Leiðtogi katalónskra þjóðernissinna virðist á leið í útlegð til Belgíu

Forsætisráðherra Belgíu hefur -de facto- boðið honum að vera í Belgíu, sagt heiminum að Carles Puigdemont - yrði ekki framseldur til spanskra yfirvalda!
--Puigdemont er kominn til Belgíu, og segist ekki snúa til baka nema hann fái - tryggingar fyrir því sem hann kallar, sanngjarna meðferð.

Líkur á því hann fái þær tryggingar virðast á hinn bóginn, engar!

Carles Puigdemont vows to lead Catalan fight from Brussels

Ousted Catalan leader agrees to election, summoned to Madrid court

Carles Puigdemont með fagnandi hóp að baki sér!

https://cdn.images.express.co.uk/img/dynamic/78/590x/secondary/Puigdemont-1110744.jpg

Mariano Rajoy virðist geta hrósað sigri - fljótt á litið!

  1. Carles Puigdemont, sagði á þriðjudag - staddur í Brussel, að sjálfstæðissinnar mundu taka þátt í almennum héraðsþingskosningum, sem ríkisstjórn Spánar ætlar að standa fyrir, eftir að hún setti héraðsstjórn Katalóníu formlega af og rauf héraðsþingið, boðaði þar með til kosninga í desember í Katalóníu.
    --En með þessu, þá tæknilega þar með viðurkenna sjálfstæðissinnar lögmæti aðgerðar stjórnvalda Spánar.
    --En þeir höfðu í raun og veru ekkert - val. Ef þeir ætlar sér að tryggja sér þingsæti í Katalóníu.
  2. Ekkert bólaði á þeirri skipulögðu borgaralegu óhlýðni sem sjálfstæðissinnar höfðu boðað -- þess í stað virtist yfirtaka stjórnvalda Spánar fara algerlega fram með friði og spekt.

Sjálfstæðissinnarnir hljóta að hafa ákveðið að þeirra hagsmunir stæðu til þess að taka þátt í héraðskosningunum. Og að á sama tíma, að það væri ekki hagstætt að íta undir ástand óreiðu í héraðinu, er gæti skaðað efnahag þess.

Hvorir tveggja - sjálfstæðissinnarnir og forsætisráðherra Spánar.
Virðast leggja þar með allt undir - fyrir héraðskosningarnar sjálfar.

 

Meðan bendi flest til þess að Carles Puigdemont fái langan fangelsisdóm

En leiðtogi sjálfstæðisinnaðra Katalóna stendur frammi fyrir ásökunum, er geta landað honum milli 30-40 ára fangelsi.

  • Sakaður um að standa fyrir uppreisn.
  • Sakaður um að standa fyrir undirróðri.
  • Og ekki síst, sakaður um misferli með opinbert fé.

Fyrri ásakanirnar tvær tengjast að sjálfsögðu tilraununum til að hvetja til sjálfstæðis Katalóníu og til að þvinga það fram. Sú þriðja hefur með það að gera, að opinberu fé hafi verið varið til -- ólöglegs athæfis, sbr. almenn atkvæðagreiðsla um sjálfstæði sem dæmd hafði verið ólögleg af spænska stjórnlagadómstólnum.

Fátt bendi til annars en að spænsk stjórnvöld muni sækja það hart að sem þyngstur dómur verði knúinn fram. Líklega hentar það spænskum stjórnvöldum að líklega þar með verði Carles Puigdemont til frambúðar í útlegð í Belgíu.

 

Niðurstaða

Það virðist ljóst að Mariano Rajoy ætlar að láta kné fylgja kviði gagnvart Carles Puigdemont, og leitast við að tryggja eins og hann mögulega framast getur - að leiðtogi katalónskra sjálfstæðissinna verði nauðbeygður til að dvelja líklega í Belgíu héðan í frá.

Hinn bóginn, er alls óvíst að sá líklegi draumur Rajoys verði að veruleika, að sjálfsstæðissinnaðir Katalónar verði ekki aftur ofan á í almennum héraðsþingskosningum. En miðað við nýlegar skoðanakannanir hafa sjálfstæðisinnar frekar en hitt aukið fylgi sitt - samanborið við það er áður var kosið er þeir náðu meirihluta á héraðsþinginu.

Eitt virðist ljóst að deilan um Katalóníu er langt langt í frá búin.
Hún muni líklega hanga eins og myllusteinn á Spáni áfram, og það hugsanlega um ófyrirséða framtíð, þ.e. svo lengi sem engar eiginlegar sættir nást.

 

Kv.


Fyrrum kosningastjóri Trumps formlega ákærður, og tveir aðrir menn

Um er að ræða fyrrum kosningastjóra Donalds Trumps, Paul Manafort - Rick Gates og George Papadopoulos -- allt menn sem hafa unnið á einhverjum tíma með Donald Trump.
--Gates og Manafort neita þeim sökum sem á þá eru bornar.
--Meðan að Papadopoulos hefur játað að hafa logið að FBI.

Gates og Manafort voru úrskurðaðir í stofufangelsi síðan af dómara, eftir að hafa formlega neitað sökum frammi fyrir dómara.

Two ex-Trump aides charged in Russia probe, third pleads guilty

Three former Trump aides charged in Russia probe

Former Trump adviser Papadopoulos pleads guilty to lying to FBI

http://s3.reutersmedia.net/resources/r/?m=02&d=20171030&t=2&i=1207639875&r=LYNXMPED9T1F7&w=940

"A combination photo of former Trump 2016 campaign chairman Paul Manafort (L) and Rick Gates, a former Trump campaign official are shown in Washington, U.S., October 30, 2017. REUTERS/James Lawler Duggan/Jim Urquhart"

 

Ákærur sérstaks saksóknara Roberts Mueller á Gates og Manafort, tengjast ekki Donald Trump með nokkrum hætti

Um er að ræða gamlar syndir, ákærur tengdar peningaþvætti - varðar allt að 20 ára fangelsi í Bandaríkjunum, í tengslum við starf sem Manafort og Gates unnu fyrir, Flokk Héraðanna í Úkraínu fyrir um áratug.
--Að auki séu þeir ákærðir fyrir að hafa verið, óskráðir - agentar fyrir ríkisstjórn Úkraínu þess tíma.
--Um virðist að ræða, lagatæknilegt atriði - að lobbýistar sem eru bandarískir ríkisborgarar verði að skrá sig hjá utanríkisráðuneyti Bandaríkjanna, ef þeir starfa sem slíkir fyrir erlenda ríkisstjórn.

Ég hef persónulega aldrei heyrt um þá reglu.

Sú kenning er uppi, að Mueller sé að beita þá Manafort og Gates þrýstingi, til að þeir verði samstarfsfúsari í tengslum við aðra rannsókn, sem Mueller er með í gangi -- rannsókn sem beinist að samskiptum samstarfsmanna Donalds Trumps rétt fyrir bandarísku forsetakosningarnar 2016 við ríkisstjórn Rússlands.
--M.ö.o. hann vilji fá þá til að vitna gegn hugsanlega Trump sjálfum.
--Ef þeir standa frammi fyrir hugsanlega 20 ára dóm fyrir peningaþvætti.

Ég sel þá sögu ekki dýrari en ég keypti hana frá erlendu pressunni.

 

Vandi George Papadopoulos

Tengist fundi sem milli rússnesks lögfræðings er hafði unnið fyrir stjórnvöld í Rússlandi, og sonar Donalds Trumps - Donald Trump yngra, ásamt eiginmanni dóttur Donalds Trumps. Papadopoulos viðurkennir að hafa logið að FBI um það hvenær hann vissi um þann fund. Brotið kvá varða 6 mánaða dóm og þúsunda dollara sekt. Sem Papadopoulos getur fengið að sleppa við, fyrir samvinnu við rannsókn Muellers og FBI!

 

Niðurstaða

Rétt að halda til haga, að glæpurinn sem verið er að rannsaka - liggur ekki að nokkru leiti sannaður. Þó að FBI - CIA telji sig hafa nægar vísbendingar um hugsanlega saknæm tengsl - framboðs Donalds Trumps við stjórnvöld Rússlands mánuðum fyrir forsetakosningarnar í Bandaríkjunum árið 2016 þegar Trump og samstarfsmenn, voru enn í stöðu almennra borgara; til að halda fram rannsóknum á þeim grunsemdum áfram.

