Hætta á átökum milli Rússa og Bandaríkjamanna í Sýrlandi?

Áhugaverð senna hefur spunnist - fyrst skaut bandarísk F18 vél niður rússnesk smíðaða sprengjuvél sýrlenska flughersins af SU-22 gerð. Gamlar vélar enn í notkun hjá sýrlenska flughernum.
--Að sögn Bandaríkjamanna var flugmaðurinn að kasta sprengjum nærri sýrlenskum súnníta hersveitum, bandamönnum Bandaríkjamanna - sveitir sem þjálfaðar hafa verið af Bandaríkjamönnum; sem eru að taka þátt í sameiginlegri atlögu hersveita af slíku tagi og hersveita á vegum sýrlenskra Kúrda gegn borginni Raqqa þ.s. ISIS hefur síðan 2013 haft höfuðborg sína.
--Þetta var í grennd við Tabqah stífluna.

U.S. warplane downs Syrian army jet in Raqqa province

Nokkru áður að sögn Bandaríkjamanna, höfðu svokallaðar "pro syrian" hersveitir - ráðist að bandamannasveitum Bandaríkjanna nokkru sunnan við Tabqa, og hrakið þær frá þorpi.

1. Ef maður tekur frásögn Bandaríkjanna - bókstaflega, þá hljómar þetta svo að Damaskus stjórnin sé ósátt við -- hersetu bandamannasveita Bandaríkjanna á svæðum í grennd við Tabqa stífluna.
2. Og það hafi verið tilraun í gangi, til þess að -- stugga við þeim hersveitum.

• Og Bandaríkin hafi ákveðið að -- stoppa frekari aðgerðir stjórnarinnar í Damaskus gegn bandamannasveitum sínum.

Yfirlýsingar Damaskus stjórnarinnar -- hljómuðu töluvert með öðrum hætti:

"flagrant attack was an attempt to undermine the efforts of the army as the only effective force capable with its allies ... in fighting terrorism across its territory," - "This comes at a time when the Syrian army and its allies were making clear advances in fighting the Daesh (Islamic State) terrorist group,"

• Rétt að taka fram, að sýrlenskar hersveitir - í bandalagi við Bandaríkin; hafa hafið atlögu að Raqqa - a.m.k. er þegar barist í úthverfum.

--Það séu a.m.k. líkur á að Damaskus lítist ekkert á blikuna.
En ef svo fer fram sem horfir -- þá taka sýrlenskar hersveitir sem Bandaríkin styðja, Raqqa.
Og samtímis halda þær sveitir þá öllu svæðinu nærri Tabqa -- sem er mjög mikilvæg stífla.
--Augljóslega ef fram horfir, er þetta liður í skiptingu Sýrlands!

En eftir fall Raqqa, geta bandamenn Bandaríkjanna - haldið sókn sinni fram til suðurs, í átt til landamæranna við Íraq.
--Sem leiddi væntanlega á endanum til falls íslamska ríkisins.
--En samtímis, krystallaði nýja skiptingu Sýrlands!

Ath. Tabqah er nærri vatninu sem sýnt er vestan við Raqqa - Raqqa er nú umkringd, undir atlögu!

Tvær áhugaverðar yfirlýsingar hafa síðan komið frá Rússlandi!

Russian ForMin calls on U.S. to respect Syria's integrity

"The United States should respect Syria's territorial integrity and refrain from unilateral actions in this country, Russian news agencies quoted Russian Foreign Minister Sergei Lavrov as saying on Monday."

Orð utanríkisráðherra Rússlands - beinast klárlega að aðgerðum undir stjórn Bandaríkjanna, þ.e. hersveita í bandalagi við Bandaríkin, hersveitir sem eru sýrlenskar en ekki undir stjórn stjórnarinnar í Damaskus eða Írans eða Rússlands.
--Augljóst virðist að með þeim aðgerðum, séu Bandaríkin ekki einungis að stefna að því að steypa íslamska ríkinu af stóli.
--Heldur einnig að því, að skapa sér nokkurs konar "protectorate" innan Sýrlands.

• Rússlandsstjórn, vill auðvitað að bandamaður Rússlands, stjórnin í Damaskus - taki yfir öll þau svæði, sem ISIS mundi hugsanlega tapa yfirráðum yfir.
  --Hinn bóginn klárlega, munu bandalagssveitir Bandaríkjanna, halda þeim svæðum.
  --Og Bandaríkin halda áfram að styðja við bakið á þeim sveitum.

--M.ö.o. skýr senna um - yfirráðasvæði.
--Það virðist mér einnig skýra aðgerðir Sýrlandsstjórnar, og sennilega síðan Bandaríkjanna.

Russia to track U.S.-led coalition aircraft over Syria as potential targets

"In areas where Russian aircraft are carrying out military tasks in the skies above Syria, any flying objects, including international coalition aircraft and drones found operating west of the River Euphrates, will be tracked by Russian land and air-based anti-aircraft ground systems as targets,"

Ekki ljóst hvað akkúrat þetta þíðir - en a.m.k. virðist að rússneskar radarstöðvar í Sýrlandi, muni fylgjast mjög náið með öllu flugi flugvéla sem ekki eru á vegum Rússlands eða bandamanna Rússlands innan Sýrlands - yfir Sýrlandi.

Ekki virðist um að ræða beina hótun um að skjóta vélar niður.

1. Rétt að benda á að Bandaríkin mundu mjög auðveldlega geta eyðilagt allar radarstöðvar Rússa innan Sýrlands.
2. Sem mundi gera loftvarnarkerfi þeirra staðsett þar - gagnslaust.

--Rússland mundi m.ö.o. ekki rökrétt vilja taka þá áhættu, að bandarísk flugvél væri skotin niður.

Bandaríkin mundu geta framkvæmt slíka aðgerð, einungis með stýriflaugum.
M.ö.o. mundu ekki þurfa að hætta sínum flugvélum eða flugmönnum!
Eins og þeir sýndu fram á ekki fyrir mjög löngu, er loftárás var gerð á herstöð stjórnvalda Sýrlands.
--Mjög ósennilegt er að Rússlandsher mundi geta varist slíkri árás, ef af yrði.

• Svo ég á ekki von á því að Rússland stígi frekari skref.

Rússland hafi komið mótmælum sínum á framfæri.

 

Niðurstaða

Þó að aukin spenna milli Rússa og Bandaríkjamanna í Sýrlandi sl. daga, geti aukið líkur á beinum átökum þeirra á milli innan Sýrlands. Þá sé algerlega ljóst að Rússland mundi aldrei koma vel út úr slíkum átökum. Fyrst og fremst leiða til þess, að Rússland tapaði einhverjum af þeim tólum sem Rússland hefur komið fyrir innan Sýrlands. Án þess að Rússland væri í nokkurri verulegri aðstöðu til að refsa Bandaríkjunum á móti.

Svo ég á ekki von á því að Rússland, gangi lengra en það þegar hefur gert.
--Líklega að auki hefur Rússland skilið skilaboð Bandaríkjanna, að halda aftur af Sýrlandsstjórn varðandi frekari árásir af hennar hálfu á sýrlenskar liðssveitir undir stjórn Bandaríkjanna, sem m.a. eru nú með í gangi fulla atlögu gegn borginni Raqqa.

--Innan fárra mánaða verða líklega báðar megin borgir ISIS fallnar þ.e. Raqqa og Mosul er nærri alveg fallin þegar.
--Þá auðvitað heldur sóknin gegn ISIS áfram.
En samtímis virðast Bandaríkin vera að skapa sér "protectorate" innan Sýrlands.
Sem líklega verður liður í varanlegri skiptingu Sýrlands.

En skipting Sýrlands hefur að mínu mati nú lengi blasað við, þ.e. að stjórnin í Damaskus haldi nokkurn veginn þeim svæðum sem sú stjórn ræður í dag; en annars vegar sýrlenskir Kúrdar og sýrlenskar Súnní Araba-sveitir er þjálfaðar og vopnaðar hafa verið af Bandaríkjunum - stjórni landsvæðum er verða án nokkurs verulegs vafa "de facto" sjálfstæð frá stjórninni í Damaskus.

• Skipting Sýrlands sé sennilega eina leiðin til þess, að binda endi á borgaraátök innan Sýrlands -- það hefur einnig verið mín skoðun a.m.k. síðan 2013 samfellt!
  --Ég styð því heilshugar að Sýrlandi verði skipt, milli hópanna er byggja landið.
  --M.ö.o. að hóparnir verði aðskildir varanlega!
• Það hafi virkað í fyrrum Júgóslavíu að aðskilja hópa, skipta landinu milli þeirra.

 

Kv.