasemdir

[Jón Valur Jensson, 25.8.2016 kl. 01:54]

Já, mjög athyglisvert, Einar Björn. Vökull ertu.

[Borgþór Jónsson, 31.8.2016 kl. 14:03]

5500 flóttamenn eru ekki margt fólk.

Eftir því sem ég hef lesið er þetta mest fólk sem er á ferðamannapassa í Rússlandi en hefur ákveðið að flýja til Noregs frekar en að snúa heim aftur.

Meðan þau eru í Rússlandi eru þau því ferðamenn en ekki flóttamenn.

Að sjálfsögðu vissi Putin af þessu og það kom til nokkurra deilna milli landanna af þessu tilefni.

Putin er hinsvegar alveg sama hvert fólkið fer,það eina sem skiftir hann máli er að það fari að lögum og yfirgefi landið.

Það er ekki í verkahring Rússneskra yfirvalda að skifta sér af hvert fólk fer.