Ég get að sjálfsögðu ekki sett mig í dómarasæti um það, hvort líklegt sé að FBI - CIA og Mueller, geti komið lögum undir samstarfsmenn Trumps og jafnvel Trump sjálfan.

Ef sú kenning er rétt, að sérstakur saksóknari Robert Mueller - ætli sér að beita Manafort og Gates þrýstingi, til þess að þeir hugsanlega -- leysi frá skjóðunni, og jafnvel vitni gegn sér mikilvægari einstaklingum.

Þá geti það hugsanlega bent til þess að það styttist í það að dragi til tíðinda um rannsókn Muellers - það á auðvitað eftir að koma í ljós. Það getur auðvitað á hinn bóginn verið, að þeir Gates og Manafort berjist um hæl og hnakka innan bandaríska dómskerfisins.
--Þannig að þeirra mál geti tekið töluverðan tíma, kannski meira en ár.
--Áður en kemur hugsanlega að þeim punkti, að Mueller geti beitt þá slíkum þrýstingi.

Maður á að sjálfsögðu ekki gera endilega ráð fyrir því að Mueller hafi erindi sem erfiði.
Það geti reynst erfitt að sanna það sem menn líklega dreymir um að sanna!
--Það geti því alveg farið svo að sá sem síðast hlær sé Trump sjálfur.

 

Kv.


Fjögurra flokka hægri stjórn, eða verður það - hægri/vinstri stjórn - eða vinstri? Fer yfir mögulega meirihlutastjórnarmyndun. Staða Framsóknar óvænt sterk!

Miðað við viðbrögð þeirra tveggja, langar Sigmund Davíð og Bjarna Ben aftur í stjórn - ekki endilega saman, spurning með hverjum -- ég sé ekki fyrir mér að Framsóknarflokkur fari með Miðflokki í nokkurri tæknilega mögulegri stjórnarmyndun, svo skömmu eftir klofning, og svo skömmu eftir að Sigmundur Davíð úthúðaði stjórnendum Framsóknar - eiginlega kallaði þá svikahrappa og næstum, glæpamenn.

  • Niðurstaða Framsóknar má kalla, varnarsigur - m.ö.o. mun betri en ég átti von á!
  • Sannarlega húmor í því að Framsókn endaði einum flr. þingmenn en Miðflokkur.

Ég geri m.ö.o. ráð fyrir því að Bjarni Ben fái stjórnarumboð frá forseta.
Að Bjarni Ben tali fyrst við Miðflokk annars vegar og Framsóknarflokk hins vegar.
--Líklega leitist hann við að spila þá flokka einhverju leiti hvorn gegn öðrum.

Og stefna á myndun hægri stjórnar, annað tveggja ásamt mögulegum samsetningum með Miðflokki, eða Framsóknarflokki.
--Sannast sagna virðast samsetningar með Framsókn bjóða upp á flr. möguleika.

Hvað sem verður myndað sé líklega klárt að frammi er tafsöm stjórnarmyndun.
--BB mun sjálfsagt verja mörgum vikum í sínar tilraunir!

Katrín líklega þarf þá að bíða nokkuð lengi eftir því að BB mistakist stjórnarmyndun, hugsanlega jafnvel fram undir áramót.

  • En vinstristjórnarmyndun undir forsæti Katrínar, væri örugglega ekki heldur fljótleyst úr hendi.

BB gæti þurft fram undir áramót, ef lítur úr að stjórnarmyndun takist hjá honum.

En traust milli flokka er takmarkað á Íslandi um þessar mundir.
Líklega vilja menn því ítarlega stjórnarsáttmála - sem tekur þá rökrétt langan tíma að semja um, flókið ferli þegar flokkar eru 4-5 í ríkisstjórn.

Að semja stjórnarsáttmála væri a.m.k. ekki síður flókið fyrir hugsanlega stjórnarmyndun Katrínar Jakobsdóttur.
--Hún getur þó sparað tíma með því að ræða við flokka samhliða því sem BB er með stjórnarmyndun í gangi, án formlegs umboðs frá Guðna Th.

Katrín Jakobs og Bjarni Ben

http://nutiminn.is/wp-content/uploads/2016/11/bjarni-katrin-250x140.jpg

Úrslit

  1. Sjálfstæðisflokkur......25,25%.....16 þingmenn
  2. Vinstri Grænir............16,99%.....11 þingmenn
  3. Samfylking................12,05.......7 þingmenn
  4. Miðflokkur................10,87%......7 þingmenn
  5. Framsóknarflokkur.....10,71%......8 þingmenn
  6. Píratar....................9,20%......6 þingmenn
  7. Flokkur Fólksins.......6,8%.......4 þingmenn
  8. Viðreisn...................6,69%......4 þingmenn
  9. Björt Framtíð..........1,22%......0 þingmenn
  10. Alþýðufylking............0,19%......0 þingmenn
  11. Dögun....................0,06%......0 þingmenn

Kosningaúrslitin virðast gefa mjög margar tæknilega mögulegar ríkisstjórnir.
Þó sannarlega séu sumar þeirra afskaplega ólíklegar!

  • Ég sé það ekki fyrir mér sem raunhæfan möguleika að Katrín Jaboks og Bjarni Ben -- myndi stjórn saman.
    --Geri því ekki alvarlega ráð fyrir þeim tæknilega möguleika í pælingum í tengslum við stjórnarmyndun.

 

Mögulegir meirihlutar, forysta Sjálfstæðisflokkur

35 þingmenn: Sjálfstæðisfl. + Framsókn + Miðflokkur + Flokkur Fólksins.
34 Þingmenn: Sjálfstæðisfl. + Framsókn + Píratar + Flokkur Fólksins.
35 þingmenn: Sjálfstæðisfl. + Framsókn + Samfylking + Flokkur Fólksins.
32 Þingmenn: Sjálfstæðisfl. + Framsókn + Viðreisn + Flokkur Fólksins
37 Þingmenn: Sjálfstæðisfl. + Framsókn + Samfylking + Píratar

33 Þingmenn: Sjálfstæðisfl. + Miðflokkur + Píratar + Flokkur Fólksins
34 Þingmenn: Sjálfstæðisfl. + Miðflokkur + Samfylking + Flokkur Fólksins
36 Þingmenn: Sjálfstæðisfl. + Miðflokkur + Samfylking + Píratar

33 Þingmenn: Sjálfstæðisfl. + Samfylking + Píratar + Flokkur Fólksins

35 Þingmenn: Sjálfstæðisfl. + Vinstri Gr. + Framsókn
34 Þingmenn: Sjálfstæðisfl. + Vinstri Gr. + Samfylking
34 Þingmenn: Sjálfstæðisfl. + Vinstri Gr. + Miðflokkur
33 Þingmenn: Sjálfstæðisfl. + Vinstri Gr. + Viðreisn

40 Þingmenn: Sjálfstæðisfl. + Vinstri Gr. + Samfylking + Píratar
38 Þingmenn: Sjálfstæðisfl. + Vinstri Gr. + Samfylking + Flokkur Fólksins

39 Þingmenn: Sjálfstæðisfl. + Vinstri Gr. + Framsókn + Flokkur Fólksins
39 Þingmenn: Sjálfstæðisfl. + Vinstri Gr. + Framsókn + Viðreisn
41 Þingmenn: Sjálfstæðisfl. + Vinstri Gr. + Framsókn + Píratar
42 Þingmenn: Sjálfstæðisfl. + Vinstri Gr. + Framsókn + Samfylking

38 Þingmenn: Sjálfstæðisfl. + Vinstri Gr. + Miðflokkur + Flokkur Fólksins
38 Þingmenn: Sjálfstæðisfl. + Vinstri Gr. + Miðflokkur + Viðreisn
40 Þingmenn: Sjálfstæðisfl. + Vinstri Gr. + Miðflokkur + Píratar
41 Þingmenn: Sjálfstæðisfl. + Vinstri Gr. + Miðflokkur + Samfylking

Ég sleppi tæknilega mögulegum fimm flokka stjórnum í tilviki Sjálfstæðisfl.

En miðað við úrslit - virðist líklegra til árangurs fyrir BB, að ræða við Sigurð Inga.
Framsókn örugglega þorir í stjórn með Sjálfst.fl. með 10% fylgi.
--Það mundi vera auðveldara að mynda stjórn með Framsókn - yfir til vinstri.

M.ö.o. ræða við Pírata eða Samylkingu, í og með viðræðum við Viðreisn og Flokk Fólksins
--Viðræður með Miðflokki mundu nánast útiloka Pírata og Samfylkingu.
Nema að forsvarsmenn Pírata og Samfylkingar - breyti um viðhorf gagnvart Sigmundi Davíð.

  1. Framsókn ætti ekki að flýta sér um of.
  2. Alveg þora jafnhliða að ræða óformlega við Katrínu Jakobsd.

En Framsókn þarf helst að geta spilað -- BB á móti Katrínu.
Til að ná sterkum samningum í stjórnarmyndunarferli!

BB mun líklega ekki eins auðveldlega geta spilað - Miðflokk gegn Framsókn.
--Vegna neikvæðra viðhorfa forsvarsmanna Samfylkingar og Pírata gagnvart SDG.

  • Niðurstaðan er því sú, að staðan virðist merkilega vænleg fyrir Framsóknarflokkinn.

 

Mögulegir meirihlutar, forysta VG

35 Þingmenn: Vinstri Gr. + Sjálfstæðisfl. + Framsókn
34 Þingmenn: Vinstri Gr. + Sjálfstæðisfl. + Samfylking
34 Þingmenn: Vinstri Gr. + Sjálfstæðisfl. + Miðflokkur
33 Þingmenn: Vinstri Gr. + Sjálfstæðisfl. + Viðreisn

40 Þingmenn: Vinstri Gr. + Sjálfstæðisfl. + Samfylking + Píratar
38 Þingmenn: Vinstri Gr. + Sjálfstæðisfl. + Samfylking + Flokkur Fólksins

39 Þingmenn: Vinstri Gr. + Sjálfstæðisfl. + Framsókn + Flokkur Fólksins
39 Þingmenn: Vinstri Gr. + Sjálfstæðisfl. + Framsókn + Viðreisn
41 Þingmenn: Vinstri Gr. + Sjálfstæðisfl. + Framsókn + Píratar
42 Þingmenn: Vinstri Gr. + Sjálfstæðisfl. + Framsókn + Samfylking

38 Þingmenn: Vinstri Gr. + Sjálfstæðisfl. + Miðflokkur + Flokkur Fólksins
38 Þingmenn: Vinstri Gr. + Sjálfstæðisfl. + Miðflokkur + Viðreisn
40 Þingmenn: Vinstri Gr. + Sjálfstæðisfl. + Miðflokkur + Píratar
41 Þingmenn: Vinstri Gr. + Sjálfstæðisfl. + Miðflokkur + Samfylking

34 Þingmenn: Vinstri Gr. + Framsókn + Miðflokkur + Flokkur Fólksins + Viðreisn
33 Þingmenn: Vinstri Gr. + Framsókn + Píratar + Flokkur Fólksins + Viðreisn
34 Þingmenn: Vinstri Gr. + Framsókn + Samfylking + Flokkur Fólksins + Viðreisn
36 Þingmenn: Vinstri Gr. + Framsókn + Samfylking + Píratar + Flokkur Fólksins
36 Þingmenn: Vinstri Gr. + Framsókn + Samfylking + Píratar + Viðreisn

32 Þingmenn: Vinstri Gr. + Miðflokkur + Píratar + Flokkur Fólksins + Viðreisn
33 Þingmenn: Vinstri Gr. + Miðflokkur + Samfylking + Flokkur Fólksins + Viðreisn
35 Þingmenn: Vinstri Gr. + Miðflokkur + Samfylking + Píratar + Flokkur Fólksins
35 Þingmenn: Vinstri Gr. + Miðflokkur + Samfylking + Píratar + Viðreisn

32 Þingmenn: Vinstri Gr. + Samfylking + Píratar + Flokkur Fólksins + Viðreisn

  1. Til að hámarka sín áhrif í stjórnarmynduninni, þarf Framsókn að ræða jafnhliða við Katrínu Jaboks -- þrátt fyrir að Bjarni Ben líklega fái keflið til stjórnarmyndunar frá Guðna Th.
  2. Sem betur fer út frá hagsmunum Framsóknarfl. eru til staðar neikvæð viðhorf til Sigmundar Davíðs af hálfu forsvarsmanna Pírata og Samfylkingar, sem og Vinstri Grænna -- sem geri þá flokka mun síður líklega að vilja ræða við Miðflokkinn.
  3. Það mun sennilega flækja mjög hugsanlegar tilraunir Bjarna Ben, til að spila Miðflokk gegn Framsókn -- og örugglega neitar Framsókna að starfa með Miðflokki - vegna sárinda tengd hörðum ásökunum SDG á stjórnendur Framsóknar sem hann endurtók mjög nýlega er hann klauf sig formlega frá Framsóknarfl. -- sárin eru þar með afar fersk.
  4. Meðan að Katrín - Logi Einars og Píratar viðhalda neikvæðum viðhorfum gagnvart SDG.
  • Þá virðist mér stöðuglega séð, Framsóknarflokkurinn standa merkilega sterkur eftir þessar kosningar, og hafa mjög vænlega stjórnarmyndunarkosti.

 

Og eftirfarandi tæknilega möguleg stjórn:

  • 32 Þingmenn: Framsókn + Miðflokkur + Samfylking + Píratar + Flokkur Fólksins

 

Niðurstaða

Ég efa að nokkru sinni í lýðveldissögunni hafi stjórnarmyndun verið eins flókin eins og í kjölfar kosninganna 28/10/2017. En tæknilega mögulegar ríkisstjórnir skipta tugum.

Hið augljósa í stöðunni virðist vera, að Bjarni Ben annars vegar og Katrína Jakobs hins vegar muni í sitt hvoru lagi streitast við að mynda stjórn.

M.ö.o. geri ég ráð fyrir því, að afhending umboðs af hálfu Guðna Th. líklega til BB verði einungis forms atriði. M.ö.o. að það muni í engu hindra Katrínu Jakobs í því, að hefja sínar eigin stjórnarmyndunartilraunir - samhliða stjórnarmyndunartilraunum BB.

Ef það fer þannig, vegna viðhorfa vinstri flokkanna til Sigmundar Davíðs.
Geti staða Framsóknar óvænt orðið afar vænleg, þegar nánast komi ekki annað til greina af hálfu BB eða Katrínar Jakobs, en að ræða við Sigurð Inga.

Líklega ræða samt forsvarsmenn Pírata og Samfylkingar við BB, samhliða viðræðum hans við Sigurð Inga -- þeir eigi að síður en Framsókn hafa BB sem valkost við Katrínu Jakobs.
--En neikvæðra viðhorfa hjá þeim gætir einnig gagnvart BB, kemur í ljós hversu sterk þau reynast vera.

Það getur því farið svo, að þeir treysti sér ekki í alvarlegar viðræður nema við Katrínu Jakobs -- þá væri erfitt fyrir Katrínu að líta framhjá Framsókn - meðan Vinstri Grænir haldast svo neikvæðir gagnvart SDG sem þeir hafa verið fram að þessu.

Á sama tíma, hefur BB þann tæknilega möguleika að mynda stjórn án vinstriflokkanna, en sá möguleiki sé líklega einungis til staðar með Framsókn, meðan viðhorf vinstri flokkanna gagnvart SDG haldast svo neikvæð sem þau hafa verið um nokkra hríð.

  • Skv. þessari greiningu getur staðan spilast þannig að Sigurður Ingi óvænt algerlega á skjön við skoðanakannanir fyrir kosningar -- standi uppi með pálmann í höndunum.
    --Eina ferðina enn, miðað við lýðræðissögu Íslands, standi Framsókn með mjög sterka samningsstöðu gagnvart öðrum flokkum.

--Sú staða að sjálfsögðu byggist á útlokun vinstri flokkanna á BB og SDG.
--Ef þeir útiloka báða, hefur BB einungis einn möguleika til stjórnarmyndunar upp á 32 þingmenn með Framsókn - afar veik stjórn, sem ég mundi ekki mæla með við Framsókn að taka.
--Og vinstri flokkarnir yrðu einnig að ræða við Sigurð Inga.

 

Kv.


Ríkisstjórn Spánar setur Katalóníu undir beina stjórn, formlega rekur héraðsstjórnina - héraðsþingið og lögreglustjóra héraðsins, fyrirskipar nýjar héraðsþingskosningar

Sjálfsagt vita flestir, að héraðsþing Katalóníu á föstudag samþykkti yfirlýsingu um sjálfstæði. Það var auðvitað þegar ljóst, að ríkisstjórn Spánar var með í undirbúningi að setja Katalóníu undir beina stjórn. Einungis spurning um það, hvoru megin þessarar helgar sú aðgerð mundi fara fram!
--Sennilega hefur því héraðsþingið og héraðsstjórnin ákveðið, að það væri engu að tapa.
--Yfirlýsingin um sjálfstæði, er auðvitað -- bein storkun við stjórnina í Madríd.

Spain's Rajoy sacks Catalan government, calls snap election

Spain sacks Catalan government after independence declaration

Sjálfstæðissinnar í Barcelona fagna sjálfstæðisyfirlýsingunni!

https://socialistworker.co.uk/images1412/Image/2017/2578/catalonia-declaration-independence-crowds-celebrate.jpg

Teningnum kastað!

Mariano Rajoy brást við eins og vænta mátti - héraðsþingkosningar skulu fara fram þann 21/12 nk.

Það kemur í ljós eftir helgi, hvort ríkisstjórn Spánar - lætur handtaka framámenn héraðsstjórnarinnar, jafnvel einhverra þeirra héraðsþingsmanna sem studdu sjálfstæðisyfirlýsinguna.

En mér mundi ekki koma á óvart, ef helstu foringjar sjálfstæðissina verði látnir sæta ábyrgð - fyrir það sem skv. spænskum lögum og stjórnarskrá, eru skýr lögbrot.

Þannig virðist Rajoy nálgast málið, að þetta snúist um að halda uppi lögum og reglu.
Héraðsstjórnin, sé skv. Rajoy að slíta sundur lögin og reglu landsins, auk þess skv. því sem Rajoy segir - sýni vanvirði hún lýðræðið.

  • Kannski meinar Rajoy það þannig, að einungis almenn kosning allra Spánverja - geti heimilað sjálfstæði Katalóníu.
    --Sjálfstæðissinnar virði ekki vilja hinna héraðanna.

En það virðist ekki verulegur stuðningur við sjálfstæðissinnaða Katalóna - utan Katalóníu.

  1. Hvað sjálstæðissinnaðir Katalónar gera, á eftir að koma í ljós.
  2. En fátt virðist á þeirra færi umfram, skipulagða borgaralega óhlýðni.

Hafandi í huga, að sjálfstæðissinnar hafa getað safnað allt að milljón manns í einu til að mótmæla, þegar mest hefur legið við.

Hljómar sennilegt að þeir séu færir um að skipuleggja, fremur víðtæka óhlýðni.
Það kemur þá væntanlega fram eftir helgi, hvort að ber verulega á einhverju slíku.

Það má alveg hugsa sér, svo víðtæka slíka - að efnhagur héraðsins nemi nokkurn veginn staðar.

  1. Mariano Rajoy getur engan vegið vitað fyrifram, hvort næsta héraðsþing verður með annan meirihluta en sjálfstæðissinnaðan.
  2. Rajoy sé með ákvörðun um að slíta héraðsþinginu, þá einfaldlega að -- kasta upp teningnum.

Ef hann fær aftur sjálfstæðissinnaðan meirihluta, þá mundi það flækja stöðuna enn frekar - a.m.k. fyrir ríkisstjórn Spánar.
Það verður þó að bíða með þær pælingar þar til sú útkoma liggur fyrir.

 

Niðurstaða

Ég verð ekki enn var við nokkurn umtalsverðan vilja í Madríd, að semja við sjálfstæðissinnaða Katalóna. Það virðist frekar á hinn veginn, að afstaðan í Madríd hafi stífnað - orðið enn þverari ef eitthvað er.

Það getur þítt, að málið fari í raunveruleg átök - sem væntanlega hefjast þá á umfangsmikilli borgaralegri óhlýðni. En spænsk ríkislögregla er þá líkleg til að beita sér gegn þeim mótmælum, sérstaklega ef þau blokkera aðgengi að mikilvægum stöðum - og trufla verulega efnahag héraðsins.

Hvernig Spánarstjórn vinnur með slíka togstreitu, mun væntanlega ráða miklu um það - hversu langt þau átök geta farið. En ég sé alveg þann tæknilega möguleika, að róttækir sjálfsstæðissinnar grípi til vopna.

Þetta getur vel orðið að skærustríði eins og Spánn glýmdi við lengi í Baskahéröðum. Það gæti alveg gerst, að fólk neyddist til að flýgja sum svæði. Ef átök yrðu veruleg, og þeim fylgdi tjón á innviðum.

--Ennþá sé þó tæknilega mögulegt að semja um einhvers konar millilendingu. Áður en málin færast hugsanlega á verulega alvarlegra stig.
--Hugmynd Spánarstjórnar eða draumur virðst á þann veg nú, að almenn kosning skili héraðsþings meirihluta er væri ekki sjálfstæðissinnaður.

Kannski mundi vilji til samninga vakna í Madríd, ef fer á hinn veginn. En með því að slíta héraðsþinginu er sennilega algerlega ljóst, að Madríd ætlar ekki a.m.k. að sinni að semja um nokkurn hlut við sjálfstæðisinnaða Katalóna. Hugsanlega breytist sú afstaða, ef kosningarnar skila aftur sjálfstæðisinnuðum héraðsþings meirihluta.

Það kemur þá í ljós 21/12 nk.

 

Kv.


Leiðtogi Kína áætlar Kína heimsveldi ca. frá og með 2050

Xi Jinping var um daginn staðfestur af þingi valdaflokks Kína sem leiðtogi landsins til frambúðar - ef mið er tekið af ræðu leiðtogans, ætlar hann sér að leiða Kína út 4 áratug þessarar aldar, m.ö.o. hann ætlar sér að leiða Kína langleiðina að mörkuðu endamarki.
--Almennt er talið nú að Xi Jinping sé valdamesti stjórnandi Kína a.m.k. síðan Deng, sumir vilja jafnvel jafna honum við Mao Formann.

https://upload.wikimedia.org/wikipedia/commons/e/ed/Xi_Jinping_2016.jpg

Það veit í sjálfu sér enginn nákvæmlega hvað það þíðir, ef Kína nær takmarki sínu undir Xi að verða jafnoki Bandaríkjanna!

Saga Kína veitir eiginlega ekki nokkra fyrirmynd þ.s. Kína var aldrei - heimsveldi með hnattræn áhrif á öldum áður.
--Kína var klassískt landríki þ.e. landamæri þess þöndust út, þegar ríkið var öflugt.
--En síðan minnkaði umráðasvæði Kínakeisara, þegar ríkinu hnignaði.

En Kína átti aldrei nýlendur handan hafsins - eins og Evrópuveldin.

Kortið að neðan gefur nokkra hugmynd um skiptingu viðskipta Kína

https://assets.weforum.org/editor/fkpGAXKLf6Hskbik4yAgULhlknImKTWt1J5YFiRwf74.png

Það er forvitnilegt til samanburðar að sjá í hvaða löndum Kína hefur verið ráðandi fjárfestir!

https://static01.nyt.com/images/2015/07/06/world/asia/the-world-according-to-china-investment-maps-1436222568352/the-world-according-to-china-investment-maps-1436222568352-facebookJumbo.png

Eins og sjá má - hefur Kína fjárfest verulega í auðlinda-auðugum ríkjum Mið-Asíu, og í Írak - en vitað er að Kína er þar ráðandi fjárfestir í olíulindum.

En einnig umtalsvert í Afríkuríkjum -- sumir hafa jafnvel líkt því við, nýlendustefnu Evrópumanna; þó það sé kannski of langt seilst í samanburði.

En vart þarf þó að efa, að kínverskar fjárfestingar kaupa Kína þar samtímis áhrif og velvild.
--Ekki má gleyma því að Afríka hefur milljarð íbúa, er því framtíðar markaður líka.

Þó að Xi tali um - silkileið, virðast viðskipti samt enn óveruleg þá leið!

http://i.dawn.com/primary/2015/04/5534d1452b493.jpg?r=2074262836

En Kína er sennilega nú þegar orðið drottnandi ríki - Mið-Asíu, í stað Rússlands á árum áður; í krafti gríðarlegs fjármagns fyrst og fremst.
En þegar hefur Kína lagt leiðslur til Mið-Asíulanda, til að dæla því til Kína.

  • Ég velti því fyrir mér, hve mikil áhrif innan Rússlands - Kína mun smám saman öðlast, í krafti sinna auðæfa og fjárhagslegs afls.

En meðan Kína heldur áfram að vaxa efnahagslega á margfalt meiri hraða en Rússland - þá hljóti það að vera algerlega augljóst, að ekki sé um samskipti jafningja að ræða.
Kína verði hið drottnandi veldi - miklu öflugra en Rússland.
--Spurning hvort að Rússland, getur lifað það niður að verða hugsanlega "client" ríki Kína?

Þó það ástand sé ekki í dag - sé Xi ekki að hugsa um að jafna áhrif Rússland.
Kína sé löngu nú búið að því - og gott betur!

  1. Ég held að eitt af því sem vert verði að fylgjast með í framtíðinni, verði samskipti Rússlands og Kína.
  2. En, ég sé ekki fyrir mér bandalag, til þess sé staða landanna líklega of ójöfn - Rússar sennilega séu of stoltir til að vilja vera, leiddir af Kínverjum.

En meðan viðskipti Rússlands - fjárfestingar Kína, vaxa í rússnesku samhengi.
Þá vaxa óhjákvæmilega áhrif Kína, og þar með kínverska valdaflokksins, innan Rússlands sjálfs.
--Spurning hvort að valdakerfið innan Rússlands, geti umborið þá þróun áfram?

En það gæti alveg orðið spurning í fjarlægum héröðum nær Peking en Moskvu, hvort Moskva eða Peking réði meiru í slíkum rússneskum héröðum.
--Ég held að Mið-Asía verði "client" ríki Kína án vafa.

En útkoman fyrir Rússland sjálft sé ekki enn ráðin.
En Kína horfi á Bandaríkin, hvernig Kína geti orðið jafnoki þeirra.

 

Niðurstaða

Mörgu leiti er ris Kína spennandi þróun. En það yrði einstækt í heimssögunni ef slíkt ris mundi fara fram algerlega friðsamlega. Hinn bóginn á öld kjarnorkuvopna, hafa stóru löndin það vart sem valkost - að stríða með beinum hætti.

Eitt virðist ljóst, að Kína hefur engan áhuga á lýðræði - Xi stefnir á einsflokks ríki áfram til nk. áratuga. Og Xi hefur í seinni tíð verið að ljá hugmyndum eyra - að efla svokölluðu kínversku módeli fylgis erlendis; m.ö.o. selja einsflokks kerfið kínverska sem fyrirmynd fyrir heiminn.

Skv. því mun Kína hvetja fremur en hitt - til flokkseinræðis. Sem geti bent til þess, að í þeim löndum þar sem Kína verði dóminerandi - verði slíkt stjórnarfyrirkomulag líklega tekið upp, ef það væri ekki til staðar þegar.

Hinn bóginn, eru til lengri tíma blikur á lofti með hagvöxt í Kína - þ.s. að stefnan um eitt barn per fjölskyldu er að valda því að það fækkar í aldurshópum sem eru að koma inn á vinnumarkaðinn.

Það gæti hægt verulega á vexti Kína frá og með upp úr 2030. Ef tölur um mannfjöldaþróun eru réttar í þá átt, að skortur á vinnuafli sé sennilegur á 4. áratug þessarar aldar.
--Kína getur auðvitað tekið upp framleiðslu með róbótum - en það vart gefur Kína forskot í hagvexti, þegar Vesturlönd líklega verða farin að beita sömu framleiðslutækni.

Ef og þegar það gerist að hagvöxtur Kína skreppur saman niður undir svipaðan hagvaxtarhraða og á Vesturlöndum -- mundi tel ég áhuginn á kínverska módelinu, einnig dala.

  • Persónulega tel ég mjög líklegt að hraðari hagvöxtur Kína - munu líða hjá.

 

Kv.


Trump gagnrýndur fyrir stefnuleysi í Miðausturlöndum

David Gardner hjá Financial Times - benti á að Íran hefur sannarlega skýra stefnu í Sýrlandi og Írak, og sé hvorttveggja í senn með lagni og hörku - að keyra hana fram.
--Líklega sé sýn Írans einfaldlega að - Lýbanon, Sýrland og Írak - myndi samfellt íranskt áhrifasvæði.

Trump’s flawed Middle East policy exposes US weakness

http://www.catholiclane.com/wp-content/uploads/664px-Middle_east_graphic_20031.jpg

Íhugum snilldina í Miðausturlanda stefnu Bandaríkjanna síðan 2003!

  1. George Bush yngri - fyrirskipaði innrás í Írak 2003, og eyðilagði þá stjórnarfar sem hafði verið til staðar í Írak í áratugi; sem byggði á drottnun minnihluta Súnní Araba í Írak -- með öflugan her sér til halds og trausts.
    --Samfellt síðan 1979 hafði Saddam Hussain, verið helsti andstæðingur Írans í Miðausturlöndum - og var her hans alvarleg ógn við Íran.
    --Eins og kom í ljós í stríði Írans og Íraks, 1980-1988.
  2. Bush, vegna þess að hann trúði á lýðræði -- ákvað að almenn kosning í Írak mundi ráða hverjir mundu stjórna landinu. Sem sjálfu sér var göfugt!
    --En hafði þá rökréttu afleiðingu, að stjórnun landsins færðist yfir til fjölmennasta íbúahluta landsins -- Shítanna í S-Írak.
    --Vegna þess að Shítarnir hötuðu Arabana eftir að Arabarnir höfðu troðið á Shítunum í áratugi -- fóru Shítarnir þegar í stað, að hefna sín, með því að troða á Aröbunum.
  3. Rökrétt afleiðing þess, að Írak varð stjórnað af meirihluta Shíta - varð að sjálfsögðu, að Írak hætti að vera óvinaríki Írans -- þess í stað hefur í vaxandi mæli verið að þróast yfir í að vera, bandalagsríki Írans - og áhrifasvæði.

Afleiðing aðgerða Bush - var m.ö.o. að stórfellt bæta valdastöðu Írans.

Borgarastríðið í Sýrlandi, hefur síðan lagt í rúst Sýrland!

Eftir að Íran og Rússland í sameiningu krömdu hina upphaflegu uppreisn í orrustunni um Aleppo sl. ári - þá er orðið ljóst að meðan Íran vill með hann hafa, að Assad heldur velli.
En eftir eyðileggingu stríðsins og gríðarlegt mannfall, er stjórn Assads ekki svipur hjá sjón miðað við það sem var - fyrir 2011.

  1. Það þíðir, að Sýrland er ekki lengur sjálfstæður valda-aðili í Miðausturlöndum, en áratugum saman hefur Sýrland Assadanna verið eitt af Arabaríkjunum er skiptu máli.
  2. En í dag, sé það án mikils vafa - lítið annað en íransk "protectorate."

Líklega ráði Íran í dag meir innan Sýrlands, en stjórnin í Damaskus.
Sama ástand getur verið til staðar í Írak, að Íran ráði meiru þar en stjórnin í Bagdad.

En fjölmennar liðssveitir Shíta eru til staðar í Írak - sem vinna beint með Íran.
Liðssveitir sem tengjast ekki íraska hernum.


M.ö.o. eini bandamaður Bandaríkjanna á svæðinu frá strönd Lýbanons að landamærum Íraks við Íran - eru Kúrdar!

Punkturinn er sá, að ef Donald Trump, og ríkisstjórn Bandaríkjanna - velja ekki á næstunni að verja Kúrda, þannig að yfir þá sé ekki valtað af - Íran, Bagdad stjórninni í Írak, og Tyrklandi -- þá eiga þeir ekki lengur traustan bandamanna á því svæði.

  • Rétt að muna að samskiptin við Erdogan hafa versnað mjög mikið, það stendur yfir mjög alvarleg deila milli Tyrklands og Bandaríkjanna - versta samskiptakrísa Tyrklands og Bandaríkjanna frá upphafi NATO aðildar Tyrklands.
  • Það sé að verða ljóst, að Erdogan hagar sér mjög óútreiknanlega -- stjórn hans virðist í dag stunda, að handtaka Vestrænt fólk fyrir tilbúnar sakir, sbr: Turkish court releases eight rights activists on bail.
    --Tyrkneskis saksóknarar virðast nú stunda að sjóða saman hinar furðulegustu ásakanir margítrekað, klárlega oft á tíðum í mjög litlum veruleikatengslum.
    --Og töluvert er nú orðið um að Vestrænir einstaklingar lendi í þessu.

Deila Bandaríkjanna við Erdogan snýst um 2-sendiráðsstarfsmenn Bandar. sem voru handteknir af Tyrklandsstjórn -- og standa nú frammi fyrir því, sem virðist dæmigerð ásökun, sbr. um hryðjuverkatengsl eða meint tengls við klerkin Gulem.
--Í fæstum tilvikum í dag virðist nokkur líklegur sannleikur að baki.
--Eins og Erdogan sé að nota Vestræna einstaklinga, sem skiptimynt í vaxandi deilum við Vestræn ríki.

Bandaríkin ákváðu að umbera þá hegðan ekki frekar!

  1. En punkturinn er sá, að án Tyrklands hafa Bandaríkin einungis -- Ísrael sem Bandamann Miðjarðarhafsmegin í Miðausturlöndum.
  2. Ef þeir standa ekki með Kúrdum -- á næstunni, tryggja þeirra stöðu.

Þá verður útkoman einfaldlega sú -- að allt svæðið frá landamærum Íran við Írak að stönd Lýbanons og Sýrlands við Miðjarðarhaf, verður íransk áhrifa- og yfirráðasvæði.

Útkoma sem mundi ekki beint koma vel út, hafandi það í huga -- að meint stefna Donalds Trumps, er að veikja stöðu Írans!

Þess í stað, mundi slík útkoma -- styrkja stöðu Írans töluvert til viðbótar.

 

Niðurstaða

Það væri kaldhæðið ef Donald Trump gefur eftir til Írans - allt svæðið frá strönd Sýrlands við Miðjarðarhafs til landamæra Íraks við Íran. En, ef ríkisstjórn Trumps ákveður ekki að tryggja að sjálfstjórnarsvæði Kúrda í Sýrlandi og Írak - haldi velli. En Kúrdar eru greinilega viljugir bandamenn Bandaríkjanna. Þá verður enginn bandamaður Bandaríkjanna lengur til staðar á öllu því svæði, sem þess í stað yrði samfellt íranskt áhrifa- og yfirráðasvæði.

--Það væri þá orðið að litlu írönsku heimsveldi!

Slík útkoma væri kaldhæðin því opinber stefna Trumps er að veikja Íran.
Trump virðist á hinn bóginn eiga erfitt með að viðhalda nokkurri "consistent" stefnu.

  • En ef hann virkilega vill eiga þarna eitthvert mótvægi við Íran, þarf hann að halda Kúrdum á floti. Þegar ljóst virðist orðið, að ekki er unnt að treysta lengur á Erdogan.

 

Kv.


Reuters segir frá sölu mannslíkama látins fólks, eða sölu líkamsparta úr látnu fólki - spurning hvernig þessu er háttað á Íslandi?

Fréttamenn Reuters unnu rannsókn á viðskiptum sem tiltölulega fáir vita um. En það eru einkafyrirtæki sem stunda viðskipti með líkama látins fólks, auk þess að eiga í viðskiptum með parta úr látnu fólki.
--Margt virðist að þeim viðskiptum ef marka má rannsókn Reuters.
--Viðskiptasiðferðið oft á afar lágu plani.

In the U.S. market for human bodies, almost anyone can dissect and sell the dead

How the body of an Arizona great-grandmother ended up as part of a U.S. Army blast test

 

Meginvandinn virðist sá að það gilda engin lög um þessa starfsemi innan Bandaríkanna, þannig að menn geta gert það sem þeim sýnist

--Ég þekki ekki hvernig þessum málum er háttað á Íslandi.
--Þ.e. hvort til staðar eru einkafyrirtæki er sérhæfa sig í slíku.

Rétt að taka fram að ekki er verið að tala um -- lifandi vefi.
Heldur látna vefi -- þannig að þá fellur dæmið ekki undir bann við sölu á lifandi vefjum eða lifandi líkamspörtum.

  1. Bandarísku fyrirtækin virðast mörg hver bjóða þjónustu sína í gegnum útfarastofur.
  2. Þá gjarnan bjóða að borga fyrir bálför og útfararkostnað - gegnt því að ástvinir hins látna fái ösku a.m.k. hluta líksins. Meðan að fyrirtækið nýtir bróðurpart þess í sínum viðskiptum.
  3. Í mörgum tilvikum virðist meðferð líkanna síðan - ábótavant. Sem og meðferð líkamspartanna sjálfra - ekki sjaldgæft að líkamspörtum sé eytt með hætti, sem væntanlega flestum þætti óásættanlegt.
  4. Ástvinir gjarnan fá að því er virðist - misvísandi upplýsingar um það, hvað mun gert við bróðurpartinn af líkinu.

Gjarnan segjast fyrirtækin að líkamspartar verði notaðir í vísindaskyni.
En það sé afar upp og ofan hvort svo raunverulega sé, og fyrirtækin veiti enga tryggingu þar um.

 

Rétt að taka fram, að líkamspartar eru mjög nauðsynlegir í læknanámi - gjarnan einnig fyrir læknarannsóknir

Meðferðir við hættulegum sjúkdómum hafa uppgötvast - síðan séu líkamspartar nauðsynlegir til þjálfunar skurðlækna - og gjarnan einnig til þróun tækja sem notuð séu í lækningaskyni.

  • Reuters segir frá áhugaverðri rannsókn bandaríska hersins.
    --Sem sennilegt virðist að hafi bjargað mannslífum.

En rannsakað var hvernig sprengjugildrur fara með lík. Þær upplýsingar notaðar við þróun, betri varnarbúnaðar gegn sprengjugildrum - fyrir farartæki á vegum hersins.
Auki við þróun sérstakrar dúkku, til sem síðan stóð til að nota þaðan í frá við slíkar rannsóknir.
--En Reuters sagði einnig frá tilviki, þ.s. einstaklingur hafði óskað eftir því sérstaklega, að lík ástvins væri ekki notað við rannsóknir á vegum hersins.

En fyrirtækið sem seldi hernum líkin til notkunar, stóð sig ekki.
Líklega um það fyritækinu að kenna - ekki "per se" hernum.

Líklega gætu helstu háskólar heims sem kenna læknum ekki fúnkerað, án aðgengi að líkamspörtum látinna.

 

Það sem ég er forvitinn um ef einhver veit hvernig aðgengi að líkum til rannsókna er háttað á Íslandi - getur verið að verslað sé við útlönd!

Að keypt sé að utan, hljómar sem tiltölulega þægileg lausn - ef út í þ.e. farið. Þar sem slík viðskipti ef færu fram á Íslandi - gæti mjög hratt orðið afar viðkvæm.

--En getur það hugsast að einhvers konar sambærileg viðskipti fari fram á Íslandi þeim er tíðkast í Bandaríkjunum?

 

Niðurstaða

Ég skal viðurkenna að ég hef aldrei hugsað um þetta mál. Hvernig spítalar - læknar og aðrir sem hafa með að gera að rannsaka líkamsparta látinna eða þurfa að nýta líkamsparta látinna t.d. í kennsluskyni eða til rannsókna þ.s. líkamspartar látinna koma við sögu -- fara að því akkúrat að útvega sé þá parta, eða þau lík.

Mér þætti forvitnilegt að vita hvort einhver þekkir hvernig þeim málum er háttað á Íslandi.

En eins og bandaríska dæmið sýnir - þá býður það mörgum hættum heim, ef engin lög gilda um slíka starfsemi -- þar með ekkert eftirlit af hálfu opinberra aðila.

Ég þekki ekki heldur hvaða lög gilda á Íslandi um meðferð líka látinna, eða meðferð líkamsparta látinna - sem notaðir séu í vísindalegum tilgangi af einhverju tagi.
--Ef einhver þekkir þau mál má sá eða sú gjarnan setja inn athugasemd!

 

Kv.


Ákvörðun forsætisráðherra Spánar að reka héraðsstjórn Katalóníu ætti engum að koma á óvart

Þessi útkoma hefur blasað við nú í nokkrar vikur - Mariano Rajoy forsætisráðherra Spánar, hafði auk þessa - gefið út úrslitakosti til héraðsstjórnar Katalóníu, er runnu út í sl. viku. Án þess að héraðsstjórnin færi að kröfum stjórnvalda í Madríd.
--Það var því fullkomlega óhjákvæmilegt væntanlega að Madríd mundi formlega leysa upp héraðsstjórnina - ákvörðun sem tekin var á laugardag.
--Spanska þingið á eftir að formlega samþykkja ákvörðun ríkisstjórnar Spánar, svo hún taki formlega gildi - það gefur héraðsstjórn Katalóníu nokkra daga hugsanlega fram á föstudag.

Catalonia's leaders fight off direct rule from Madrid

Spain hopes Catalans disregard instruction from regional leaders

Spain urges Catalonia secessionists to obey Madrid

Carles Puigdemont leiðtogi héraðsstjórnarinnar á mótmælafundi um helgina

http://www.telegraph.co.uk/content/dam/news/2017/06/11/TELEMMGLPICT000131601498_trans_NvBQzQNjv4BqpVlberWd9EgFPZtcLiMQfyf2A9a6I9YchsjMeADBa08.jpeg?imwidth=450

Fyrir nk. föstudag mun spænska þingið væntanlega samþykkja ákvörðun ríkisstjórnar Spánar

Meðan má vænta þess að sjálfstæðissinnar í Katalóníu haldi tíða mótmælafundi á götum og torgum - þeir þétti sínar raðir.

Það sem spænsk stjórnvöld virðast óttast, er að sjálfstæðissinnar skipuleggi borgaralega óhlýðni - þegar kemur loks að því að hrinda ákvörðun spænskra stjórnvalda í framkvæmd.

  1. Það gætu verið fjölmennar setur óvopnaðra borgara fyrir framan opinberar byggingar í Barselóna - þannig að spænsk ríkislögregla yrði fyrst að verja verulegum tíma í það, að ryðja veginn að þeim byggingum -- þegar formleg yfirtaka skal fara fram.
  2. Byggingarnar sjálfar, gætu hafa verið byrgðar með margvíslegum hætti - til að tefja aðgerðina enn frekar.
  3. Og það er auðvitað möguleiki á óeirðum er gætu orðið fjölmennar - í ljósi þess að sjálfstæðissinnar hafa náð stöku sinnum að safna allt að milljón manns á götufundi.
  4. Til viðbótar gæti skapast óhlýðni víðar um héraðið, ef starfandi opinberir aðilar, t.d. héraðslögreglan - færi ekki eftir skipunum frá Madríd, t.d. ef leiðtogar héraðsstjórnarinnar færu huldu höfði um héraðið, og væru að gefa út skipanir er færu beint á móti a.m.k. að einhverju leiti.

Hvernig spænsk stjórnvöld mundu leysa úr slíkum þáttum, gæti hafa mikil áhrif á framvinduna síðar - en líkur væru á að sjálfstæðissinnar mundu græða á því, því meiri harka er auðsýnd af spænskum stjórnvöldum.

En áætlun spænskra stjórnvalda virðist gera ráð fyrir því, að leysa upp héraðsstjórnina - formlega setja a.m.k. tímabundið Katalóníu undir beina stjórn frá Madríd, og leysa upp héraðsþingið að auki -- boða til nýrra almennra kosninga.

En í því samhengi getur skipt verulegu máli, hvernig akkúrat framkvæmd spænskra stjórnvalda verður, þegar málin komast á framkvæmdastig - sérstaklega hvernig þau leysa úr mjög líklegum fjölmennum mótmælaaðgerðum og afar sennilegum skipulögðum aðgerðum til að tefja og spilla framkvæmd yfirtökunnar.

--En sjálfstæðissinnar gætu grætt samúðaratkvæði, ef upplifun héraðsbúa verður á þá leið, að stjórnvöld Spánar hafi auðsýnt harðræði umfram það sem sanngjarnt má teljast.
--Áhætta forsætisráðherra Spánar og ríkisstjórnar hans, er auðvitað að sú áhætta að láta kjósa nýtt héraðsþing - gæti snúist gegn þeim.

  • En málin gætu orðið afar flókin fyrir Madríd, ef sjálfstæðissinnar halda sínum þingmeirihluta - tölum nú ekki um, ef sá stækkar.

Tæknilega væri sjálfsagt mögulegt, að halda beinni stjórnun frá Madríd. En það væri augljós valdaðgerð, sem sennilega frekar styrki málstað sjálfstæðissinna meðal héraðsbúa.
Hitt væri að semja við sjálfstæðissinna, um mun bitastæðari tilslakanir en stjórnvöld Spánar hafa verið tilbúin til - fram að þessu.
Augljóslega vonast ríkisstjórn Spánar eftir því að næsti héraðsþingmeirihluti verði a.m.k. síður sjálfstæðissinnaður.

 

Niðurstaða

Spurningarnar sem ég set fram - vísa til svokallaðs "end game" eða m.ö.o. hver séu lokamarkmið spænskra stjórnvalda. En rökrétt vilja þau a.m.k. gera nóg til þess að hreyfing sjálfstæðissinna verði ekki lengur ógn við Madríd. Samtímis vilja stjórnvöld í Madríd lágmarka þær tilslakanir sem væntanlega þarf að veita héraðinu. Þess vegna vilja þau - nýjan og meðfærilegri meirihluta á héraðsþinginu. Hinn bóginn, ef slíkur nýr meirihluti skrifar upp á of litlar tilslakanir - mundi sá fá á sig ásakanir væntanlega fyrir svik frá sjálfstæðissinnuðum héraðsbúum. Mariano Rajoy hefði enga tryggingu þess, að sjálfstæðismálið mundi ekki gjósa upp - síðar. Ef tilslakanir til héraðsins, teljast óverulega -- þó svo honum yrði af ósk sinni í næstu héraðsþingkosningum að fá auðsveipari meirihluta.

Með öðrum orðum, ef við gerum ráð fyrir samningum í kjölfar héraðsþingskosninga. Þá yrðu þær líklega erfiðar -- tölum ekki um, ef næsti héraðsþingsmeirihluti verður áfram sjálfstæðissinnaður.

--Spánn vill alls ekki missa Katalóníu, vegna þess að héraðið eitt og sér hefur efnahag stærri en efnahagur Portúgals - héraðið vegur því mjög þungt í skatttekjum miðstjórnar Spánar.
--Að missa þær tekjur mundi auk þess án vafa, gera lánskjör spænskra stjórnvalda mun erfiðari.

Það eru því miklir hagsmunir í húfi - auk þess að önnur héröð hafa fengið að njóta þeirra skatttekna að hluta, í gegnum millifærslur frá Madríd - þannig að sjálfstæðiskrafa Katalóníu, mætir einnig andstöðu annarra héraða.

Þetta þíðir að auki, að það væri erfitt fyrir Madríd að veita miklar tilslakanir til Katalóníu, þegar kemur að kröfum þess efnis að halda skatttekjum heima fyrir.
--Sem þíðir að verulegar líkur séu því miður á því að málin geti farið í hart.

 

Kv.


Hvernig getur Ísland komist hjá brotum á Kyoto skuldbindingum?

Ég nenni ekki að endurtaka gamlar umræður á þeim grunni, að hnattræn hlýnun af manna völdum sé ekki það vel studd af vísindalegum gögnum - að líta beri á hana sem fullkomlega staðfesta.
--Vísa í gamlar færslur, fyrir þá sem vilja endurvekja slíka umræðu:

Ríki heims munu líklega leitast við að einangra Bandaríkin - þegar ljóst er að Trump ætlar að hafna Parísarsamkomulaginu um aðgerðir gegn hitun lofthjúps Jarðar!

Trump skipar einstakling sem afneitar gróðurhúsaáhrifum af mannavöldum yfirmann Náttúruverndarstofnunar Bandaríkjanna.

Linda Árnadóttir, forstjóri Umhverfisstofnunar - lét vita af því að allt útlit sé fyrir að Íslandi takist ekki að uppfylla þau metnaðarfullu markmið um minnkun losunar CO2 sem Ísland skuldbatt sig til að uppfylla skv. svokölluðum - markmiðum 2 skv. svokallaðri Kyoto bókun.

Ísland þurfi að kaupa losunarheimildir

  1. Hún stakk ekki upp á öðrum lausnum, en kaupum svokallaðra losunarheimilda.
  2. Eða að snarlega minnka losun fram til 2020 - sem í ljósi þess að nú er langt komið fram eftir 2017, líklega ópraktísk aðgerð.

http://cdn-img.ruv.is/sites/default/files/styles/1000x563/public/fr_20171011_070862.jpg?itok=1y4dzAB9

Spurning hvort að tilraunaverkefni Orkuveitu Reykjavíkur - geti haft eitthvað vægi?

Koltvíoxíð verður að grjóti

Um er að ræða smáskala tilraunverkefni um - kolefnisbindingu í grjót.

En hugmyndin er í sjálfu sér ekki flókin - byggist á þeirri þekktu efnafræðilegu staðreynd að kolefni úr koltvísýringi geti hvarfast við basaltgrunn landsins og myndað svokallað "carbonate rock" eða grjót með háu kolefnisinnihaldi.

  1. Þar sem að Ísland er nær allt úr basalti - þá er hér nóg af grjóti til að hvarfa við koltvíyldi.
  2. Hinn bóginn þarf sérstakar aðstæður svo slíkt hvarf eigi sér stað - á nægilegum hraða til að skipta máli.
  3. Þau skilyrði séu til staðar í - háhitakerfum.

--Þannig að málið sé að dæla niður afgangsvatninu frá borholum, í stað þess að sleppa því út í umhverfið.
--Blanda þá saman við það, koltvíyldi - sem væri skimað úr andrúmsloftinu með kolefnisgleypum.

Að sjálfsögðu þyrfti að gera þetta á nokkur þúsund sinnum stærri skala, en litla tilraunaverkefnið við Hellisheiðarvirkjun.

  1. Sennilega setja upp stóra kolefnisgleypa.
  2. Og niðurdælingu afgangsvatns.
  3. Þá þarf auðvitað að nota - varmaskipta til að hita kalt vatn með heitavatninu.
  4. Ekki nota uppdælda vatnið beint til húshitunar.
  5. Svo til sé staðar afgangsvatn til að dæla aftur niður.
  • Þessu mundu fylgja sömu gallar og hafa fylgt niðurdælingarverkefnum OR.
  • Þ.e. smáskjálftar.

--Mér hefur ekki virst þeir hafa reynst vera alvarlegt vandamál.
Þeir rökrétt koma einungis fyrsta kastið, þegar niðudælda vatnið fer að streyma inn í glufur og sprungur ofan í jörðinni - þá stundum losar það um spennu í bergi, en sú losun spennu auðvitað þíðir að skjálfti endurtekur sig ekki á sama stað.
--Þannig smá hverfa skjálfarnir eftir því sem á líður.

En tæknilega ætti að vera unnt að dæla verulegu magni af koltíyldi til varanlegrar varðveislu niður í bergrunn Íslands. En það sé varanleg varðveisla vegna þess að eftir að koltvíyldið verður að bergi, kemur það upp aftur einungis með veðrun - er getur tekið milljónir ára.

Sennilega bjargar slík aðferð ekki skuldbindingum Íslands fyrir 2020. Vegna þess að líklega sé tími til stefnu of naumur. En hún gæti skipt máli fyrir frekari skuldbindingar Íslands í framhaldinu.

 

Niðurstaða

Ég held að niðurdæling á koltíyldi til varanlegrar varðveislu í berggrunni landsins geti verið hluti af lausn Íslands þegar kemur að því að standa við -- alþjóðlegar skuldbindingar er snúa að vernd lofthjúpsins gagnvart vaxandi þéttni koltvíyldis í lofthjúpnum.

Það segir ekki að Ísland eigi ekki að - innleiða rafbíla.
Eða hugsanlega jafnvel - rafflugvélar í atvinnuflug á Íslandi.
Eru rafknúnar farþegaflugvélar framtíð innanlandsflugs á Íslandi?
Tezla ætlar að setja á markað, rafflutningabíl stóran.
Everything we know about Tesla's all-electric truck.

Hinn bóginn er margt við losun landsins sem ekki er auðvelt að glýma við - t.d. losun frá millilandaflugvélum, og losun frá skipum. Sú losun er í mjög stórum stíl.

  • Niðurdæling á koltvíyldi gæti án gríns, verið eina færa leiðin fyrir Ísland - til að geta staðið við framtíðar skuldbindingar er snúa að verndun lofthjúpsins.

 

Kv.


Trump segist ekki vilja auka gróða tryggingarfyrirtækja er selja heilsutryggingar - málið er að um var að ræða niðurgreiðslur svo fátækir gætu haft heilsutryggingar

Ef einhver man eftir -- fyrir örfáum mánuðum síðan, felldi Donald Trump út -- mótframlag til tryggingafyrirtækja, skv. þeirri áætlun hluti af svokölluðu "Obama care" greiddi bandaríska alríkið hluta af kostnaði fátækra Bandaríkjamanna við kaup á heilsutryggingum.
--Þegar Trump með tilskipun afnam þær niðurgreiðslur.
--Þá samtímis ógnar hann möguleikum fátækra Bandaríkjamanna til að endurnýja sínar heilsustryggingar, þegar næst kemur að endurnýjun þeirra.
--En ljóst er að margir þeirra, detta út úr aðgengi að bandaríska heilbrigðiskerfinu, ef þeir geta ekki lengur aflað sér heilsutrygginga.

Þetta er ljótt af honum svo hann fær mynd með grettu

http://s.newsweek.com/sites/www.newsweek.com/files/styles/embed-lg/public/2017/06/15/gettyimages-501380192.jpg

Umtalið um að -auðga tryggingafyrirtækin- er ekkert annað en útúrsnúningur!

Tilgangur Trumps með þessu, var hreint skemmdarverk. En með þessu smám saman detta þær millónir manna -- sem fengu aðgengi að heilsutryggingum, sem ekki áður höfðu það aðgengi - áður en svokallað "Affordable Care Act" tók gildi, einnig gjarnan nefnt "Obama care."

Ég verð að kalla þetta -- hreina illmennsku!

  1. Á þriðjudag var tilkynnt að samkomulag væri í augsýn þ.s. niðurgreiðslurnar mundu vera endurreistar.
  2. Það virtist vera naumur meirihluti fyrir því í Öldungadeild Bandaríkjaþings - með atkvæðum Repúblikana og hluta Demókrata.
  • En á miðvikudag sagði Trump hreint út -- að hann væri andvígur því, að endurreisa þessar niðurgreiðslur.

Niðurstaðan er einföld -- Donald Trump er "evil."
En ég get ekki litið mildari augum á það verk, að vísvitandi ætla að svipta milljónir fátækra Bandaríkjamanna, aðgengi að heilbrigðiskerfinu í Bandaríkjunum.
--Maður sem vísvitandi framkvæmir slíka aðgerð, verður að teljast illmenni.

White House says Trump opposes Senate's bipartisan Obamacare deal

On healthcare deal, Trump says he will not 'enrich' insurance companies

Trump on bipartisan Obamacare deal: 'I won't do anything to enrich the insurance companies'

 

Niðurstaða

Ég verð að kalla það hreina illmennsku sem Trump er að gera með því að hindra endurreisn niðurgreiðsla til fátækra Bandaríkjamanna frá alríkinu - svo þeir geti áfram keypt sér heilsutryggingar. En þessi aðstoð hefur verið mjög mikilvægur þáttur í því, að fækka þeim Bandaríkjamönnum sem lengi hafa búið við stórskert aðgengi að bandaríska heilbrigðiskerfinu því þeir hafa ekki getað staðið straum af kaupum heilbrigðistrygginga.
--Þetta sé hrein og tær meinfýsi, og þar sem um er að ræða aðgerð sem á komandi mánuðum þegar kemur að endurnýjun trygginga mun leiða það fram að mikill fjöldi fátækra Bandaríkjamanna missir aðgengi að heilsutryggingum -- þar af leiðandi verð ég að kalla þetta, hreina og tæra illmennsku.

Útkoman er sú, að heilsu þessa fólks mun hraka - hærra hlutfall þess mun látast af sjúkdómum eða slysum, því það hefur ekki efni á því að greiða fullt gjald til lækna eða sjúkrahúsa, svo unnt sé að veita því þá heilsuvernd sem sjálfsögð er talin í Vestrænum samfélögum.

Þetta getur valdið a.m.k. tugum þúsunda ótímabærra dauðsfalla per ár á nk. árum.

 

Kv.


Næsta síða »

Um bloggið

Einar Björn Bjarnason

Höfundur

Einar Björn Bjarnason
Einar Björn Bjarnason
Stjórnmála- og Evrópufræðingur. Áhugi á stjórnmálum, Evrópumálum, alþjóðamálum, málefnum Miðausturlanda, trúmálum, vísindum og tækni, og margt fleira.
Okt. 2017
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Eldri færslur

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

Nýjustu myndir

  • Mynd Trump Fylgi
  • Kína mynd 2
  • Kína mynd 1

Heimsóknir

Flettingar

  • Í dag (19.3.): 0
  • Sl. sólarhring: 7
  • Sl. viku: 40
  • Frá upphafi: 0

Annað

  • Innlit í dag: 0
  • Innlit sl. viku: 33
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband