Mun leiðréttingin fara forgörðum?

Ég set þessa spurningu fram til þess að benda fólki á, að leiðréttingin er ekki í höfn nema að unnt sé að verjast því að hún brenni fljótlega upp í verðbólgu. Til þess að hún nái tilgangi sínum að skila lækkun lána sem hafi einhvern varanleik, þá þarf að forða því að síðan komi -fljótlega- bylgja af verðbólgu sem eyði upp lánaleiðréttingunni.

 

Óvinir leiðréttingarinnar

Um getur verið að ræða "meðvitaða óvini" og "ómeðvitaða óvini." Ómeðvitaður óvinur, er þá sá sem vill það sem líklega mun valda því að leiðréttingin fer forgörðum, en er ekki meðvitaður um að forgangsröðun viðkomandi sé ógn við leiðréttinguna. Síðan eru það þeir sem allan tímann hafa verið andvígir lánaleiðréttingu, og eru er til vill "vísvitandi" að stuðla að því, sem er líklegt til þess að hún fari forgörðum.

Ég hef heyrt fólk segja - "mér er sama um leiðréttinguna þar sem ég fæ ekkert út henni."

 

Lág verðbólga er auðvitað grunnforsenda

Verðbólga er lág eins og er, þ.e. tæplega 2%. Á hinn bóginn þá hefur leiðrétting þá afleiðingu að - bæta kjör þeirra sem skulda lán er verða leiðrétt. Það þíðir að leiðrétting er líklega a.m.k. að einhverju marki "neyslu-aukandi" aðgerð. 

Hafa þarf í huga að þjóðfélagið hefur ávalt takmarkuð fjárráð í formi gjaldeyristekna. Þannig að leiðrétting - - minnkar það svigrúm sem er til þess að auka neyslu með öðrum úrræðum. Það þíðir að leiðrétting - - minnkar svigrúm til frekari launahækkana. Þannig að ekki verði af verðbólgubylgja.

Spurning hvort unnt er að beita verkalýðsfélög þeim rökum, að þau ættu að geta sætt sig við "minni launahækkanir" vegna kjarabótarinnar er fylgi leiðréttingunni?

 

Það getur verið að ríkisstjórnin hafi gert alvarleg mistök með samningum við kennara

Málið er að þeir samningar voru langt umfram það 3-4% viðmið sem miðað var við í samningum við ASÍ. Nú stendur þjóðfélagið frammi fyrir því. Að hver hópurinn á eftir öðrum. Vill sambærilegar prósentuhækkanir - þ.e. hækkanir í 2-ja stafa tölu. Og þegar sérfræðihóparnir hafa væntanlega klárað sína samninga. Kemur aftur að ASÍ á nk. ári

Þannig að það virðist alveg ljóst að möguleikinn á verðbólguholskeflu á nk. 12 mánuðum sé til staðar. 

Eins og ég hef bent á, þá gengur ekki tilraun til "leiðréttingar launa upp" nema að aðrar stéttir launamanna - sætti sig um að krefjast þess ekki sama. En þá sjáum við þ.s. svo oft áður hefur gerst, að launahækkanir í 2-ja stafa tölu. Brenna stærstum hluta upp í verðbólgu.

Ef þ.e. engin leið til þess að stöðva þá vegferð er virðist hafin, að hver stéttin komi á fætur annarri, með sambærilega kröfugerð - - þá sannarlega getur það endað þannig.

Að ekki einungis fari leiðrétting launa kennara fyrir bý - - - heldur einnig, leiðrétting lána.

Að verðbólgan sem verði til, ef öllum tekst að knýja fram launahækkun í 2-ja stafa tölu, verði til þess að leiðrétting lána - - brenni einnig upp í sama verðbólgubálinu.

  • Þetta er ekki orðið enn.
  • En um það hindra verðbólguholskefluna hljóti baráttan að snúst um.

Hún geti tapast - en sé ekki töpuð enn!

 

Niðurstaða

Eitt vandamál við "leiðréttinguna" vegna þess að hún er "neyslu-aukandi" er að hún fyrir bragðið minnkar það svigrúm sem til staðar er - til beinna launahækkana. Vegna þess að þjóðfélagið geti einungis aukið neyslu, þar með innflutning, að takmörkuðu leiti - - áður en jafnvægi efnahagsmála er ógnað. Með þetta í huga, og það að svo að leiðrétting gangi upp þarf verðbólga að haldast lág - áfram. Þá kann að vera að stjórnvöldum hafi orðið á alvarlegt axarskaft með samningum við kennara. Því það virðist augljóst - - að ef önnur stéttafélög knýja fram sambærilega kröfugerð. Þá það geta ógnað leiðréttingu lána, leitt til þess að fljótlega verði hún að engu.

Stjórnvöld munu að sjálfsögðu ekki græða fylgislega á leiðréttingu lána.

Nema að sýnt sé fram á að hún hverfi ekki fljótlega.

 

Kv.


