Spurning hvort að Íran verði næsta - - S-Kórea?

Íran er kannski ekki fyrsta landið sem kemur upp í hugann, þegar menn íhuga hvaða lönd eru framarlega í framleiðslu á varningi og tækjum. En það áhugaverða er, að þrátt fyrir viðskiptabann sem í gildi hefur verið síðan upp úr 1980. Þá hefur Íran tekist að byggja upp töluvert umfangsmikinn - - bílaiðnað.

Þetta er það sem ég á við, þegar ég velti upp spurningunni í titlinum.

Það fyrsta sem menn hugsa þegar kemur að Íran, er náttúrulega - olía. Og þegar kemur að olíu þá er Íran að mörgu leiti í einstakri stöðu - sjá kortið.

En Íran er ekki einungis við Persaflóa heldur einnig við Kaspíahaf.

Turkmenistan - - er einnig ákaflega auðugt af olíu og gasi, undir Kaspíahafi eru líklega að auki mjög auðugar olíu og gaslindir. Azerbaijan sannarlega er olíu- og gasauðugt land.

• Íran myndar þarna á milli þessara 2-ja olíu- og gassvæða, mjög merkilega landtengingu.
• Mig grunar að Íran og Turkmenistan eigi eftir að auka flutninga á olíu og gasi í gegnum Íran. Til að opna viðbótar flutningsleið fyrir olíu og gas þaðan.
• Azerar gætu einnig notið góðs af slíkri flutningsleið. Íran fengi auðvitað tekjur af slíkum flutningum yfir eigið land að auki.
• Ég held að -Íran- sé augljóslega mun vænlegri nálgun á auðlyndir Mið-Asiu, en í Íran eru þegar fyrir, stórar útflutningshafnir fyrir olíu og gas. Að auka útflutning um þær hafnir, mundi nýta þá fjárfestingu betur - - vera mun hagkvæmara grunar mig fyrir Evrópu sem leið til að útvega sér -gas- annars staðar en frá Rússlandi, en aðrar leiðir sem til greina geta komið.

En Íran er ekki - bara olíuríki

það er til áhugaverð Wiki síða sem heitir: Automotive industry in Iran

Á síðunni er áhugaverð mynd sem sýnir þróun framleiðslu fólksbifreiða.

Aukningin eftir 2000 - - er áhugaverð

YearData 0—0.5 mln0.5—1 mln1—1.5 mln1.5—2 mln 

1970	35,000
1980	161,000
1990	44,665
2000	277,985
2005	817,200
2006	904,500
2007	997,240
2008	1,051,430
2009	1,395,421
2010	1,599,454
2011	1,648,505
2012	1,000,089
2013	743,647
2014	1,090,846

Skv. síðunni eru 2-megin framleiðendur:

1. Iran Khodro
2. Saipa

Skv. síðunni framleiðir stærri framleiðandinn, Iran Khodro, í dag bifreið á grunni Peugeot 405 frá fyrri hl. 10. áratugarins í Evrópu, sem tók við af eldri gerð sem var á grunni enn úreltari hönnunar á grunni, Hilmann Hunter.

Þessi bifreið er kölluð: Samand

Hinn megin framleiðandinn, Saipa, framleiðir einkum bifreiðar á grunni tækni frá S-Kóreanska framleiðandanum KIA, þeirra nýjasti bíll nefnist:

SaiPa Tipa - Þessi bíll virðist tæknilega nýrri.

• En punkturinn í þessu, er að sjá - möguleikana.
• Þetta er þ.s. Íranir hafa náð að gera, þrátt fyrir viðskiptabann.
• Báðir framleiðendur, hafa samskipti við franska framleiðendur, og hafa báðir framleitt franskar týpur - ég hugsa að það sé snjallt hjá Saipa að fá Kóreumennina inn.

Íran hefur mögulega markaði, ekki einungis í eigin landi - heldur í löndunum í kring. Íran hefur því alveg möguleika til þess að framleiða - margar milljónir bíla per ár.

Með batnandi efnahag, virðist blasa við, að þessi framleiðsla stóraukist - og að erlent fjármagn fáist til þess, að bæta tæknina í boði til muna.

Báðir framleiðendurnir virðast betri en þ.s. t.d. rússn. framleiðendur buðu nokkru sinni upp á.

Samstarf Peugeot við, Iran Khodro, virðist gera Peugeot að augljósu samstarfs fyrirtæki fyrir þann framleiðanda áfram - - og tækifæri fyrir Peugeot sem hefur misst af mörgum tækifærum fram að þessu.

Snjallast virðist mér fyrir, Saipa, að halda áfram samstarfinu við KIA.

Kínverskir framleiðendur virðast einnig sýna landinu áhuga - - um leið og þarna verður meiri opnun. Þá munu örugglega birtast fleiri framleiðendur.

Ef Íranar halda vel á spöðum - gæti landið orðið að meiriháttar framleiðslulandi.

 

 

Niðurstaða

Þegar maður íhugar Íran, þá stendur Íran arabalöndunum í kring svo langtum framar, að maður fær kannski smá annan skilning í baráttu arabalandanna fyrir því - að viðskiptabanninu við Íran verði fram haldið.

En sá skilningur gæti hljómað með eftirfarandi hætti - - að án viðskiptabannsins eigi konungsríkin og furstadæmin, og einræðisríkin meðal araba - ekki séns í helvíti að keppa við Írana.

Íran gæti átt eftir að springa út - með mjög áberandi hætti á nk. árum. Þá ekki sem þ.s. arabar og gyðingaríkið kýs að sjá Íran sem. Heldur sem hið endurvakta forna menningarríki sem Íran er, en þar er einnig stór kvikmyndaiðnaður - - og framleiðandi á tækjum og búnaði, ásamt bifreiðum.

Hinn eiginlegi keppinautur Írans á svæðinu, gæti fyrir rest verið - Tyrkland. En þar fer annað land, sem er að gera sitt besta til að verða - iðnríki.

Arabarnir verði tíndir langt - langt að baki.

Til lengri tíma litið, tapa Vesturlönd örugglega ekki á því, að bæta samskiptin stórfellt við Íran. Ég sé Íran alls ekki sem þessa stórfelldu hættu, sem sumir kjósa að sjá Íran sem.

 

Kv.

Athugasemdir

[Guðjón E. Hreinberg, 17.4.2015 kl. 21:51]

 Fín samantekt - takk fyrir góða punkta.