AGS og Steingrímur segir hér vera hafinn hagvöxt, en skoðum aðeins nánar tölur Hagstofu Íslands!

Skv. Hagstofu Íslands, var hagvöxtur á fyrsta ársfjórðungi. En, við nánari skoðun vekur athygli. að nánast allar breytur eru neikvæðar, sem setur spurningamerki við akkúrat hvernig heildarniðurstaða um hagvöxt fyrir það tímabil er fengin akkúrat.

Fyrsti ársfjórðungur 2010, Hagstofa Íslands

• Einkaneysla,   - 0,6%
• Samneysla,     - 0,5%
• Fjárfesting,   - 15,6% (kemur á móti aukningu á síðasta fjórðungi upp á 16,6%, nettó ef til vill
•                                    fjárfesting plús 1)
• Útflutningur,   - 3,6%
• Innflutningur, - 3,3%

• Þjóðarútgj., + 1,3%
• Hagvöxtur,  + 0,6%

Áhuga vekur ennfremur að án "árstíðabundinnar leiðréttingar" væri verið að tala um samdrátt upp á 6,9% en ekki hagvöxt upp á 0,6%.

Spurningin er: Er þetta hagvöxtur?

Mér sýnist markverðast, að tölur yfir veltu eru alla neikvæðar, þ.e. inn-/út-flutningur, neysla og samneysla.

Tja, ef þetta er uppgangur, þá hvað er kreppa :)

Kv.

Athugasemdir

[Dingli, 29.6.2010 kl. 22:56]

Eru upplýsingar þínar hér að ofan allar breyturnar sem notaðar eru við að reikna út hagvöxt?

[Einar Björn Bjarnason, 30.6.2010 kl. 01:40]

Þ.e. öll velta, þ.e. fyrirtæki og einstaklingar, öll innkaup þ.e. innflutningur hvort sem það eru neysluvörur eða flugvél - sem dæmi, allur útflutningur hvort sem þ.e. vara sem hönd er á festandi eða þjónusta banka við erlendan aðila sem skilar tekjum fyrir þjóðfélagið, og síðan velta starfsemi á vegum hins opinbera hverskonar. Fjárfesting getur verið margt, svo sem kaup á flugvél, eða kaup á fyrirtæki, eða fyrirtæki ver fé til nýrrar starfsemi eða stækkar við sitt húsnæði, eða einfaldlega kaupir nýtt tæki fyrir gamalt.

----------

*Samneysla nær yfir veltu hins opinbera.

*Einkaneysla er kaup á vörum hér innanlands, fyrirt. sem einst.

*Fjárfesting-sjá að ofan.

*Útflutningur - hvað sem er flutt út og sem skapar tekjur.

*Innflutningur - hvað sem er flutt inn, og skapar tekjur.

*Þjóðarútgjöld - tja, væntanlega teljast afborganir erlendra skulda þar með, og aukning þar um getur skilað þeirri aukningu.

---------------

Stundum eru liðir ítarlegri, t.d. neyslu skipt í neyslu fyrirt. og einstk.

Útflutningi skipt í vöru-útflutning og þjónustu-útflutning.

Þar til annað kemur í ljós, geri ég ráð fyrir að "einkaneysla" sé hvort tveggja neysla fyrirt. og einstk. en ekki bara fyrirt.

Einnig, að útflutningur/innflutningur þjómustu sé með í tölu um innflutning, en ekki aðskilið í sérlið - sem af einhverjum ástæðum er ekki talinn fram.

Kv.