Forskot Hillary Clinton á Donald Trump komið niður í einungis 2%

Á tímabili var forskot Clinton heil 8% og sigurinn virtist mörgum nærri öruggur - en undanfarnar vikur hefur saxast á það forskot; og nú hefur Clinton neyðst til að taka sér frý frá kosningabaráttunni - vegna veikinda!

Það virðist því hugsanlegt að Donald Trump nái að þurrka út áunnið forskot Clinton!

Skv. New York Times/CBS News poll:

1. Er forskot Clinton yfir landið í heild 46% á móti 44%
   --Þegar litið er á "líklega kjósendur."
2. Meðal Bandaríkjamanna skráðir á kjörskrá, er staðan 46% á móti 41%.
3. Ef fylgi óháðra frambjóðenda er tekið með, er staðan: Hillary Clinton 42%, Donald Trump 42%, Gary Johnson 8% og Jill Stein 4%.
4. Aðeins rétt rúmlega helmingur þeirra sem segjast ætla að kjósa Clinton - segjast ákveðnir stuðningsmenn. Staðan er eins hjá Trump, að rétt rúmlega helmingur þeirra sem segjas ætla að kjósa hann - segjast ákveðnir stuðningsmenn.
   --Bendir til víðtækra efasemda meðal kjósenda um frambjóðenduna 2.
5. Clinton hefur forskot á Trump meðal minnihlutahópa innan Bandaríkjanna, og bandarískra kvenna heilt yfir - og yngri hluta kjósenda!
6. Meðan Trump hefur stuðning 57% hvítra móti 33% hvítra er styðja Clinton.
7. Fylgi Trumps og Clinton er nærri hnífjafnt meðal hvítra kvenna, þ.e. 46% Clinton, 45% Trump.
8. Clinton hefur 11% forskot á Trump meðal hvítra líklegra kjósenda, sem hafa háskólagráðu.
   --Mundi vera fyrsti demókratinn í 60 ár til að ná meirihluta stuðningi þess hóps.
9. 45% stuðningsmanna beggja - sögðust vilja betri upplýsingar um heilsufar Trumps og Clinton.

Rétt að nefna að staðan innan einstakra fylkja skipti meira máli -- en mæld staða yfir landið sem heild!
Þar sem eftir allt saman, þá virka einstök fylki í forsetakosningum sem einstök kjördæmi.
Þannig að lítill prósentumunur í fylgi, getur skilað meiriháttar sigri -- ef atkvæði innan einstakra fylkja falla með þeim hætti, að sigurvegari vinnur naumlega fleiri fylkjum en þeim sem viðkomandi tapar í; og sá tapar í nokkrum þeirra með miklum mun.

T.d. vann Obama stærri sigur í fylkjakosningu, en hann mældist skv. prósentu fylgi yfir landið sem heild!

 

Niðurstaða

Þó að þessi mæling yfir landið í heild spái ekki fyrir um úrslit í einstökum fylkjum. En sigur í forsetakosningum innan Bandaríkjanna byggist á sigri innan einstakra fylkja eftir allt saman.

Þá a.m.k. virðist sjást í þeim tölum -- að Trump er að minnka forskot Clinton.
Veikindi Clinton geta sett strik í reikninginn -- nú þegar Clinton þarf að taka sér veikindafrý.

Það er alveg þar af leiðandi hægt að sjá það sem möguleika að Trump nái að jafna forskot Clinton alfarið!
Á hinn bóginn þarf að meta stöðu frambjóðandanna innan einstakra fylkja til að meta betur raunverulegar sigurlíkur.

 

Kv.