Nicolas Sarkozy virðist staðráðinn í að eiga endurkomu í franska pólitík, en það má vart á milli sjá hvor er óvinsælli hann eða Hollande

Ég nefnt það áður, að ég sjái ekki fyrir mér neitt sem geti aukið meir líkur á kjöri Marine Le Pen formanns Front Nationale heldur en að hennar mótherjar verði þeir Sarkozy og Hollande:

Nicolas Sarkozy Aims for a Quick-Fire Political Comeback in France

Alleged Sarkozy plot rocks French political establishment

En það má vart á milli sjá að því er virðist - hvor er óvinsælli, en skv. skoðanakönnunum virðist nærri 60% Frakka vera andvígir endurkomu Sarkozy í franska pólitík.

Hollande virðist njóta stuðnings nærri 30%. Það að nærri 60% Frakka segjast andvígir endurkomu Sarkozy, þíðir ekki endilega að hann njóti hugsanlega stuðning 40%.

  • Það mundi ekki koma mér sérdeilis á óvart, að ef framkv. væri skoðanakönnun.
  • Þá mundi Marine Le Pen raðast ofan við þá báða, þessa stundina.

Á hinn bóginn er nokkur tími til stefnu fram að kosningum 2017. Sarkozy hefur a.m.k. 2-heil ár til stefnu, til þess að undirbúa jarðveginn fyrir sitt framboð til kosninga.
Meðan að þetta er sá tími sem Hollande hefur til stefnu, til að sýna fram á árangur - til þess að skapa einhverja möguleika fyrir sitt eigið framboð.

En eins og mál standa í dag - - gæti það vel farið svo, að Hollande mundi ekki ná inn í 2-umferð kosninga. En eins og flestir ættu að vita, er alltaf kosið aftur milli 2-ja efstu.

Þá má auðvitað reikna með því, að öll franska hefðbundna pólit. elítan þjappi sig um þann frambjóðanda sem verði mótherji - Marine Le Pen. Burtséð frá því hvort það verður Hollande eða Sarkozy.

Tvennt sem mælir gegn Sarkozy augljóslega - fyrir utan aðra þætti:

  1. Hann tapaði fyrir Hollande.
  2. Enginn fyrrum forseti hefur komið fram að nýju og aftur orðið forseti.

Umræðan um mál tengd rannsóknum á tengslum Sarkozy við hugsanleg spillingarmál, hefur verið ákaflega lífleg - ef marka má fréttir. Undanfarna daga hafi t.d. gosið upp fjölmiðlafár út af fundi sem François Fillon -andstæðingur Sakozy innan UMP flokks franskra hægri manna- og Jean-Pierre Jouyet, sem mætti kalla nánasta ráðgjafa Hollande - - áttu á veitingastað.

Skv. blaðamönnum Le Monde átti François Fillon að hafa hvatt Jean-Pierre Jouyet til þess að sjá til þess að aukinn kraftur væri settur í "óháða" dómsrannsókn í gangi á forsetatíð Sarkozy.

Þetta er auðvitað skandall sem litlu máli mun skipta eftir því sem hjá líður.

En virðist a.m.k. þó vera vatn á myllu ásakana, FN, að stærstu flokkarnir tveir - - hafi víðtækt samráð um mörg mál; að lítill munur sé i reynd á flokkunum tveim.

 

Niðurstaða

Fyrir áhugamenn um evru - þá gæti það verið spennandi að veita Frakklandi athygli. En ef þ.e. hætta til staðar fyrir evruna. Þá væntanlega liggur hún í óþoli kjósenda með stöðu mála. En eitt virðist undirstrikað á þessu ári - að ekki sé nein von til þess að nægilega hraður hagvöxtur verði á evrusvæði til þess að minnka að ráði atvinnuleysi í löndum eins og Frakklandi eða Ítalíu eða Spáni.

Marine Le Pen hefur ekki farið í launkofa með að hún vill endurreisa Frankann. Á Ítalíu hefur Matteo Renzy umtalsvert fylgi - þessa stundina. En ef ríkisstjórn hans nær ekki að skila árangri sem eitthvað um munar. Gætu kjósendur á Ítalíu aftur sveiflast til jaðarflokks Peppe Grillo.

Hættan fyrir evruna liggur þá í atvinnuleysinu - - hve lítil von virðist til þess að það minnki að verulegu ráði í bráð. Að örvæntingafullir kjósendur, velji þá flokka í hinum pólitíska jaðri. Í von til þess að þeir hristi upp í ástandinu.

 

Kv.


Bloggfærslur 11. nóvember 2014

Um bloggið

Einar Björn Bjarnason

Höfundur

Einar Björn Bjarnason
Einar Björn Bjarnason
Stjórnmála- og Evrópufræðingur. Áhugi á stjórnmálum, Evrópumálum, alþjóðamálum, málefnum Miðausturlanda, trúmálum, vísindum og tækni, og margt fleira.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Eldri færslur

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

Nýjustu myndir

  • Mynd Trump Fylgi
  • Kína mynd 2
  • Kína mynd 1

Heimsóknir

Flettingar

  • Í dag (28.3.): 3
  • Sl. sólarhring: 3
  • Sl. viku: 36
  • Frá upphafi: 845414

Annað

  • Innlit í dag: 3
  • Innlit sl. viku: 33
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband