Gleðilegt nýtt ár og þakkir fyrir gamla!

Gleðjumst eins og við getum nú yfir hátíðina, því alvaran mun taka fljótlega við á nýárinu.

Mig grunar nefnilega að næsta ár eigi eftir að reynast eitt það viðburðaríkasta í heimssögunni. Að eftir það verði Evrópusambandið ekki samt.

Mín persónulega tilfinning er að líkur á því að Evrusvæðið haldi út næsta ár í óbreittri mynd, séu innan við 50%.

Hvað akkúrat gerist, er ekki klárt enda möguleikar til staðar, allt frá stjórnlausu hruni sem væri versta niðurstaða yfir í að, undirbúið verði einhvers konar Plan B af ríkari ríkjum, sem myndi sameiginlega nýjan gjaldmiðil - þannig að gamla Evran falli þá stórt.

Aðalpunkturinn er sá, að einungis stór sameiginleg aðgerð getur bjargað málum - og þ.e. enn mögulegt, ef sú sameiginlega er nægilega yfirgripsmikil og að ef gripið til hennar í tæka tíð. En tíminn er að renna út hratt. 

En, þetta gæti verið útgáfa Evrubréfa með sameiginlega ábyrgð, sem geri ríkjum í vanda og þeim sem líklega lenda í vanda mögulegt að skipta út skuldum fyrir skuldir með lægri vexti, þá sameiginlega niðurgreidda í t.d. 3,5%.

Vandi er sá að ríkari þjóðir og betur staddar innan Evrusvæðis, hika við - vegna kostnaðar. 

En, hrun mun einnig kosta mikið og sennilega meira.

Alveg sama hvað gerist verður sameiginlegur skuldavandi mjög mikill. En, stjórnlaust hrun mun framkalla verstu vandamálin og meðan menn hika og íta málum á undan, er alvarleg og hratt vaxandi hætta einmitt á slíkri útkomu.

Minna dýrt verður að ábyrgjast sameiginlega eða að útbúa ofangreint Plan B.

Vonandi að leiðtogar Evrópu standi sig - því stærsta eldskýrn leiðtoga ESB/Evru ríkja er nú framundan á næstu 6 mánuðum eða svo - ég gerist svo djarfur að spá því.

Hvað okkur varðar, þá líklega fellur okkar bankakerfi ef það verður stjórnlaust hrun. Þ.e. hugsanlegt að það standi, ef vægari útkomurnar verða ofan á. En einungis hugsanlegt.

Bankakerfið okkar er því miður raungjaldþrota eða því sem næst - og viðbótar samdráttur því sennilega fellir það, sérstaklega ef samdráttur sá er verulegur.

Einungis getur það hjarað áfram, ef tekst að komast hjá samdrætti hér á næsta ári þá vegna þess að atburðir í Evrópu sigla skársta mögulega farveg og atburðarás hér skilar einhverjum smá hagvexti - hið minnsta ekki frekari samdrætti.

• Ég er farinn að skilja af hverju - megir þú lifa áhugaverða tíma - er "curse" :)

 

Skoða áhugaverða greinar: 2 nóbels hagfræðingar

Stiglitz: Reform the euro or bin it

Stiglitz: Economic crisis 'could mean death of the euro', warns Nobel Prize winner

Stiglitz: Spain on the steps of the Argentine crisis of 2001, warns Stiglitz

Krugman: The Spanish Prisoner

Krugman: Eating the Irish

 

Kv.

Athugasemdir

[Rauða Ljónið, 31.12.2010 kl. 18:22]

Gleðilegt ár Einar þakka góð skrif á liðnu ári.

Kv. Sigurjón Vigfússon

[Einar Björn Bjarnason, 31.12.2010 kl. 18:28]

Takk fyrir minn kæri :)

Kv.